Korɛnti1 14:4 - LAWA A BOO SONBORE

⁴ Min mɛn bɛ́ boo diɛ ka bɔlɔ soree ne, bɛ nə n doe a dinsɔɔ̃ lɛ. Min mɛn bɛ́ Lawa a boo gii diɛ, bɛ nə n doe Lawa a sɔmɔ tumumaa lɛ.

LAWA A BOO SONBORE 2011

⁴ Min mɛn bɛ́ boo diɛ ka bɔlɔ soree ne, bɛ nə n doe a dinsɔɔ̃ lɛ. Min mɛn bɛ́ Lawa a boo gii diɛ, bɛ nə n doe Lawa a sɔmɔ tumumaa lɛ.

Korɛnti1 14:4 ပူးပေါင်းရင်းမြစ်များ

Marki 16:17

Masɛ a goleemali wolen bɛ́ re n doɛ̃ sii a kɔnbɔn mɛnɛn li, bɛn man ka kɛn nɛ: Ǹ tá re nɔ̀ɔnɔn lui ǹ nə ǹ bɔ minin ganaa ka masɛ tɔ nɛ. Ǹ tá re bɔlɔ soreen pii.

Rɔmu minin 14:19

Sii mɛn bɛ́ toɛ, wɔ goã là nyantoro la kun, wɔ n dɔ kɔn lɛ, wɔ pàã yɛ kun golee Lawa li gɔ́ɔ̃ nɛ, ka daa wɔ n doa wɔ ga bɛ li.

Korɛnti1 12:10

A n kaãbaa ǹ sii zɛnaa koe min la, a Lawa a boo gii dalibaa kɔ min kɔsɔ la. A n yiri koe min tɛn la, a boo la a yiri baraa bɔkɔnlɛ dɔ̃ ka Lawa a Yiri Fu ni. A n bɔlɔ soree pɛ koe min tɛn dɔ la, a bɔlɔ soree lɛ a bɔyaa doɛ̃ kɔ min kɔsɔ dɔ la.

Korɛnti1 12:28

A n miɛ̃, Lawa tɔ́n siin kɛn koa a sɔmɔ-n: bibinaa nɛ, dia dí-a wolen manɛ, a paabaa ǹ wɔ, Lawa a boo gii-dalin manɛ, a sɔɔbaa ǹ wɔ, minin-daraalin manɛ. Bɛ kio, kaãbaa ǹ sii-zɛnaalin manɛ. Bɛ kio doo, busu-nyalin manɛ, ka dɔ minin lɛ wolen ne, ka sii nyɛɛnaan-bɔlen ne, ka bɔlɔ soree pɛlen ne.

Korɛnti1 13:1

Haalɛ ta má minbuiinin bɔlɔ pɛ, má lon a dia dí-a wole dinin wɔ pɛ, bɛ̀ kɔn-narɛɛ ba ma lon wa, maa boo laakalaa lɛ a màn kɔ́n lɛa wa. A n goon ka màn wuu n boe, hinlaa ka fɔlɔ màn wuu bɛ́ lɔn.

Korɛnti1 13:2

Ta má Lawa a boo gii-dali baa, ta má màn-doɛ̃ tumaa yɛ, man sii-duriin tumaa doɛ̃, goleemali mɛn bɛ́ boe la a kelen goa a ǹ bɔ ǹ bǎã nɛ, ta má bɛ yɛ, bɛ̀ kɔn-narɛɛ ba ma lon wa, ma a màn kɔ́n lɛa wa.

Korɛnti1 14:12

A din goon ne ka ka dɔn wɔ nɛ. Ka bɛ́ giɛ Yiri Fu a bǐɛ̃baa ǹ mànan li, ka ga ǹ li taãn-taãnɛ, sɛnɛ, ka zɛnaa Lawa a sɔmɔ kɛ a dɔmalɛ taman yii.

Korɛnti1 14:22

Bɛa yɔrɔ kɛ lɛ la, bɔlɔ soree pɛ bie sii-nyaa ǹ sii lɛa goleemali wolen ne wa, sɛnɛ, a n sii-nyaa ǹ sii lɛa goleemali baãnaan nɛ. Lawa a boo gii diɛ sɛ n sii-nyaa ǹ sii lɛa goleemali wolen ne; sɛnɛ, a ba sii-nyaa ǹ sii lɛa goleemali baãnaan nɛ wa.

Korɛnti1 14:26

A nə n pii kɛ ganaa mà wàa, ma dɔɔ̃nɔn lɛn? Bɛ̀ ka n lɛ sɔkɔn ka á Lawa guguru koe, loe n min goon li, minin daraa n kɛ dɔ li. Lawa sii mɛn nyaa, bɛ n kɔsɔ li, kɔsɔ dɔ n boo diɛ ka bɔlɔ soree ne, kɛ dɔ n bɔlɔ soree lɛ giala pii. Sɛnɛ, ka toa bɛ tumaa boo la a n dɔ Lawa a sɔmɔ lɛ.

Korɛnti1 14:3

Sɛnɛ, min mɛn bɛ́ Lawa a boo gii diɛ, bɛ n boo diɛ minbuiinin ni, a nə́ n doe ǹ lɛ, a tá ǹ foo taɛ̃, a tá ǹ foo basɛ̃.

Korɛnti1 14:5

Ma tá li máa ka tumaa bɔlɔ soree pɛ doɛ̃. Sɛnɛ, bɛ̀ ka á Lawa a boo gii diɛ doɛ̃, bɛ á kɔɔ̃n ma ganaa doo á la yii ni. Taãn nɛ, min mɛn bɛ́ Lawa a boo gii diɛ, bɛ là tan á la bɔlɔ soree pɛle ne. Yǎa bɛ̀ a tá a boo lɛ giala pii, á n doe Lawa a sɔmɔ lɛ.