Korɛnti1 12:8 - LAWA A BOO SONBORE

⁸ Yiri Fu lɛ n boo da ka sii-doɛ̃-n koe min la, a boo da ka màn doɛ̃-n kɔ min kɔsɔ la.

LAWA A BOO SONBORE 2011

⁸ Yiri Fu lɛ n boo da ka sii-doɛ̃-n koe min la, a boo da ka màn doɛ̃-n kɔ min kɔsɔ la.

Korɛnti1 12:8 ပူးပေါင်းရင်းမြစ်များ

Nehemii 9:20

Ń nə́ n yiri sonbore kɛ kɔ ǹ la, màn mɛn bɛ́ toɛ ǹ sii bɔkɔnlɛ doɛ̃. N nə ǹ nu ka *maanə n wa, ń mu kɔ ǹ la ǹ mu boro a lɛa.

Zɔbu 32:8

Sɛnɛ, taãn-pɛ á soɛ, yiri n boe Lawa li, Pàãyiidɛnaa ǹ yiri koe min la.

Loen 143:10

Ma daraa n foo sii zɛnaa ganaa, a giala, n din nə maa Lawa lɛa. N yiri sonbore kɛ die a ma da zii pepere la.

Bɔ bɛ̀rɛbaa nɛ 31:3

Man má yiri kɔ Besaleli lɛ la, màn mɛn bɛ́ toɛ, a sii-doɛ̃ laanka yiridɛnaabaa yɛ, ka màn-doɛ̃ laanka kanaa sii tumaa zɛnaa doɛ̃ nɛ.

Suusun 2:6

Hiĩ, Dɛnaa Lawa din nə sii-doɛ̃ koe. Sii-doɛ̃ laanka yiri n boe a din li.

Izayii 50:4

Ma bɛ́ má kɔnbɔ ma boo mɛn da, ma pàãwɛɛnaa foo taã nɛ, Dɛnaa Lawa n ma darɛɛ bɛ ganaa. Baraabaraa baayɛlɛ, a n ma yii kiɛ, man too kɔ ka kialandɛnaa sonbore bɛ́ lɔn.

Izayii 59:21

Sɛnɛ masɛ a paǹ li, ma bɛ́ lɛ kɔ kɔn la mɛn we ǹ nɛ, á ke, Dɛnaa Lawa na á pɛ: Ma yiri n ka la. Má maa boo wɔ ka lɛ-n. A n ka dinin wɔ lɛa, kaa nɛnyaanan nɛ, ka kaa nɔ̀ɔnɔn nɛ, sisia yǎa duduu. Ma a re ǹ sii ka la duduu wa. Ma din Dɛnaa Lawa n má pɛ.

Matiə 13:11

Yezu tɔ́n pɛ ǹ nɛ: – Lon a kiibaa a sii-duriin kɛn, Lawa na á bɛn nyaa kasɛn manɛ. Sɛnɛ, a nyaa ǹsɛn man wa.

Nya ǹ dín 6:3

Ka ga ka dinin bii, ka min sɔbaa bɔ, minin mɛnɛn tɔ bǐɛ̃ bɛ́ boe, Yiri Fu nə́ ǹ la, ǹ nə́ sii dɔ doɛ̃. Ka bɛa minin lɛn bɔ wɔsɛn nə ǹ da màn-bii dí lɛ mìi la.

Rɔmu minin 15:14

Masɛ dinmaa waa la, máa ka á sii sonbore zɛnɛɛ, haalɛ ta ma yiri kɔ ka la dinin wa. Ka á Lawa dùũ sii doɛ̃, bɛ lɛ taman yii ni, ka á boe la ka á yiri koe kɔn la.

Korɛnti1 1:30

Sɛnɛ, Lawa na á wɔ bíi, á wɔ kaa kun ka Yezu Krita nɛ. A din na á n baa sii-doɛ̃ lɛa, peperebaa nɛ, *yoreenbaa lɛa ka kirisibaa nɛ, wɔ nɛ.

Korɛnti1 1:5

Sonbore, a din lɛ pàã ganaa Lawa ka gɔ taãn-taãnɛ, ka yɔrɔ din tumaa nɛ. Á boo-doɛ̃ laanka sii-doɛ̃ tumaa kɔ ka la.

Korɛnti1 13:2

Ta má Lawa a boo gii-dali baa, ta má màn-doɛ̃ tumaa yɛ, man sii-duriin tumaa doɛ̃, goleemali mɛn bɛ́ boe la a kelen goa a ǹ bɔ ǹ bǎã nɛ, ta má bɛ yɛ, bɛ̀ kɔn-narɛɛ ba ma lon wa, ma a màn kɔ́n lɛa wa.

Korɛnti1 13:8

Kɔn-narɛɛ a papaɛ̃ duduu wa. Lawa a boo gii-dalibaa á re nyɛɛ, bɔlɔ soree pɛ á re nyɛɛ, màn-doɛ̃ á re nyɛɛ.

Korɛnti1 14:26

A nə n pii kɛ ganaa mà wàa, ma dɔɔ̃nɔn lɛn? Bɛ̀ ka n lɛ sɔkɔn ka á Lawa guguru koe, loe n min goon li, minin daraa n kɛ dɔ li. Lawa sii mɛn nyaa, bɛ n kɔsɔ li, kɔsɔ dɔ n boo diɛ ka bɔlɔ soree ne, kɛ dɔ n bɔlɔ soree lɛ giala pii. Sɛnɛ, ka toa bɛ tumaa boo la a n dɔ Lawa a sɔmɔ lɛ.

Korɛnti1 14:6

Ma dɔɔ̃nɔn lɛn, man nɔ̀n diɛ ka la: bɛ̀ má daa ka li, má n boo diɛ ka nɛ ka bɔlɔ soree ne, ma là n ka wàa-n ka ganaa? Bɛ̀ maa boo lɛ sii-durii nyaa ka nɛ, a màn-doɛ̃ kɔ ka la wa, bɛ̀ a Lawa a sii nyaa ka nɛ wa, a daraa kɔ́n dɔ kɔ ka la wa, ma là ba ka ganaa wa.

Korɛnti1 2:11

Minbuiinbaa gɔ́ɔ̃ nɛ, minbuiin yiri n boe la a na a din a sii dɔ̃; a din yii goon ne, Lawa a Yiri Fu dinsɔɔ̃ n boe la a Lawa a sii dɔ̃.

Korɛnti1 2:16

A n ka Lawa a sɛ́wɔ bɛ́ á pɛ lɔn: «Die n boe la a Dɛnaa a taasiɛ dɔ̃? Die n boe la a yiri kɔ la?» Sɛnɛ, Krita a taasiɛ tá wɔsɛn lon.

Korɛnti2 1:12

Ma á boe la man din laakalaa ka màn kɔ́n nɛ. Bɛa màn lɛ á ke: Ma gɔ́ɔ̃gɔ́ɔ̃ ǹ taasiɛ ǹ nyɛɛ ma nɛ, mà má tɔ wɔ kanaa kɛ nɛ, sanparɛ kasɛn wɔ paǹ li, ka gɔ́ɔ̃ fubaa nɛ, ka Lawa a *yoreenbaa nɛ. Ma bie má zɛnaa ka minbuiinin sii-doɛ̃-n wa. Man má zɛnaa ka Lawa a bǐɛ̃baa barka nɛ.

Korɛnti2 11:6

Ma a boo diɛ doɛ̃ wa, bɛ á taãn biɛ. Sɛnɛ, màn-doɛ̃ wɔ paǹ li, màn kɔ́n ma nyaabaa wa. Ma bɛ sɛ nyaa ka-n foaãnɛ biikoo tumaa li, sii tumaa gɔ́ɔ̃ nɛ.

Korɛnti2 2:14

Barka tá Lawa ganaa! A giala, a din nə wɔ kiɛ kun ka Krita a gɔ̀lɔ̀-baalin ni, wɔa tá kun ka Krita-n kɛ pàã ganaa. A n dí nyɛɛ ka wɔ nɛ, ń giɛ ǹ tá Krita doɛ̃ bǎã tumaa nɛ, ń giɛ dɔn Krita boo gìĩ kɔɔ̃n kɛ dɔ kaa bǎã tumaa nɛ.

Korɛnti2 4:6

Lawa mɛn bɛ́ á pɛ mà wɔlɔ fúlu yɛ wɔlɔ tì bii, a din na á toa wɔlɔ fúlu tɛ pɛ ma dɔ foo ne. Lawa a gugurubaa mɛn bɛ́ tɛ pii Yezu Krita yɔrɔ nɛ, a n mà minin nə boo la ǹ bɛ dɔ̃.

Korɛnti2 6:6

Man maa Lawa a dí-nyalibaa nyɛɛ ka maa *yoreenbaa nɛ, maa màn-doɛ̃ nɛ, ka maa foo-kũ ni, ka maa min bǐɛ̃baa nɛ. Man nyɛɛ dɔn ka Yiri Fu pàã nɛ, ka maa minin narɛ taãn-taãn nɛ,

Korɛnti2 8:7

Màn tumaa tá ka gɔn gigiã, goleemali ni, boo da doɛ̃ nɛ, màn-doɛ̃ nɛ, din kɔ sii ganaa duduu ni. Ka kɔn-narɛɛ dɔ yɛ á bɔ masɛ li. Ka toa bǐɛ̃baa ǹ foo gole dɔ goã ka nɛ, dɔmalɛ ǹ dí kɛ a lɛa.