Korɛnti1 13:12 - LAWA A BOO SONBORE

¹² Sisia, wɔ yii n màn yii nuùnaà nɛ kooro ka damalon wɔ bɛ́ lɔn, sɛnɛ ǹ kɔ́n pinaa, wɔ á re goɛ̃ kɔn yɔrɔ-a dəndəənəə ne. Sisia maa màn-doɛ̃ lɛ lɛ a piɛ̃-n wa, sɛnɛ, ǹ kɔ́n pinaa maa màn-doɛ̃ lɛ lɛ á re piɛ̃ ka Lawa bɛ́ ma doɛ̃ lɔn.

LAWA A BOO SONBORE 2011

¹² Sisia, wɔ yii n màn yii nuùnaà nɛ kooro ka damalon wɔ bɛ́ lɔn, sɛnɛ ǹ kɔ́n pinaa, wɔ á re goɛ̃ kɔn yɔrɔ-a dəndəənəə ne. Sisia maa màn-doɛ̃ lɛ lɛ a piɛ̃-n wa, sɛnɛ, ǹ kɔ́n pinaa maa màn-doɛ̃ lɛ lɛ á re piɛ̃ ka Lawa bɛ́ ma doɛ̃ lɔn.

Korɛnti1 13:12 ပူးပေါင်းရင်းမြစ်များ

Siin Giala 32:30

Zakɔba tɔ́n nɔ̀n da la: «Bǐɛ̃ kɔ, n nə n tɔ pɛ ma nɛ.» Mà Zakɔba ganaa: «Wàa na á baa, ń tá nɔ̀n diɛ ka ma tɔ nɛ?» A din bǎã lɛ nɛ, á lɛn bǐɛ̃ bíi Zakɔba li.

Zɔbu 19:26

Ma gɔ̀nɔn kɛa ziziɛ̃ kio, ma dinmaa n die Lawa yii.

Zɔbu 36:26

Sonbore, Lawa á gole. Sɛnɛ, wɔ n wɔ a boe la, wɔ á doɛ̃ wa. A Lawabaa lɛ dɔ, min ba boe la, a na a lɛ̀ lɛ yɛ a pɛ wa.

Bɔ bɛ̀rɛbaa nɛ 33:11

Dɛnaa na á goã boo diɛ kɔn ka Muizu ni buə̃buə̃, ka minin bɛ́ boo diɛ kɔn nɛ lɔn. Bɛ kio, Muizu n wusii, a da giã ǹ bǎã lɛ nɛ, bɛ á zɛnɛɛ bɛ̀ a kiodɛnaa tɔntɔraa ke, Nuunu a nɛgiĩ lɛa, a tɔ n Zozoe, bɛ̀ bɛ sɛ tɔn soo, á n bɔ mɔnaa kion lɛ-n wa.

Ezekieli 17:2

«Minbuiin a nɛ, boo tì da Izirayeli tɔrɔn lɛn manɛ, giməə da ǹ nɛ.

Minin nimi 12:8

Masɛ n boo diɛ nɛ, wɔ bobo kɔn, ma boo lɛ toɛ̃ nɛ, ma ń ma a toɛ ti wa má n din nyaa nɛ, á maa siĩnbaa yɛ a yɔrɔ-a. A n siɛ lɔn kəni, ka tá masɛ a dí-nyali Muizu lɛ tɔ pii?»

Matiə 18:10

«Ka n dinin kũ, ka nyan toa ka golee masɛ li wole tiin kɛn kɔn yii puusə kɔ wa. A giala masɛ n pii ka nɛ, ǹ lon a dia dí-a wolen tá n toɛ̃ ka ǹ mìi gɔ́ɔ̃ ǹ sii ni baraabaraa masɛ Di lon a Lawa yɔrɔ-a. [

Matiə 5:8

Min mɛnɛn gɔ́ɔ̃ bɛ́ fu, Lawa á re barka diɛ bɛn ganaa, a giala ǹ tá re Lawa yii!

Rɔmu minin 8:18

Má golee li máa wɔ bɛ́ nɔmaan mɛnɛn yii kanna, máa bɛn ba màn kɔ́n lɛa biɛ̃ ǹ gugurubaa kɛ genli wa, Lawa bɛ́ re gugurubaa mɛn koe wɔ la.

Korɛnti1 13:11

Ma bɛ́ má goã nɛnyaan lɛa, man má goã boo diɛ ka nɛnyaan wɔ bɛ́ lɔn, má goã n taasɛ ka nɛnyaan wɔ bɛ́ lɔn, má goã n yiri koe ka nɛnyaan wɔ bɛ́ lɔn. Sɛnɛ, ma bɛ́ má min gole baa, má nɛnyaanbaa ǹ sii tumaa lɛ doa walan.

Korɛnti1 8:3

Sɛnɛ, bɛ̀ min tá Lawa narɛ, Lawa tá ǹ dɛnaa doɛ̃.

Korɛnti2 3:18

Wɔsɛn mɛnɛn tumaa bɛ́ tapara nə́ n bɔ wɔ siã, wɔsɛn man Dɛnaa a gugurubaa a siĩnbaa nyɛɛ. Wɔ́ n bɔyaa wɔ́ kɔnbɔ ka Dɛnaa din ni, wɔ́ wusoo wɔ́ gugurubaa yɛ, bɛ ń gole á la lɛlɛ wɔ kɛ nɛ. Dɛnaa din na á bɛa dí kɛ lɛ nya ka a Yiri Fu barka nɛ.

Korɛnti2 5:7

Wɔ ǹ tɔ we ka goleemali barka nɛ, sɛnɛ, yii a yɛ ná a bie wa.

Filipi minin 3:12

Ma bie pii máa má dɔ maa dí mìi ganaa, máa maa sii lɛ pã gɔrɔ wa koe. Sɛnɛ, man tɔn woe nyɛɛnɛ, ma nə n wen wɛɛ, máa yǎa ma lui ma kuĩ, a giala mà Yezu Krita ma dɔ kũ.

Zaaki 1:23

A giala, bɛ̀ min tá n too koe Lawa a boo lɛ ganaa, a ná a tɔ we á kɔnpii-n wa, bɛa dɛnaa n kɔnboe ka giĩ kɔ́n nɛ, giɛ a din a minbuiinbaa ǹ yɔrɔ kɛ ganaa damalon ne.

Zaã1 3:2

Maa giaáran lɛn, wɔ n Lawa a nɛnyaanan lɛa gɔrɔ. Wɔ bɛ́ re màn mɛn biɛ, wɔ tɔn bɛa foaãbaa yɛ bɔrɔ wa. Bɛ tun kio, wɔ á doɛ̃ wáa bɛ̀ *Krita daa biikoo mɛn li, wɔ n die kɔnboe ka a din ni, wɔ ǹ die yii, ka a bɛ́ lɔn.

Sii-nyaan 22:4

Ǹ tá re a yɔrɔ yii, a tɔ á re goɛ̃ kiɛ̃ nɛ ǹ nyanlɛ ganaa.