Korɛnti1 14:37 - LAWA A BOO SONBORE

³⁷ Bɛ̀ min mɛn tá taasɛ ma asɛ n Lawa a boo gii-dali lɛa, hinlaa mà Yiri Fu a bǐɛ̃baa ǹ màn kɔ́n tá asɛ lon, a doamaa nɛ a dɔ̃, mà sɛ́wɔ ke ma á diɛ ka la, mà Dɛnaa din a dí-pɛ nɛ.

LAWA A BOO SONBORE 2011

³⁷ Bɛ̀ min mɛn tá taasɛ ma asɛ n Lawa a boo gii-dali lɛa, hinlaa mà Yiri Fu a bǐɛ̃baa ǹ màn kɔ́n tá asɛ lon, a doamaa nɛ a dɔ̃, mà sɛ́wɔ ke ma á diɛ ka la, mà Dɛnaa din a dí-pɛ nɛ.

Korɛnti1 14:37 ပူးပေါင်းရင်းမြစ်များ

Minin nimi 24:16

Min mɛn too bɛ́ Lawa a boo miɛ, min mɛn bɛ́ lon a Lawa gɔ́ɔ̃ miɛ, á n Pàãyiidɛnaa a sii-nyaa yii, á n niɛ̃ kiɛ tán a lɛ la, a yii n niɛ̃, bɛ n boo diɛ.

Luku 10:16

Yezu mà a kialandɛnan lɛn ganaa: «Bɛ̀ min mɛn nə́ n too kɔ ka lon, bɛa dɛnaa na á n too kɔ masɛ dinmaa lon. Bɛ̀ min mɛn dɔ nə́ n piã ka nɛ, bɛa dɛnaa na á n piã ka masɛ dinmaa nɛ. Sɛnɛ, bɛ̀ min mɛn nə́ n piã ka masɛ nɛ, bɛa dɛnaa na á n piã ka masɛ a Dia Wole lɛ nɛ.»

Rɔmu minin 12:3

Lawa din na á dí kɛ lɛ kɔ ma la, ka a din a bǐɛ̃baa barka nɛ. Bɛ lɛ tɔ ganaa, man pii ka tumaa nɛ, máa min kɔ́n baran taasiɛ wɔ, a n din da bǎã gole-n wa. Sɛnɛ, didie din boɛɛn kɔ ǹ taasiɛ wɔ a din wɔ gɔn la, Lawa goleemali pàã lɛ mɛn kɔ la, a kɔnpɛ ka bɛ nɛ.

Korɛnti1 14:29

Lawa a boo gii-dalin boon wɔ paǹ li, min paa hinlaa min sɔɔ á boe la a boo da, ǹ miãn gialakunun kɛn nə́ kiri we ǹ boo diɛn lɛn ganaa.

Korɛnti1 14:36

Ka n taasɛ mà Lawa a boo lɛ na á n giala kɔ kasɛn li? Hinlaa a na á daa ka dininsɔɔ̃nɔn li?

Korɛnti1 14:38

Bɛ̀ min mɛn ba bɛ doɛ̃ wa, Lawa ba ǹ dɛnaa dɔ doɛ̃ wa.

Korɛnti1 2:15

Lawa a Yiri Fu bɛ́ min mɛn lon, bɛa dɛnaa á boe la a sii tumaa bɔ kɔn lɛ. Sɛnɛ, min kɔ́n ba boe la a kiri wɔ asɛ ganaa doɛ̃ wa.

Korɛnti1 3:1

Ma dɔɔ̃nɔn lɛn, ma boo la má boo da ka nɛ ka Yiri Fu bɛ́ min mɛnɛn nɛ wa. Sɛnɛ, a n ka man má boo da ka gɔ̀nɔn foo sii zɛnaa wolen ne, ǹ nə́ ka nɛnyaan bɔnboɛɛnɛn bɛ́ lɔn *Krita a sii gɔ́ɔ̃ nɛ.

Korɛnti1 7:25

Min mɛnɛn bɛ́ ǹ tɔn kɔn wɔ wa, Dɛnaa a boo nyaǹ zii ba ma gɔn ǹ wɔ paǹ li wa. Sɛnɛ, ma din yiri boo n ke, ma á pii. Dɛnaa bǐɛ̃ mɛn baa ma la, bɛ á toɛ min waa ma la.

Korɛnti1 7:40

Bɛ̀ á goã a ná a kɔn wɔ wa, masɛ yii li, a là nyantoro á gole ka bɛ nɛ. Maa taasiɛ n ka bɛ nɛ, a tá ma yiri ni, máa Lawa a Yiri Fu tá ma li.

Korɛnti1 8:2

Bɛ̀ min taasɛ a yiri ni, mà asɛ á màn kɛ doɛ̃, a tɔn bɛa màn lɛ dɔ̃, ka a bɛ́ kɔnboe a dɔ̃ lɔn wa.

Korɛnti2 10:12

Min mɛnɛn bɛ́ n dinin piɛ̃ gole koe, masɛ ba n zoɛ̃ kɔn ka bɛn nɛ wa. A giala, ǹ mìi we banban, maǹ nə n zoɛ̃ kɔn ka ǹ dinin ni, ǹ kɔnboe n ka ǹ dinin ni.

Korɛnti2 10:7

Ka ga siin ganaa doɛ̃. Bɛ̀ bɛ nɛ, bɛ̀ min mɛn golee li mà asɛ n Krita wɔ lɛa, ǹ dɛnaa nə n yiri koa kɛ li gɔrɔ. Masɛ dɔ n Krita wɔ lɛa ka a dɔ bɛ́ lɔn.

Korɛnti2 11:4

A giala, ta min na á daa Yezu kɔsɔ boo da ka nɛ, a ná a goon ka masɛ bɛ́ má ǹ mɛn pɛ ka-n wa, hinlaa á yiri kɔsɔ wɔ ka nɛ a ná a goon ka kɛ nɛ ká yɛ wa, hinlaa á Boo Tii Kɔɔ̃n kɔsɔ pɛ ka nɛ tɔtɔ ka kɛ nɛ masɛ pɛ ka nɛ, ka ǹ lɛ koe bɛ ganaa taãn-taãnɛ.

Galaasi minin 6:8

Bɛ̀ min màn da á kɔnpɛ ka a gɔ̀nɔn foo sii ni, gɔ̀nɔn foo sii bɛ́ màn mɛn koe, a n die bɛ kuri: Gɛ̀ nɛ. Sɛnɛ, bɛ̀ min màn da á kɔnpɛ ka Yiri Fu foo sii ni, Yiri Fu bɛ́ màn mɛn koe, a n die bɛ kuri: nyin nyabaã nɛ.

Piɛrɛ2 3:2

Man giɛ li, ka n yiri gisĩ boon kɛn nɛ, Lawa a boo gii-dali sonboren kɛn nə́ ǹ pɛ lɛlɛ, ka Dɛnaa Minin Nyin-sili a dí-pɛ kɛ nɛ, dia dí-a wolen nə́ ka daraa a ganaa.

Zaã1 4:6

Sɛnɛ, wɔsɛn man Lawa wɔn lɛa. Min mɛn bɛ́ n din koe Lawa-doɛ̃ la, bɛ nə n too koe wɔ lon. Min mɛn bɛ́ a Lawa wɔ lɛa wa, bɛ ba n too koe wɔ lon wa. Yiri mɛn bɛ́ sonbore pii ka minin sã ǹ yiri ke, wɔ ǹ bɛn bɔkɔnlɛ doɛ̃ bɛ li.

Zude 1:17

Maa giaáran lɛn, wɔa Dɛnaa Yezu Krita a kialandɛnan lɛn nə wɔ daraa boon mɛnɛn ganaa lɛlɛ ke, ka n yiri gisĩ bɛn nɛ.