Korɛnti1 13:9 - LAWA A BOO SONBORE

⁹ A giala, wɔa màn-doɛ̃ lɛ lɛ a piɛ̃-n wa, wɔa Lawa a boo gii-dalibaa dɔ lɛ a piɛ̃-n wa.

LAWA A BOO SONBORE 2011

⁹ A giala, wɔa màn-doɛ̃ lɛ lɛ a piɛ̃-n wa, wɔa Lawa a boo gii-dalibaa dɔ lɛ a piɛ̃-n wa.

Korɛnti1 13:9 ပူးပေါင်းရင်းမြစ်များ

Zɔbu 26:14

A nya ǹ dí lɛ lɛkoro din nə ka bɛ nɛ, bɛ lɛ wuu boɛɛnɛ wɔ á miɛ̃. Sonbore, Lawa á sii dadaran zɛnɛɛ. Die n boe la a bɛn giala ma?»

Loen 139:6

N din a ma dɔ̃ kɛnɛn ke, kaãbaa ǹ sii ni, á kiɛ̃ maa sii-doɛ̃ la. Á la yii ni, ma ba a giala miɛ wa.

Loen 40:5

Min mɛn bɛ́ á n foo doa Dɛnaa Lawa ganaa, Lawa á re barka diɛ bɛa dɛnaa ganaa. A koa kun ka din gole-kɔlen ne wa, a n saa ǹ soɛ boon li wa.

Suusun 30:4

Die na á dii lon á wusoo á gisĩ? Die na á piɛ̃ kũ ka a gɔn nɛ? Die na á mɔnaa pɛnɛ mu ganaa? Die na á n yiin doa tán gèlè tumaa la? Ǹ dɛnaa tɔ n die? A nɛgiĩ tɔ n die? N tá bɛ doɛ̃?

Matiə 11:27

Maa Díi Lawa na á màn din tumaa sii toa ma gɔn. Min kɔ́n ba Nɛgiĩ doɛ̃ wa, bɛ̀ á n bɔ Díi dinsɔɔ̃ nɛ, min kɔ́n ba Díi doɛ̃ wa, bɛ̀ á n bɔ a Nɛgiĩ lɛ dinsɔɔ̃ laanka Nɛgiĩ lɛ bɛ́ li a nyaa min mɛn nɛ.

Rɔmu minin 11:34

Ká a bɛ́ á n pɛ Lawa a boo-n lɔn: «Die n boe la a Lawa a taasiɛ dɔ̃ sonbore? Die n yiri koe la? Min kɔ́n!»

Korɛnti1 13:10

Sɛnɛ, bɛ̀ sii lɛ-piɛ̃ zɛnaa daa biikoo mɛn li, lɛ-doa bɛ́ sii mɛn la, bɛ á re nyɛɛ.

Korɛnti1 13:12

Sisia, wɔ yii n màn yii nuùnaà nɛ kooro ka damalon wɔ bɛ́ lɔn, sɛnɛ ǹ kɔ́n pinaa, wɔ á re goɛ̃ kɔn yɔrɔ-a dəndəənəə ne. Sisia maa màn-doɛ̃ lɛ lɛ a piɛ̃-n wa, sɛnɛ, ǹ kɔ́n pinaa maa màn-doɛ̃ lɛ lɛ á re piɛ̃ ka Lawa bɛ́ ma doɛ̃ lɔn.

Korɛnti1 2:9

Sɛnɛ, a n ka Lawa a sɛ́wɔ bɛ́ á pɛ lɔn: «Min mɛnɛn bɛ́ Lawa narɛ, a màn mɛn zɛnaa á koa bɛn manɛ, min kɔ́n yii bin nə n miã yɛ wa, min kɔ́n too bin ma wa, min kɔ́n a taasiɛ tɔn dɔ a ganaa wa.»

Korɛnti1 8:2

Bɛ̀ min taasɛ a yiri ni, mà asɛ á màn kɛ doɛ̃, a tɔn bɛa màn lɛ dɔ̃, ka a bɛ́ kɔnboe a dɔ̃ lɔn wa.

Efɛɛzi minin 3:8

Masɛ n Lawa a zaman kɛ a min bɔnboɛɛnɛn tumaa a boɛɛndɛnaa lɛa. Bɛ tumaa kio, Lawa nə́ n tã la, á lɛ kɔ ma la, ka bɛa bǐɛ̃ kɛ nɛ. Mà ma Krita a màndɛnaa gole gole baa ǹ Boo Tii Kɔɔ̃n kɛ pɛ tɔrɔ kɔsɔn manɛ.

Zaã1 3:2

Maa giaáran lɛn, wɔ n Lawa a nɛnyaanan lɛa gɔrɔ. Wɔ bɛ́ re màn mɛn biɛ, wɔ tɔn bɛa foaãbaa yɛ bɔrɔ wa. Bɛ tun kio, wɔ á doɛ̃ wáa bɛ̀ *Krita daa biikoo mɛn li, wɔ n die kɔnboe ka a din ni, wɔ ǹ die yii, ka a bɛ́ lɔn.