Korɛnti1 13:2 - LAWA A BOO SONBORE

² Ta má Lawa a boo gii-dali baa, ta má màn-doɛ̃ tumaa yɛ, man sii-duriin tumaa doɛ̃, goleemali mɛn bɛ́ boe la a kelen goa a ǹ bɔ ǹ bǎã nɛ, ta má bɛ yɛ, bɛ̀ kɔn-narɛɛ ba ma lon wa, ma a màn kɔ́n lɛa wa.

LAWA A BOO SONBORE 2011

² Ta má Lawa a boo gii-dali baa, ta má màn-doɛ̃ tumaa yɛ, man sii-duriin tumaa doɛ̃, goleemali mɛn bɛ́ boe la a kelen goa a ǹ bɔ ǹ bǎã nɛ, ta má bɛ yɛ, bɛ̀ kɔn-narɛɛ ba ma lon wa, ma a màn kɔ́n lɛa wa.

Korɛnti1 13:2 ပူးပေါင်းရင်းမြစ်များ

Matiə 13:11

Yezu tɔ́n pɛ ǹ nɛ: – Lon a kiibaa a sii-duriin kɛn, Lawa na á bɛn nyaa kasɛn manɛ. Sɛnɛ, a nyaa ǹsɛn man wa.

Matiə 17:20

Yezu tɔ́n pɛ ǹ nɛ: «A giala, kaa golee Lawa li á kiɛɛrɛ á la yii ni. Masɛ n sonbore pii ka nɛ: Mutarde nàn mɛn din bɛ́ kiɛɛrɛ, bɛ̀ golee Lawa li yɛ ka lon a gole baa dɔ bɛ li, bɛ̀ ka pɛ kele kɛ nɛ mà a yoo a n bɔ kànaa a wo kɛnɛn li, a n yui a woo. Bɛ̀ ka ba re foɛ̃ sii kɔ́n baa lɛ wa. [

Matiə 21:19

Á gɔ́rɔ da kɔ́n yɛ zii para-a, á kanaa á ga ǹ dan la, a màn kɔ́n yɛ wa, bɛ̀ á n bɔ a luu ni. Yezu tɔ́n pɛ gɔ́rɔ da lɛ nɛ: «Nsɛ kɛ a nɛ koe doo duduu wa.» A din bǎã-n gɔrɔ, gɔ́rɔ da lɛ laa.

Matiə 21:21

Yezu tɔ́n pɛ ǹ nɛ: – Man pii ka nɛ, sonbore: Bɛ̀ golee Lawa li yɛ ka lon ǹ mɛn pinaa, bɛ̀ ka n gɔ́ɔ̃ baa paa wa, masɛ màn mɛn zɛnaa bɛa gɔ́rɔ da kɛ nɛ, ka a re goɛ̃ bɛ li wa. Haalɛ ta ka n ka pɛ kele kɛ nɛ: «Yoo n nə n bɔ kànaa, n wo n dɔ yìsi mu gole li», a nə n zɛnɛɛ.

Nya ǹ dín 13:1

Lawa a boo gii-dalin laanka minin-daraalin kɔnɔn nə́ goã Lawa a sɔmɔ lɛ nɛ Antiɔsi kiwi. Bɛa minin lɛn man ka Barnabaasi ni, Simiɔn nɛ, ǹ bɛ́ min mɛn bíi Min Tì, ka Lusiisu mɛn bɛ́ boe Sirɛni kiwi, ka kii Erɔdi a nɛnyaanmaa a koa-kun wole Manayɛni ni, ka Sooli ni.

Rɔmu minin 11:25

Ma dɔɔ̃nɔn lɛn, man giɛ li ma sii-durii goon nyaa ka nɛ, màn mɛn bɛ́ toɛ, ka baran ka dinin baa sii-dɔ̃lin lɛa wa. Sonbore ne, Zuifun gigiã yiri tã, ǹ ba boe la ǹ tá màn kɔ́n giala miɛ wa. Sɛnɛ, bɛa re beleboe wa. A n die goɛ̃ miɛ̃, yǎa Lawa din a bíi wolen kɛn tumaa tɔrɔn kɔsɔn bii, bɛn nə die a ganaa ǹ nyɛɛ.

Rɔmu minin 15:14

Masɛ dinmaa waa la, máa ka á sii sonbore zɛnɛɛ, haalɛ ta ma yiri kɔ ka la dinin wa. Ka á Lawa dùũ sii doɛ̃, bɛ lɛ taman yii ni, ka á boe la ka á yiri koe kɔn la.

Rɔmu minin 16:25

Ka daa wɔ barka da Lawa nɛ! Á boe la a wɔ pàã gole kɔ golee a din li gɔ́ɔ̃ nɛ. Bɛ nə n zɛnɛɛ a Boo Tii Kɔɔ̃n kɛ barka nɛ man pii. Man bɛa Boo Tii Kɔɔ̃n kɛ lɛ pii, Yezu Krita wɔ gɔn la. Bɛa boo lɛ n sonbore durii kɔ́n nyɛɛ wɔ nɛ, sonbore mɛn bɛ́ á goã durii ni haalɛ lɛlɛ-lɛlɛ.

Korɛnti1 11:4

Bɛ ganaa, giĩ mɛn tumaa bɛ́ Lawa nyankoe, hinlaa Lawa a boo gii diɛ ka màn nə́ kuməə ne a mìi ganaa, bɛ ǹ Krita puusə koe.

Korɛnti1 12:28

A n miɛ̃, Lawa tɔ́n siin kɛn koa a sɔmɔ-n: bibinaa nɛ, dia dí-a wolen manɛ, a paabaa ǹ wɔ, Lawa a boo gii-dalin manɛ, a sɔɔbaa ǹ wɔ, minin-daraalin manɛ. Bɛ kio, kaãbaa ǹ sii-zɛnaalin manɛ. Bɛ kio doo, busu-nyalin manɛ, ka dɔ minin lɛ wolen ne, ka sii nyɛɛnaan-bɔlen ne, ka bɔlɔ soree pɛlen ne.

Korɛnti1 13:1

Haalɛ ta má minbuiinin bɔlɔ pɛ, má lon a dia dí-a wole dinin wɔ pɛ, bɛ̀ kɔn-narɛɛ ba ma lon wa, maa boo laakalaa lɛ a màn kɔ́n lɛa wa. A n goon ka màn wuu n boe, hinlaa ka fɔlɔ màn wuu bɛ́ lɔn.

Korɛnti1 13:3

Ta má n gɔn màn tumaa gii bòonaan manɛ, ta má n gɔ̀nɔn da tɛ-n, bɛ̀ kɔn-narɛɛ ba ma lon wa, ma a màn kɔ́n yii a-n wa.

Korɛnti1 13:8

Kɔn-narɛɛ a papaɛ̃ duduu wa. Lawa a boo gii-dalibaa á re nyɛɛ, bɔlɔ soree pɛ á re nyɛɛ, màn-doɛ̃ á re nyɛɛ.

Korɛnti1 14:29

Lawa a boo gii-dalin boon wɔ paǹ li, min paa hinlaa min sɔɔ á boe la a boo da, ǹ miãn gialakunun kɛn nə́ kiri we ǹ boo diɛn lɛn ganaa.

Korɛnti1 14:39

Bɛa yɔrɔ kɛ lɛ la, ma dɔɔ̃nɔn lɛn, ka n yiri koa Lawa a boo gii-dalibaa ganaa, sɛnɛ, ka baran n piã ka bɔlɔ soreen pɛ dɔ-n wa.

Korɛnti1 14:4

Min mɛn bɛ́ boo diɛ ka bɔlɔ soree ne, bɛ nə n doe a dinsɔɔ̃ lɛ. Min mɛn bɛ́ Lawa a boo gii diɛ, bɛ nə n doe Lawa a sɔmɔ tumumaa lɛ.

Korɛnti1 15:51

Man die sii-durii kɔ́n nyɛɛ ka nɛ: wɔ tumaa bie re giɛ̃ wa, sɛnɛ, maǹ die wɔ tumaa bɔyɛɛ.

Korɛnti1 16:22

Bɛ̀ Dɛnaa a kɔɔ̃n min mɛn ganaa wa, koe bɔ ǹ dɛnaa ganaa! Maranata! – bɛ giala mà «Wɔa Dɛnaa, daa!»

Korɛnti1 4:1

A bɛ́ miɛ̃, wɔsɛn man dien lɛa ka yii li? Ka ǹ kɔnboe ka ga wɔ ganaa *Krita a dí-nyalin lɛa, Lawa a sonbore duriin kɛn man tamaa-n wɔ li.

Korɛnti1 7:19

Kurii a màn kɔn lɛa wa, kuriibaã dɔ a màn kɔn lɛa wa. Lawa a dí-pɛn lɛ si dinsɔɔ̃ n sii taãn lɛa.

Korɛnti1 8:4

Bɛ lɛ nɛ, nɔ̀n-diɛ bɛ́ màn mɛn ganaa, á ke: Wɔ á boe la wɔ dì wúlu bɔ ǹ siĩ sɔ̃? Wɔ á doɛ̃, wáa dì a màn kɔ́n bǎã siɛ kanaa kɛ-n wa. Wɔ n doɛ̃ dɔn, wáa Lawa goon toto na a tan.

Korɛnti2 12:11

Ma á ke boo mɛn diɛ ka gàãnaa wɔ bɛ́ lɔn, ka dinin man ká ma da bɛ ganaa, bɛ̀ ka dinin doamaa nɛ, ka maa zia gii si. A giala, ta masɛ a màn kɔ́n lɛa wa, maa a nyaabaa nɛ bɛa dia dí-a wole gɔ̀lɔ̀ dadaran kɛn lɛn-a wa.

Galaasi minin 5:16

Ka n too kɔ ma lon: Ka tɔ wɔ Yiri Fu gòã wuu li, ka a re gɔ̀nɔn foo siin zɛnɛɛ doo wa.

Galaasi minin 5:22

Sɛnɛ, Yiri Fu bɛ́ sii mɛn zɛnɛɛ wɔ nɛ, bɛ dɔ á ke: kɔn-narɛɛ nɛ ka nyɛnyaa nɛ, là nyantoro ne ka foo-kũ ni, min bǐɛ̃baa nɛ ka yiri kɔ sii li ni, ka bɔlɔgoondɛnaabaa nɛ,

Galaasi minin 6:3

Bɛ̀ min mɛn tá taasɛ mà asɛ n màn gole lɛa, a ná a màn kɔ́n dɔ lɛa wa, a nə n din yiri siɛ̃.

Efɛɛzi minin 3:4

Bɛ̀ ká pɛ, ka á re yii mà ma á Yezu Krita a sii-durii kɛ doɛ̃.

Efɛɛzi minin 6:19

Ka Lawa nyankɔ masɛ dɔ a lɛa, bɛ̀ ma á boo diɛ, Lawa boo peperen wɔ ma lɛ-n, man bɔlɔ pɛ ka foo tãbaa nɛ, minin nə boo la, ǹ Boo Tii Kɔɔ̃n a sii-durii kɛ dɔ̃.

Kolɔɔsi minin 1:26

Bɛ na á goã sii-durii lɛa, á n kuməə-n haalɛ lɛlɛ-lɛlɛ, sɛnɛ, Lawa din na á bɛ nyaa kanna, a din a minin kɛn manɛ.

Timote1 3:16

Sonbore ne, sii-durii mɛn bɛ́ wɔa golee Yezu li ǹ sii lɛa, á n nyaa, bɛ á gole á la yii ni: Á n din baa minbuiin nɛ lɛa, á daa, Lawa Yiri ná a peperebaa nyaa, Lon a dia dí-a wolen nə́ yɛ miɛ̃. A boo nə́ n kalaa tɔrɔn bii, kanaa minin nə́ golee li, Lawa tɔ́n saa á woo-n lon.

Zaã1 4:8

Bɛ̀ min mɛn ba ǹ miã narɛ wa, bɛa Lawa doɛ̃ wa, a giala, Lawa n minin-narɛli lɛa.