Korɛnti1 13:13 - LAWA A BOO SONBORE

¹³ Kanna kəni, sii sɔɔ kɛ na a tan, goleemali ni, foo-doa nɛ, kɔn-narɛɛ nɛ, sɛnɛ, kɔn-narɛɛ n gole ǹ tumaa nɛ.

LAWA A BOO SONBORE 2011

¹³ Kanna kəni, sii sɔɔ kɛ na a tan, goleemali ni, foo-doa nɛ, kɔn-narɛɛ nɛ, sɛnɛ, kɔn-narɛɛ n gole ǹ tumaa nɛ.

Korɛnti1 13:13 ပူးပေါင်းရင်းမြစ်များ

Loen 146:5

Sɛnɛ, Zakɔba a Lawa kɛ bɛ́ min mɛn a dɔmalɛ wole lɛa, min mɛn bɛ́ n foo doɛ a Dɛnaa Lawa kɛ ganaa, bɛ wɔ na á bǐɛ̃ kɔ.

Loen 42:11

Masɛ gù gã. Maa zɔ́ɔn kɛn man sɔ kiɛ ma la. Maǹ pii ma-n lɛawaa tumaa li, mà maa Lawa lɛ á maa?

Loen 43:5

Wàa na á baa ma foo á ziziɛ̃, man ginii we kɛnɛn? Yǎa man foo doɛ Lawa ganaa. Taãn nɛ, ma á re wusii ma a tɔ bɔ, maa Lawa mɛn bɛ́ ma kirisibaali lɛa.

Luku 10:27

Giĩ lɛ Yezu lɛ si mà a n kiɛ̃-n kɛnɛn: «N Dɛnaa Lawa narɛ ka n foo din tumaa nɛ, ka n gɔ́ɔ̃ din tumaa nɛ, ka n pàã din tumaa nɛ ka n taasiɛ din tumaa nɛ, n nə n miã kɔsɔ dɔ narɛ ka n bɛ́ n din narɛ lɔn.»

Luku 22:32

Sɛnɛ, masɛ Lawa nyankɔ n lɛa, màn mɛn bɛ́ toɛ, n golee Lawa li baran papaã wa. Bɛ̀ n wusoo ń daa masɛ ganaa ǹ mɛn waáraa, n dɔ n dɔɔ̃nɔn lɛ ǹ pàã yɛ.»

Rɔmu minin 15:13

Lawa mɛn bɛ́ foo-doa koe, a din die a foo kɔɔ̃nbaa kɔ ka la, ka là nyantoro ne, kaa golee a din li lɛ gɔ́ɔ̃ nɛ. Màn mɛn bɛ́ toɛ, kaa foo-doa lɛ pàã gole kɔ, Yiri Fu pàã barka nɛ.

Korɛnti1 14:1

Ka ga kɔn-narɛɛ li. Ka n yiri koa Yiri Fu a bǐɛ̃baa ǹ mànan ganaa, sanparɛ Lawa a boo gii-dalibaa ke.

Korɛnti1 16:14

Ka sii tumaa zɛnaa ka kɔn-narɛɛ nɛ.

Korɛnti1 3:14

Bɛ̀ min mɛn màn dɔ kion gòã-daa kɛ la, tɛ ná a boe la á kuĩ wa, bɛa dɛnaa á re saraa yii.

Korɛnti1 8:1

Bɛ̀ á daa dì wúlu bɔ ǹ siĩ boo wɔ paǹ li, sonbore ne, «wɔ tumaa á màn doɛ̃,» ka ka tɛnɛn bɛ́ pii lɔn. Màn-doɛ̃ kɛ lɛ n minbuiin piɛ̃ gole koe, sɛnɛ, kɔn-narɛɛ n wɔa goleemali gole koe.

Korɛnti1 8:3

Sɛnɛ, bɛ̀ min tá Lawa narɛ, Lawa tá ǹ dɛnaa doɛ̃.

Korɛnti2 5:10

A giala, wɔ tumaa doamaa nɛ, wɔ golee *Krita a kiri kuru ǹ bǎã kɛ yɔrɔ-a. A n die kiri we wɔ ganaa, a didie saraa a kɔnpɛ ka a nyaǹ dí ni kanaa, ta a bǐɛ̃ nɛ, ta a baraa nɛ.

Korɛnti2 5:15

A na á gã min tumaa a lɛa, ń giɛ min mɛnɛn yii bɛ́ koo, bɛn baran ǹ yiikoonaabaa zɛnaa ǹ dinin lɛa doo wa, sɛnɛ, min mɛn bɛ́ á gã a yii kaa ǹ lɛa, ǹ zɛnaa bɛa lɛa.

Galaasi minin 5:6

A giala, min mɛn bɛ́ Krita wɔ gɔ́ɔ̃ nɛ, kurii laanka kuriibaã a màn kɔ́n lɛa bɛa dɛnaa wɔ paǹ li wa. Màn mɛn bɛ́ màn lɛa, golee Yezu li ni, bɛ nə n nyaa ka miãn narɛɛ nɛ.

Filipi minin 1:9

Ma bɛ́ Lawa nyan mɛn koe ka a lɛa, bɛ á ke: Ma na a nyankoe, máa a kaa kɔn-narɛɛ gole kɔ a wo nyɛɛn miɛ̃, a toa sii-doɛ̃ taãn mɛ li, ka sii giala ma sonbore ne,

Kolɔɔsi minin 1:27

Bɛa sii-durii kɛ lɛ a bǐɛ̃ a golebaa laanka a gugurubaa n doe tɔrɔ tumaa ganaa, Lawa na á ga li mà a bɛ lɛ nyaa a din a minin kɛn manɛ. Bɛa sii-durii lɛ n ka kɛ nɛ: Krita n ka gɔ́ɔ̃ nɛ, bɛ n foo-doa lɛa, mà ka á re kaa wɔ gii yii Lawa a gugurubaa kɛ nɛ.

Kolɔɔsi minin 1:5

Ka foo bɛ́ doa-n màn mɛn ganaa lon, ka n ka bɛa foo-doa lɛ yɛ ka Boo Tii Kɔɔ̃n barka nɛ, ǹ mɛn bɛ́ sonbore boo lɛa. Ka n ka saa lɛlɛ ka bɛ lɛ ma.

Kolɔɔsi minin 3:14

Bɛ din tumaa kio, ka toa kɔn-narɛɛ goã ka foo ne, a giala, kɔn-narɛɛ lɛ n toɛ, Lawa a bǐɛ̃ màn gialakun kɛ lɛ yii lɛ pã sɔnbɔraanɛ.

Tesaloniki1 1:3

Ka golee Lawa li mɛn nyaa ka kaa nya ǹ dín ni, ka sii mɛn da ka dinin mìi ni kaa Krita narɛɛ taman yii, ka bɛ́ n foo doɛ, ka á n yii diɛ wɔa Dɛnaa Yezu Krita a daa la lɔn, wɔ n bɛ yii pii wɔ Di Lawa yɔrɔ-a biikoo tumaa li.

Tesaloniki1 5:8

Sɛnɛ, wɔsɛn mɛnɛn bɛ́ tɔ we penleen ne, wɔ toa wɔ yii goã kɔɔ̃nɛ. Golee Lawa li laanka kɔn-narɛɛ doamaa nɛ a goã wɔ lon, bɛ wɔ tamaa ka zia-baali a dɔnkɛ bɛ́ tamaɛ lɔn; foo-doa mɛn bɛ́ wɔ lon wáa wɔ á die kirisibaa yii, bɛ dɔ́ goã wɔ lon ka zia-baali a bafolo bɛ́ goɛ̃ a mìi-a lɔn.

Timote1 1:5

Bɛa gɔn-waa lɛ mìi n ka kɛ nɛ, máa ǹ kɔn narɛ ka gɔ́ɔ̃ fubaa nɛ. Máa taasiɛ sonbore goã ǹ lon, ka goleemali taãn nɛ, ǹ kɔn-narɛɛ lɛ bɔ bɛn nɛ.

Timote2 1:7

A giala, Lawa Yiri Fu mɛn kɔ wɔ la, bɛ bie wɔ biɛ nyɛ́ɛ-baalin lɛa wa. Sɛnɛ, a n pàã koe wɔ la, ka kɔn-narɛɛ nɛ, ka din-kuĩ ni.

Ebrəə 10:35

Haya, ka baran toa ka n gɔn bɔ kaa foo-doa kɛ ganaa wa, a saraa ǹ màn tá gole.

Ebrəə 10:39

Min mɛnɛn bɛ́ kanɛɛ bɛ̀ ǹ papaã, wɔsɛn ba bɛn kɔnɔn lɛa doo wa. Sɛnɛ, wɔsɛn man golee Lawa li, wɔ á kirisibiɛ bɛa yɔrɔ kɛ lɛ la.

Ebrəə 6:11

Sɛnɛ, wɔ bɛ́ giɛ màn mɛn li, bɛ ǹ ka kɛ nɛ, wáa ka gogoonmaa nə n doa, ka wo nyɛɛnɛ ka bɛa gù we yii kɛ lɛ nɛ, yǎa giala-nyɔmiɛ ganaa, màn mɛn bɛ́ toɛ, kaa foo-doa ǹ sii lɛ nə n zɛnaa.

Ebrəə 6:19

Bɛa foo-doa kɛ lɛ n wɔ kuĩ, á golee wɔ-n sɔnbɔraanɛ. A na á Lawa a kion bii kuru kɔn-a ǹ mɔnaa kɛ bii wɔsɔ lon gɔ́ɔ̃ nɛ, á kiɛ̃ á wɔ kion nyɛɛnaan sonbore kɛ nɛ.

Piɛrɛ1 1:21

Asɛ lɛ barka nɛ ka á golee-n Lawa li, Lawa mɛn bɛ́ a ná a yii kaa á bɔ geren bii, á gugurubaa kɔ la. Bɛa yɔrɔ kɛ la, kaa goleemali laanka kaa foo-doa giala n doa-n Lawa ganaa.

Zaã1 2:10

Min mɛn bɛ́ ǹ dɔɔ̃n narɛ, bɛ n wɔlɔ fúlu li, ka bɛ nɛ, sii kɔ́n ba a li, a n boe la a min kɔsɔ da sii baraa-n wa.

Zaã1 2:14

Nɛnyaanan lɛn, man sɛ́wɔ kɛ diɛ ka la, a giala, ka á Díi Lawa lɛ doɛ̃. Díin lɛn, man sɛ́wɔ kɛ diɛ ka la, a giala, min mɛn bɛ́ á goã a tan giala-kɔ waáraa, ka á bɛ doɛ̃. Tɔntɔraan lɛn, man sɛ́wɔ kɛ diɛ ka la, a giala, ka á kaka, Lawa a boo tá ka gɔ́ɔ̃ nɛ, ká boo Min Baraa dɔ la.

Zaã1 2:24

Kasɛn wɔ paǹ li, a saa giala-kɔ waáraa ganaa, boo mɛn nə n da, ká ma, ka toa bɛ goã ka foo ne. Boo mɛn nə n da, ká ma a saa giala-kɔ waáraa ganaa, bɛ̀ bɛ́ goã ka foo ne, ka dɔn tá re goɛ̃ kun ka Nɛgiĩ laanka Díi ni.

Zaã1 3:3

Bɛa foo-doa kɛ miã bɛ́ min mɛn nɛ Krita a lɛa, bɛ nə n din *yoreen koe, ka Krita bɛ́ yoreen lɔn.

Zaã1 3:9

Min mɛn bɛ́ Lawa a nɛ lɛa, bɛ sii baraa zɛnaa lɛ da, a giala yiikoonaabaa ǹ pàã mɛn bɛ́ boe Lawa li, bɛ tá a nɛ. A bɛ́ n Lawa a nɛ lɛa, a boe la a sii baraa zɛnaa a wo-n ma.