Korɛnti1 10:21 - LAWA A BOO SONBORE

²¹ Ka a boe la ka màn mi ka Dɛnaa a paan nɛ, ka wusoo ka màn mi yiri baraan paan nɛ wa. Ka a boe la ka màn bii Dɛnaa a kùnu ni, ka wusoo ka màn bii yiri baraan dɔn kùnu-n wa.

LAWA A BOO SONBORE 2011

²¹ Ka a boe la ka màn mi ka Dɛnaa a paan nɛ, ka wusoo ka màn mi yiri baraan paan nɛ wa. Ka a boe la ka màn bii Dɛnaa a kùnu ni, ka wusoo ka màn bii yiri baraan dɔn kùnu-n wa.

Korɛnti1 10:21 ပူးပေါင်းရင်းမြစ်များ

Kiin1 18:21

Bɛ kio, Yilii nə́ n zɔ̃ á dɔ zaman lɛ tumaa li, á pɛ: «Yǎa biĩ kəni kaa yiri binbirin boe kɛ tɔ nə n danbiɛ? Bɛ̀ Lawa n ka Dɛnaa Lawa nɛ, ka kɔ lɛ, bɛ̀ Baali dɔ n doo ka kɔ lɛ.» Sɛnɛ zaman lɛ boo la a ná a lɛ si ka boo goon ne wa.

Izayii 65:11

Sɛnɛ, kasɛn mɛnɛn bɛ́ ka n la bɔ masɛ Dɛnaa Lawa ganaa, ka yiri bɔ maa kele sonboren kɛn nɛ. Ka n màn-bii koe dì Gaadi la. Ka n duvɛ̃ lɔlɔkɔn-a koe dì Menii la.

Zeremii 44:8

Ka ǹ ma foo yui ká kaa zɛnaa ǹ siin ni. A giala, ka ǹ da yon gìĩ kɔɔ̃n tiɛ̃ dì soreen manɛ Ezipti gána nɛ. Ka ǹ li ka papaã lenlen ka n bɔ gána lɛ nɛ, ka sii a kɔnboe baa kanaa a gánan tumaa yɔrɔ-a lɛn baraa bíi laanka sìi a paǹ li?

Matiə 6:24

Min kɔ́n ba boe la a dí nya mìinaa paa-n wa. Bɛ̀ min bɛ zɛnaa, a n die goon biɛ zɔ́ɔ, a goon narɛ, a n die goon bɔlɔ sii, a goon kɛ puusə kɔ. Ka a boe la ka n dinin kɔ Lawa la, ka n dinin kɔ wɔrɔ dɔ la wa.

Korɛnti1 10:16

Ka ga a ganaa: Wɔ bɛ́ mi ǹ màn barkadɛnaa mɛn mii, wɔ n barka diɛ Lawa nɛ, bɛa wɔ kiɛ kun ka Krita mà kɛ-n ma? Wɔ bɛ́ buuru barkadɛnaa mɛn tatalɛ kɔn bɛ̀ wɔ sɔ̃, bɛa wɔ kiɛ kun ka Krita gɔ̀nɔn nɛ wa?

Korɛnti1 8:10

A giala, bɛ̀ goleemali boɛɛndɛnaa nə́ nsɛ yiridɛnaa lɛ yɛ, màn bii dì wúlu bɔ ǹ kion, á re pàã koe a gɔ́ɔ̃gɔ́ɔ̃ ǹ taasiɛ la, a pɛ mà asɛ dɔ n kɔnboe a dì wúlu bɔ ǹ siĩ sɔ̃ wa?