Korɛnti1 10:33 - LAWA A BOO SONBORE

³³ Ka zɛnaa ka masɛ bɛ́ lɔn: ma nə n doɛ, máa ma min tumaa foo kɔɔ̃n kɔ ka sii tumaa nɛ. Ma bie giɛ li mà ma din laadoon nə bǐɛ̃ kɔ wa, sɛnɛ, man giɛ min tumaa a bǐɛ̃ kɔ li, ń giɛ ǹ tá kirisibiɛ.

LAWA A BOO SONBORE 2011

³³ Ka zɛnaa ka masɛ bɛ́ lɔn: ma nə n doɛ, máa ma min tumaa foo kɔɔ̃n kɔ ka sii tumaa nɛ. Ma bie giɛ li mà ma din laadoon nə bǐɛ̃ kɔ wa, sɛnɛ, man giɛ min tumaa a bǐɛ̃ kɔ li, ń giɛ ǹ tá kirisibiɛ.

Korɛnti1 10:33 ပူးပေါင်းရင်းမြစ်များ

Rɔmu minin 11:14

ta bɛ á re ma din tɔrɔ minin Zuifun kɛn lɛn foo busi, a gialakunun kirisibaa ǹ gòã baa.

Rɔmu minin 12:5

Bɛa yɔrɔ kɛ lɛ la, wɔsɛn mɛnɛn bɛ́ gigiã, wɔa kaa kun ka Krita-n lɛ a lɛa nɛ, wɔ á gɔ̀nɔn goon lɛa. Wɔ tumaa n doa-n kɔn ganaa ka min gùn bɛ́ lɔn.

Korɛnti1 10:24

Min kɔ́n nyan toa a ga a dinsɔɔ̃ a bǐɛ̃ kɔ li wa, sɛnɛ, a ga ǹ miãn kɔsɔn dɔn wɔ li.

Korɛnti1 13:5

Kɔn-narɛɛ a toɛ min sìi da ǹ sii zɛnaa wa, a toɛ min ga a din a là dinsɔɔ̃ li wa. A toɛ min foo yoo fufuu wa, a toɛ min nə ǹ miã koa a gɔ́ɔ̃-n wa.

Korɛnti2 12:14

Á ke ma á zoɛ̃ doo, ma da kaa piɛ ká a sɔɔbaa ǹ wɔ nɛ. Ma a re goɛ̃ guĩ lɛa ka mìi-n wa. Man giɛ ka dinin li, ma bie giɛ kaa wɔrɔ li wa. A taãnbaa li, nɛnyaanan bie giɛ wɔrɔ li ǹ nə ǹ díin laadoo zɛnaa-n ma, sɛnɛ, díin man giɛ li ǹ nə ǹ nɛnyaanan laadoo saa nɛ.

Korɛnti2 12:19

Kɔntan, ka ǹ taasɛ haalɛ bibi, mà ma nə n din biɛ min pepere lɛa kasɛn yɔrɔ-a. Haayii, maa giaáran lɛn, Krita bɛ́ giɛ màn mɛn li, wɔ ǹ bɛ pii ka nɛ Lawa yɔrɔ-a. Man bɛ tumaa zɛnɛɛ, ka dinin bǐɛ̃ kɔ a wo nyɛɛn a lɛa goleemali gɔ́ɔ̃ nɛ.

Galaasi minin 1:10

Maa boo kɛ á nyɛɛ, mà man giɛ li, man din sii kɔɔ̃n kɔ minbuiinin ganaa ya? Haayii, man giɛ li máa ma sii kɔɔ̃n kɔ Lawa ganaa. Man giɛ li, máa maa sii kaa minbuiinin foo la? Haayii, bɛ̀ man tɔn giɛ li, mà maa sii kaa minbuiinin dɔn foo la, bɛ̀ ma a Krita a dí-nyali lɛa doo wa.

Filipi minin 2:21

Gialakun kɛ tumaa nə n taasɛ ka ǹ dininmaan siin ni, ǹ ba n taasɛ ka Yezu Krita wɔn nɛ wa.

Tesaloniki1 2:16

Min mɛnɛn bɛ́ ǹ ba Zuifun lɛa wa maǹ wɔ kurii, mà wɔ baran kirisibaa ǹ boo kɛ pɛ bɛn man wa. Maǹ màn diɛ ǹ dinin sii baraa li miɛ̃ biikoo tumaa li, ǹ tá a lɛ piɛ̃. Sɛnɛ, a giala-nyɔmiɛ li, Lawa a foo-busii yu ǹ mìi ni.