Korɛnti1 13:1 - LAWA A BOO SONBORE

¹ Haalɛ ta má minbuiinin bɔlɔ pɛ, má lon a dia dí-a wole dinin wɔ pɛ, bɛ̀ kɔn-narɛɛ ba ma lon wa, maa boo laakalaa lɛ a màn kɔ́n lɛa wa. A n goon ka màn wuu n boe, hinlaa ka fɔlɔ màn wuu bɛ́ lɔn.

LAWA A BOO SONBORE 2011

¹ Haalɛ ta má minbuiinin bɔlɔ pɛ, má lon a dia dí-a wole dinin wɔ pɛ, bɛ̀ kɔn-narɛɛ ba ma lon wa, maa boo laakalaa lɛ a màn kɔ́n lɛa wa. A n goon ka màn wuu n boe, hinlaa ka fɔlɔ màn wuu bɛ́ lɔn.

Korɛnti1 13:1 ပူးပေါင်းရင်းမြစ်များ

Loen 150:5

Ka a tɔ bɔ ka zan màn wuu kɔɔ̃nɔn nɛ, ka a tɔ bɔ ka gɔn pere dɛ ǹ zan màn wuu kɔɔ̃nɔn nɛ!

Matiə 25:45

Kii lɛ á die ǹ lɛ sii kɛnɛn: «Masɛ n pii ka nɛ, sonbore ne: Bɛ̀ ka bɛa sii kɛ lɛ zɛnaa masɛ dɔɔ̃nɔn kɛn kɔ́n nɛ wa, haalɛ ta ǹ dɛnaa n boɛɛn nɛ lɔn, ka ǹ ka zɛnaa masɛ dinmaa lɛ-n wa.»

Marki 16:17

Masɛ a goleemali wolen bɛ́ re n doɛ̃ sii a kɔnbɔn mɛnɛn li, bɛn man ka kɛn nɛ: Ǹ tá re nɔ̀ɔnɔn lui ǹ nə ǹ bɔ minin ganaa ka masɛ tɔ nɛ. Ǹ tá re bɔlɔ soreen pii.

Rɔmu minin 14:15

N dɔɔ̃n bɛ́ giɛ màn mɛn ganaa, mà a ba kɔnboe ka bii-n wa, nsɛ a zɛnaa ǹ sii kɔ́n baran n dɔɔ̃n lɛ nyanaa, a da bɛa màn lɛ a bii ganaa wa. Bɛ̀ n zɛnaa miɛ̃, ma nə n kɔn-narɛ ǹ zii tɔ wɔ wa. Táa Krita na á gã bɛa dɔɔ̃n kɛ lɛ dɔ a lɛa. N bii ǹ màn baran toa bɛa dɔɔ̃n lɛ papaã ǹ zii kũ wa.

Korɛnti1 12:10

A n kaãbaa ǹ sii zɛnaa koe min la, a Lawa a boo gii dalibaa kɔ min kɔsɔ la. A n yiri koe min tɛn la, a boo la a yiri baraa bɔkɔnlɛ dɔ̃ ka Lawa a Yiri Fu ni. A n bɔlɔ soree pɛ koe min tɛn dɔ la, a bɔlɔ soree lɛ a bɔyaa doɛ̃ kɔ min kɔsɔ dɔ la.

Korɛnti1 12:16

Bɛ̀ too pɛ mà asɛ bɛ́ a bie yii lɛa wa, mà asɛ a kun ka gɔ̀nɔn nɛ wa, bɛ á boe gɔ̀nɔnbaa nɛ? Haayii!

Korɛnti1 12:8

Yiri Fu lɛ n boo da ka sii-doɛ̃-n koe min la, a boo da ka màn doɛ̃-n kɔ min kɔsɔ la.

Korɛnti1 13:8

Kɔn-narɛɛ a papaɛ̃ duduu wa. Lawa a boo gii-dalibaa á re nyɛɛ, bɔlɔ soree pɛ á re nyɛɛ, màn-doɛ̃ á re nyɛɛ.

Korɛnti1 14:2

A giala, min mɛn bɛ́ bɔlɔ soree pii, a bie boo diɛ ka minbuiinin ni wa, sɛnɛ, a n diɛ ka Lawa nɛ. Min kɔ́n ba a boo giala miɛ wa. A n sonbore durii taãnan pii ka Yiri Fu pàã nɛ.

Korɛnti1 14:4

Min mɛn bɛ́ boo diɛ ka bɔlɔ soree ne, bɛ nə n doe a dinsɔɔ̃ lɛ. Min mɛn bɛ́ Lawa a boo gii diɛ, bɛ nə n doe Lawa a sɔmɔ tumumaa lɛ.

Korɛnti1 14:5

Ma tá li máa ka tumaa bɔlɔ soree pɛ doɛ̃. Sɛnɛ, bɛ̀ ka á Lawa a boo gii diɛ doɛ̃, bɛ á kɔɔ̃n ma ganaa doo á la yii ni. Taãn nɛ, min mɛn bɛ́ Lawa a boo gii diɛ, bɛ là tan á la bɔlɔ soree pɛle ne. Yǎa bɛ̀ a tá a boo lɛ giala pii, á n doe Lawa a sɔmɔ lɛ.

Korɛnti1 8:1

Bɛ̀ á daa dì wúlu bɔ ǹ siĩ boo wɔ paǹ li, sonbore ne, «wɔ tumaa á màn doɛ̃,» ka ka tɛnɛn bɛ́ pii lɔn. Màn-doɛ̃ kɛ lɛ n minbuiin piɛ̃ gole koe, sɛnɛ, kɔn-narɛɛ n wɔa goleemali gole koe.

Korɛnti2 12:4

Maǹ nə́ giĩ lɛ saa ǹ nə́ woo-n yǎa Lawa a piɛ. Á tɔ́n boon ma walan, a ná a boe la á wusii á pii wa, ǹ nə́ ǹ ba lɛ koe minbuiin nɛ la, mà a wusoo a pɛ wa.

Galaasi minin 5:22

Sɛnɛ, Yiri Fu bɛ́ sii mɛn zɛnɛɛ wɔ nɛ, bɛ dɔ á ke: kɔn-narɛɛ nɛ ka nyɛnyaa nɛ, là nyantoro ne ka foo-kũ ni, min bǐɛ̃baa nɛ ka yiri kɔ sii li ni, ka bɔlɔgoondɛnaabaa nɛ,

Galaasi minin 5:6

A giala, min mɛn bɛ́ Krita wɔ gɔ́ɔ̃ nɛ, kurii laanka kuriibaã a màn kɔ́n lɛa bɛa dɛnaa wɔ paǹ li wa. Màn mɛn bɛ́ màn lɛa, golee Yezu li ni, bɛ nə n nyaa ka miãn narɛɛ nɛ.

Timote1 1:5

Bɛa gɔn-waa lɛ mìi n ka kɛ nɛ, máa ǹ kɔn narɛ ka gɔ́ɔ̃ fubaa nɛ. Máa taasiɛ sonbore goã ǹ lon, ka goleemali taãn nɛ, ǹ kɔn-narɛɛ lɛ bɔ bɛn nɛ.

Piɛrɛ1 4:8

Sii mɛn bɛ́ ka doamaa-n ka da sii tumaa nyɛɛnɛ, bɛ n ka kɛ nɛ: Ka kɔn narɛ ka ka foo din tumaa nɛ. A giala, kɔn-narɛɛ á pìi koe sii baraa gigiã lɛ.

Piɛrɛ2 2:18

Sonbore, maǹ din gole kɔ laanka baãnaabaa ǹ boon diɛ. Min mɛnɛn soo a bɔ min yiri siɛ̃ wolen bii bɛ́ a tɔn belebɔ wa, maǹ gɔn diɛ bɛn ganaa, ǹ tá ǹ kuĩ ka ǹ dinin naarɛbaa ǹ dùũ sii babaraan nɛ.

Sii-nyaan 14:2

Má lɛn goon ma boe lon die, a wuu n boe ka mu gole a kiɛ̃ wuu bɛ́ lɔn, ka la a paraa gole wuu bɛ́ lɔn. Lɛn wuun lɛn kaa kun nə ka n pɛ mà tùtu-dɛlen man loe loe ka tùtu ni.