Korɛnti1 13:7 - LAWA A BOO SONBORE

⁷ Kɔn-narɛɛ n toɛ min nə ǹ miã a sã tumaa toa nɛ. A n toɛ min golee ǹ miã li ka sii tumaa nɛ. A din nə toɛ dɔn min foo-doa yɛ sii tumaa gɔ́ɔ̃ nɛ, a sii tumaa si a ganaa.

LAWA A BOO SONBORE 2011

⁷ Kɔn-narɛɛ n toɛ min nə ǹ miã a sã tumaa toa nɛ. A n toɛ min golee ǹ miã li ka sii tumaa nɛ. A din nə toɛ dɔn min foo-doa yɛ sii tumaa gɔ́ɔ̃ nɛ, a sii tumaa si a ganaa.

Korɛnti1 13:7 ပူးပေါင်းရင်းမြစ်များ

Siin Giala 29:20

Zakɔba dí nya Laban nɛ lɛ̀ sɔbaa gɔ́ɔ̃ nɛ, Raseli a lɛa. Sɛnɛ, bɛa lɛ̀ sɔbaa lɛ nə́ n baa laan paa dinsɔɔ̃ lɛa Zakɔba yii li. A giala, á goã Raseli narɛ parsiini.

Zɔbu 13:15

Bɛ̀ Lawa lɛ á ma dii, a ma dɛ. Maa sii... Sɛnɛ, ma á re n bɔlɔ pii a din lɛ yɔrɔ-a.

Loen 119:66

Yiri laanka sii-doɛ̃ kɔ ma la, a giala, ma foo n doa nɛ n dí-pɛn lɛn ganaa.

Suusun 10:12

Min mɛn bɛ́ ǹ miã tìĩ n boe n ne, bɛ n yui ka zia nɛ. Sɛnɛ kɔn-narɛɛ n toɛ n nə n miã sãn toa nɛ.

Matiə 10:22

Min din tumaa á die ka biɛ zɔ́ɔ masɛ tɔ taman yii. Sɛnɛ, bɛ̀ min mɛn si a ganaa yǎa a woo kaa a lɛ nyɔmiɛ̃ lɛ, Lawa á die bɛa dɛnaa kirisibiɛ.

Marki 9:23

Yezu tɔ́n pɛ nɛ: «Bɛ̀ ma tá boe la...! Bɛ̀ min golee Lawa li, a n boe sii tumaa la.»

Rɔmu minin 15:1

Wɔsɛn mɛnɛn pàã bɛ́ gole golee Lawa li gɔ́ɔ̃ nɛ, wɔ doamaa nɛ, min mɛnɛn pàã bɛ́ kiɛɛrɛ golee Lawa li gɔ́ɔ̃ nɛ, wɔ bɛn sii si wɔ ganaa. Siin mɛnɛn bɛ́ kɔɔ̃n wɔ ganaa, wɔ baran ga bɛn li wa.

Rɔmu minin 8:24

Foo-doa gɔ́ɔ̃ nɛ, wɔa kirisibaa lɛ lɛ pã gɔrɔ. Sɛnɛ, a lɛ n piɛ̃-n gɔrɔ foo-doa dinsɔɔ̃ gɔ́ɔ̃ nɛ. Min bɛ́ n yii diɛ màn mɛn a daa la, bɛ̀ a yii bɛ yɛ, a laadoo ba a ganaa a n foo doa doo, ka n pɛ mà bɛa màn lɛ n tɔn sɔsɔɔ wa. Die n màn yii a yii ni, a wusoo doo a n foo doa bɛ ganaa, ka n pɛ mà a wɔlɔ n sɔsɔɔ?

Korɛnti1 13:4

Kɔn-narɛɛ n toɛ min nə n foo kũ, a sii n kɔɔ̃nɛ, a yii ná a mimini wa. A toɛ min nə n din kalaa wa, a toɛ a n din koa wa.

Korɛnti1 9:12

Bɛ̀ min kɔsɔn tá bɛ miã yii ka li, wɔsɛn ba kɔnboe ne, a la bɛn wɔ-n ma? Sɛnɛ, wɔsɛn nə bɛa màn kɛ lɛ kɔ́n yɛ ka li wa. Wɔ n wɔ́ sii tumaa si wɔ ganaa dinin, ń giɛ wɔ bɛ́ Boo Tii Kɔɔ̃n zii mɛn nyɛɛ ka nɛ, á n *Krita wɔ lɛa, màn kɔ́n nyan ka kurəə bɛ ganaa wa.

Galaasi minin 6:2

Ka n dɔ kɔn lɛ, ka kɔn a guĩ gũ. Bɛ̀ ka á zɛnɛɛ miɛ̃, ka ǹ *Krita a dí-pɛn lɛ sii.

Timəə dí-pɛn 1:9

Bɛa waáraa kɛ lɛ nɛ, má pɛ ka nɛ máa ma dinsɔɔ̃ a boe la, man toɛ̃ ka kaa sii-n wa.

Timəə dí-pɛn 22:27

Giĩ lɛ bɛ́ na á woo nɛniɛ lɛ yaa don, haalɛ ta nɛniɛ lɛ nə́ n lɛ dɛ, min kɔn ba re yii a si la wa.

Tesaloniki2 1:4

Bɛ lɛ na á toa, wɔ dɔn tá wɔ dinin laakalɛɛ kaa lɛa Lawa a sɔmɔ minin yɔrɔ-a, a giala, ká sii si ka ganaa ká goleemali wɔ, fuu laanka nɔmaa tumaa gɔ́ɔ̃ nɛ.

Timote2 2:24

A giala, Dɛnaa a dí-nyali doamaa bie a goã zia-dali lɛa wa. A foo doamaa nɛ a goã basiɛ̃-n min tumaa wɔ paǹ li. A doamaa nɛ a boo minin daraa la, á n sii sii a ganaa.

Timote2 3:11

Ǹ fuu mɛn nyaa ma nɛ, ma nɔmaa mɛn wɔ, n tá bɛ dɔ doɛ̃. Sii mɛn tumaa ma yɛ Antiɔsi kiwi, Ikoniɔmu ni, ka Listrə ne, n bɛn tumaa yɛ. Bɛ̀ ń pɛ mà fuu, má yɛ. Sɛnɛ, Dɛnaa ma bɔ a din tumaa gɔ́ɔ̃ nɛ.

Timote2 4:5

Sɛnɛ, nsɛ toa n boo n din la sii tumaa gɔ́ɔ̃ nɛ, n nɔmaa si n ganaa, n Boo Tii Kɔɔ̃n kɛ pɛ, n nə n Lawa a dí nya a yɔrɔ li sɔnbɔraanɛ.

Ebrəə 13:13

Ka daa wɔ dɔn nə soo, wɔ wo a li kiwi lɛ kio, wɔ dɔn na a din sìi kɛ lɛ si wɔ ganaa.

Zaaki 1:12

Min mɛn bɛ́ nɔmaa sii a ganaa, bɛa dɛnaa wɔ á re bǐɛ̃ koe. A giala, bɛ̀ a bɔ a-n ka bǐɛ̃ nɛ, á re yiikoonaabaa yii. Min mɛnɛn bɛ́ Dɛnaa narɛ, a na á n lɛ kɔ, mà á die bɛ lɛ koe ǹ la.

Piɛrɛ1 2:24

Krita na á n din kɔ, á wɔa sii baraan gũ gɔn ganaa, màn mɛn bɛ́ toɛ, wɔsɛn mɛnɛn dɔn bɛ́ ka geren bɛ́ lɔn kanna, sii baraan wɔ a paǹ li, wɔ boo la wɔ peperebaa ǹ dí nya. Asɛ a màbɔmaa busulɛn man nə́ wɔsɛn wɔn nya.

Piɛrɛ1 4:8

Sii mɛn bɛ́ ka doamaa-n ka da sii tumaa nyɛɛnɛ, bɛ n ka kɛ nɛ: Ka kɔn narɛ ka ka foo din tumaa nɛ. A giala, kɔn-narɛɛ á pìi koe sii baraa gigiã lɛ.