Korɛnti1 14:15 - LAWA A BOO SONBORE

¹⁵ Man die ǹ mɛn zɛnɛɛ kəni? Man die Lawa nyankoe ka ma yiri ni, ma a nyankɔ ka maa doɛ̃ dɔ nɛ. Man die loe loe ka ma yiri ni, ma lɔ ka maa doɛ̃ dɔ nɛ.

LAWA A BOO SONBORE 2011

¹⁵ Man die ǹ mɛn zɛnɛɛ kəni? Man die Lawa nyankoe ka ma yiri ni, ma a nyankɔ ka maa doɛ̃ dɔ nɛ. Man die loe loe ka ma yiri ni, ma lɔ ka maa doɛ̃ dɔ nɛ.

Korɛnti1 14:15 ပူးပေါင်းရင်းမြစ်များ

Loen 47:7

Ka loe lɔ ka Lawa tɔ bɔ, ka loe lɔ. Ka loe lɔ ka wɔa kii tɔ bɔ, ka loe lɔ.

Nya ǹ dín 21:22

Ma n die n biɛ lɔn kəni? Ǹ bɛ́ re miɛ mà ń daa.

Rɔmu minin 1:9

Biikoo tumaa waáraa, bɛ̀ ma á Lawa nyankoe, ma nə n yiri koɛ ka nɛ. Ma na a nyankoe Lawa lon, máa a zii kɔ ma la, ma da bɔ ka li sisia. Lawa á doɛ̃ mà boo taãn nɛ ma á diɛ. Ma bɛ́ dí nyɛɛ asɛ Lawa mɛn nɛ, ka ma foo din tumaa nɛ, ma ná a Nɛgiĩ Yezu kɛ boo pii min tumaa nɛ, a din nə maa siére lɛa.

Rɔmu minin 3:5

Sɛnɛ, bɛ̀ wɔa bɔlɔgoonbaãdɛnaabaa tá Lawa a bɔlɔgoondɛnaabaa nyɛɛ, wɔa bɔlɔgoonbaãdɛnaabaa lɛ sɛ a soɛ wa? Á siĩn doo Lawa dɔlɔ bɔ wɔ ganaa bɛa lɛa? Bɛ a kɔkɔrɔ wa? Man bɛa nɔ̀n-diɛ kɛ we á kɔnpii minbuiinin taasiɛ nɛ.

Rɔmu minin 8:31

Wɔ n die pii mà wàa kəni? Bɛ̀ Lawa tá kun wɔ nɛ, die n die boe wɔ la?

Korɛnti1 10:19

Man giɛ li ma pɛ mà wàa? Mà là tá dì wúlu siĩ lɛ laanka dì lɛ din ganaa?

Korɛnti1 14:14

Bɛ̀ ma á Lawa nyankoe ka bɔlɔ soree ne, ma yiri n Lawa nyankoe. Sɛnɛ maa doɛ̃ n goɛ̃ kooro, a ná a màn kɔ́n giala miɛ a-n wa.

Korɛnti1 14:19

Sɛnɛ, lɛsɔkɔn bǎãn nɛ, bɛ̀ má boo sooro da, minin ná a giala miɛ, á n dɔmalɛ lɛa min kɔsɔ ganaa, bɛ á pɛsã á la maa bɔlɔ soree duu fù pɛ nɛ.

Korɛnti1 14:26

A nə n pii kɛ ganaa mà wàa, ma dɔɔ̃nɔn lɛn? Bɛ̀ ka n lɛ sɔkɔn ka á Lawa guguru koe, loe n min goon li, minin daraa n kɛ dɔ li. Lawa sii mɛn nyaa, bɛ n kɔsɔ li, kɔsɔ dɔ n boo diɛ ka bɔlɔ soree ne, kɛ dɔ n bɔlɔ soree lɛ giala pii. Sɛnɛ, ka toa bɛ tumaa boo la a n dɔ Lawa a sɔmɔ lɛ.

Efɛɛzi minin 6:18

Ka bɛa sii lɛ tumaa zɛnaa Lawa nyankɔ gɔ́ɔ̃ nɛ, ka dɔmalɛ nyankɔ Lawa lon. Ka Lawa nyankɔ sii tumaa gɔ́ɔ̃ nɛ, Yiri Fu n ka nyɛɛnaan boe. A bɛ́ miɛ̃, ka goã ka gòãn la, ka n yii kaka kɔ, ka goã bɔlɔgoondɛnan lɛa ka wo ne. Ka Lawa nyankɔ Lawa a zaman min din tumaa a lɛa.

Filipi minin 1:18

Sɛnɛ, ma laadoo! Á kɔɔ̃nɛ ǹ ganaa, ǹ taasiɛn nə́ goã kɔkɔrɔ, hinlaa pepere, yǎa Krita boo bɛ́ n diɛ, masɛ nə n nyɛnyɛɛ bɛa lɛa. Man die n nyɛnyɛɛ dɔn dinin a wo miɛ̃.

Kolɔɔsi minin 3:16

Ka toa Krita a boo kɛ goã ka bii, a na a bǐɛ̃ kɛ tumaa zɛnaa ka foo ne. Ka kɔn daraa ka yiri sonbore ne, ka n dan da kɔn nɛ sɔnbɔraanɛ. Ka Lawa tɔ bɔ, ka barka da nɛ ka ka foo din tumaa nɛ. Ka Lawa tɔ bɔ ǹ loen lɔ, ka loe kɔsɔn nɛ, ka Yiri Fu bɛ́ loen mɛnɛn dɔn gisĩ ka mìi pán nɛ.

Zaaki 5:13

Bɛ̀ kaa min mɛn tá nɔmaa nɛ, ǹ dɛnaa Lawa nyankɔ. Bɛ̀ kaa min mɛn foo á kɔɔ̃nɛ, ǹ dɛnaa loe lɔ a Lawa tɔ bɔ nɛ.

Zude 1:20

Sɛnɛ, maa giaáran lɛn, kasɛn nə ga wo-nyɛɛn li kaa goleemali sonbore kɛ gɔ́ɔ̃ nɛ. Ka Lawa nyankɔ ka Yiri Fu pàã nɛ.