Korɛnti1 14:20 - LAWA A BOO SONBORE

²⁰ Ma dɔɔ̃nɔn lɛn, sii-doɛ̃ wɔ paǹ li, ka baran n dinin baa nɛnyaanan lɛa wa. Ka goã nɛnyaanan lɛa sii bɔnɛɛ wɔ paǹ li, sɛnɛ, sii-doɛ̃ wɔ paǹ li, ka toa ka goã min golen lɛa.

LAWA A BOO SONBORE 2011

²⁰ Ma dɔɔ̃nɔn lɛn, sii-doɛ̃ wɔ paǹ li, ka baran n dinin baa nɛnyaanan lɛa wa. Ka goã nɛnyaanan lɛa sii bɔnɛɛ wɔ paǹ li, sɛnɛ, sii-doɛ̃ wɔ paǹ li, ka toa ka goã min golen lɛa.

Korɛnti1 14:20 ပူးပေါင်းရင်းမြစ်များ

Nehemii 4:13

Má tɔ́n pɛ goledɛnan lɛn manɛ kəni, ka sii yɔrɔ-bɔlen laanka zaman gialakun lɛ nɛ: «Di lɛ pàã á gole, wɔ n wɔ́ n pɛsɛ̃ kungɔn lɛ ganaa, wɔ wɔlɔ n lui-n kɔn ganaa.

Loen 119:99

Min mɛnɛn nə ma daraa, má sii dɔ̃ má la bɛn manɛ. A giala, ma nə n taasɛ ka n gɔn waa ǹ boon kɛn nɛ duduu.

Izayii 11:3

Nyɛ́ɛ baa Dɛnaa Lawa yii ni n die goɛ̃ a foo sii lɛa. A yii bɛ sii mɛn ganaa a re kiri kuri bɛ li wa. A too bɛ boo mɛn miɛ, a re sii yɔrɔ boe bɛ li wa.

Zeremii 4:22

Dɛnaa Lawa pɛ: Maa zaman lɛ a sii doɛ̃ wa, a ba ma doɛ̃ wa. Maǹ nɛnyaanan lɛa, ǹ ba n taasɛ wa, ǹ ba sii kɔn giala miɛ wa. Ǹ tá kɔn doɛ̃ ka sii baraa zɛnaa nɛ, sɛnɛ, ǹ ba kɔn doɛ̃ ka bǐɛ̃-n wa.

Matiə 11:25

A din waáraa kɛ lɛ nɛ, Yezu pɛ: «Ma Di Lawa ganaa, lon laanka tán a Dɛnaa, masɛ n barka diɛ n nɛ. A giala n din ni ń siin kɛn duru sii-dɔ̃lin laanka yiridɛnan la, ń nyaa baãnaanan manɛ.

Matiə 18:3

á tɔ́n pɛ: «Man pii ka nɛ, sonbore ne: Bɛ̀ ka kaa tɔ wɔ ǹ gɔn bɔyaa ka n dinin kiɛɛrɛ kɔ ka nɛnyaanan bɛ́ lɔn wa, ka a re we lon a kiibaa-n wa.

Matiə 19:14

Yezu tɔ́n pɛ: «Ka toa nɛnyaanan lɛn nə da masɛ li, ka baran ǹ kurəə wa. A giala min mɛnɛn bɛ́ ka nɛnyaanan bɛ́ lɔn, *Lawa a kiibaa lɛ n bɛn wɔ lɛa.»

Matiə 19:4

Yezu tɔ́n pɛ ǹ nɛ: – Lawa a boo bɛ́ màn mɛn diɛ, ka bɛ lɛ pɛ sɛ́wɔ-n wa? Min mɛn lɛ á ke á ǹ zɛnaa, a na á ǹ zɛnaa giĩ laanka lɔ, haalɛ kanaa a giala kɔ waáraa.

Marki 10:15

Man pii ka nɛ ka boo taãn nɛ: Bɛ̀ min mɛn lɛ kɔ Lawa a kiibaa ǹ boo kɛ ganaa ka nɛnyaan bɛ́ lɔn wa, bɛa dɛnaa a re we wa.»

Luku 18:17

Masɛ n pii ka nɛ sonbore, bɛ̀ min mɛn lɛ kɔ Lawa a kiibaa lɛ ganaa ka nɛnyaan bɛ́ lɛ koe sii-a lɔn wa, bɛa dɛnaa a boe la a wɔ Lawa a kanaa dii kɛ-n wa.»

Rɔmu minin 1:13

Dɔɔ̃nɔn lɛn, masɛ n giɛ li ka dɔ̃, má a lɛn zɔɔ̃ gunyin damata, máa man die ka li, màn mɛn bɛ́ toɛ, mà maa dí bǎã kɔ́n yɛ ka bii, ka ma bɛ́ má yɛ tɔrɔ kɔsɔn bii lɔn. Sɛnɛ, ma tɔn boo la ka pelo yii-n wa.

Rɔmu minin 16:19

Sonbore, min tumaa tá kaa Lawa bɔlɔ-sii kɛ doɛ̃. Bɛ lɛ na á toa, ma tá n nyɛnyɛɛ kaa lɛa. Sɛnɛ, man giɛ li ka ga sii bǐɛ̃ zɛnaa li, ka bɛa dɔ̃lin baa, ka baran ga sii baraa zɛnaa li, ka bɛa dɔ̃lin baa wa.

Korɛnti1 13:11

Ma bɛ́ má goã nɛnyaan lɛa, man má goã boo diɛ ka nɛnyaan wɔ bɛ́ lɔn, má goã n taasɛ ka nɛnyaan wɔ bɛ́ lɔn, má goã n yiri koe ka nɛnyaan wɔ bɛ́ lɔn. Sɛnɛ, ma bɛ́ má min gole baa, má nɛnyaanbaa ǹ sii tumaa lɛ doa walan.

Korɛnti1 14:19

Sɛnɛ, lɛsɔkɔn bǎãn nɛ, bɛ̀ má boo sooro da, minin ná a giala miɛ, á n dɔmalɛ lɛa min kɔsɔ ganaa, bɛ á pɛsã á la maa bɔlɔ soree duu fù pɛ nɛ.

Korɛnti1 2:6

A laanka bɛ nɛ, kaa min mɛnɛn yii fulu Lawa a zii gɔ́ɔ̃ nɛ, man má goã sii-doɛ̃ sii nyɛɛ bɛn manɛ. Sɛnɛ, kanaa kɛ a sii-doɛ̃ sii bie wa, pàãdɛnan mɛnɛn dɔn bɛ́ kanaa kɛ gɔ́ɔ̃ nɛ, ǹ nə́ ǹ tan ziziɛ̃ a lɛa, bɛn yiri kɛ dɔ bie wa.

Efɛɛzi minin 4:13

Bɛa yɔrɔ kɛ lɛ la, wɔ tumaa á re goɛ̃ goon goleemali laanka Lawa a Nɛgiĩ doɛ̃ gɔ́ɔ̃ nɛ. Wɔ tumaa a min golebaa lɛ á re piɛ̃, wɔ n baa Krita din a kɔnboe taãnan lɛa.

Filipi minin 1:9

Ma bɛ́ Lawa nyan mɛn koe ka a lɛa, bɛ á ke: Ma na a nyankoe, máa a kaa kɔn-narɛɛ gole kɔ a wo nyɛɛn miɛ̃, a toa sii-doɛ̃ taãn mɛ li, ka sii giala ma sonbore ne,

Filipi minin 3:15

Wɔsɛn mɛnɛn tumaa bɛ́ wɔ́ woo nyɛɛn goleemali gɔ́ɔ̃ nɛ, ka toa wɔa taasiɛ goã bɛa yɔrɔ goon kɛ la. Sɛnɛ, ta min tɛnɛn tá ka bii, ǹ nə́ n taasɛ ka yɔrɔ kɔsɔ nɛ, Lawa á re wɔlɔ fúlu kiɛ ka ganaa bɛn sii taman yii.

Piɛrɛ1 2:2

Ka n baa ka nɛnyaan tiɛɛ̃nɛn bɛ́ lɔn, ǹ bɛ́ giɛ nyɔ li lɔn, ka dɔn nə ga Lawa a boo sonbore kɛ li miɛ̃, màn mɛn bɛ́ toɛ, ka gole kɔ bɛa boo lɛ barka nɛ, ka wo dɔ kirisibaa ganaa.

Piɛrɛ2 3:18

Sɛnɛ, wɔa Dɛnaa laanka wɔ Nyin-sili Yezu *Krita bɛ́ bǐɛ̃ mɛn zɛnɛɛ ka nɛ, ka toa ka wo nyɛɛn bɛ gɔ́ɔ̃ nɛ, ka wo nyɛɛnɛ a dinmaa doɛ̃ dɔ gɔ́ɔ̃ nɛ. Gugurubaa na a din wɔ lɛa kanna yǎa duduu. A n miɛ̃.