Korɛnti1 1:21 - LAWA A BOO SONBORE

²¹ Sonbore, kanaa minin nə boo la, ka ǹ dinin sii-doɛ̃ kɛ barka nɛ, ǹ nə́ Lawa a sii-doɛ̃ kɛ giala ma wa. Wɔ bɛ́ dí mɛn pii ka nɛ Yezu a gɛ̀ wɔ gɔn la, a n gàãnaabaa lɛa kanaa minin yii li, a da yaa Lawa golee la, mà min mɛnɛn bɛ́ golee bɛa gàãnaabaa ǹ dí kɛ lɛ li, mà á re bɛn kirisibiɛ.

LAWA A BOO SONBORE 2011

²¹ Sonbore, kanaa minin nə boo la, ka ǹ dinin sii-doɛ̃ kɛ barka nɛ, ǹ nə́ Lawa a sii-doɛ̃ kɛ giala ma wa. Wɔ bɛ́ dí mɛn pii ka nɛ Yezu a gɛ̀ wɔ gɔn la, a n gàãnaabaa lɛa kanaa minin yii li, a da yaa Lawa golee la, mà min mɛnɛn bɛ́ golee bɛa gàãnaabaa ǹ dí kɛ lɛ li, mà á re bɛn kirisibiɛ.

Korɛnti1 1:21 ပူးပေါင်းရင်းမြစ်များ

Matiə 11:25

A din waáraa kɛ lɛ nɛ, Yezu pɛ: «Ma Di Lawa ganaa, lon laanka tán a Dɛnaa, masɛ n barka diɛ n nɛ. A giala n din ni ń siin kɛn duru sii-dɔ̃lin laanka yiridɛnan la, ń nyaa baãnaanan manɛ.

Luku 10:21

A din bǎã-n gɔrɔ Lawa a Yiri Fu Yezu da nyɛnyɛɛ ganaa parsiini. Á pɛ: «Díi, lon laanka tán a dɛnaa, ma á barka diɛ nɛ. A giala, n din ni ń bɛa siin kɛn duru sii-dɔ̃lin laanka yiridɛnan la, n nə́ ǹ nyaa min bɔnboɛɛnən manɛ. Díi Lawa, bɛa zɛnaa miɛ̃ kɛ na á kɔɔ̃n kɔ n din ganaa.

Luku 12:32

«Kasɛn, sèren kuru boɛɛn, nyɛ́ɛ nyan ka kũ wa, a na á kɔɔ̃n kɔ kaa Díi ganaa, a kiibaa ǹ bǎã kɔ ka la.

Zaã a sɛ́wɔ 12:31

Lawa n die kiri kuri kanaa lɛ la sisia. Sisia kəni, kanaa lɛ a mìilandɛnaa a bɔ a daa biikoo n ke.

Rɔmu minin 1:28

Ka bɛ dɔ-n doo, ǹ lɛ kɔ ǹ nə́ Lawa doɛ̃ sii toa ǹ gɔ́ɔ̃-n wa. Bɛ lɛ nɛ, Lawa nə́ ǹ toa ǹ dinin yiri gɔgɔrɛ kɛ gɔn, màn mɛn bɛ́ toɛ, siin mɛnɛn doamaa bɛ́ n bie ka zɛnaa-n wa, ǹ bɛn zɛnaa.

Rɔmu minin 11:33

Lawa a bǐɛ̃ lɛ á gole á la yii ni! A sii-doɛ̃ dɔ á zuzulu á la yii ni! Min kɔ́n ba boe la a na a kiri kɛ giala ma wa, min kɔ́n ba boe la a na a makara kɛ dɔ giala ma wa.

Korɛnti1 1:18

Sonbore, min mɛnɛn bɛ́ papaɛ̃, Krita a gã dere ǹ gɔn ganaa boo kɛ n gàãnaabaa lɛa bɛn yii li. Sɛnɛ, wɔsɛn mɛnɛn bɛ́ kirisibaa ǹ zii la, a n Lawa a pàãyiidɛnaabaa lɛa wɔsɛn yii li.

Korɛnti1 1:23

Sɛnɛ, Krita mɛn bɛ́ ǹ nə́ dere gɔn ganaa, wɔsɛn man bɛ boo diɛ. Bɛ n sii kaka lɛa Zuifun ganaa, a n gàãnaabaa lɛa tɔrɔ kɔsɔn yii li.

Korɛnti1 1:24

Sɛnɛ, Lawa min mɛnɛn bɔ, ta Zuifu ni, ta tɔrɔ kɔsɔ nɛ, Krita lɛ n Lawa a pàãyiidɛnaabaa lɛa, ka a sii-doɛ̃ nɛ bɛn yii li.

Korɛnti1 1:25

Bɛ lɛ taman yii, Lawa a sii mɛn bɛ́ gàãnaabaa lɛa minbuiinin yii li, bɛ n sii-doɛ̃ lɛa, á la minbuiinin sii-doɛ̃ nɛ. Minbuiinin bɛ́ giɛ Lawa a sii mɛn ganaa pàãwɛɛnaabaa ǹ sii lɛa, bɛ pàã á gole á la minbuiinin pàãdɛnaabaa nɛ.

Korɛnti1 1:27

Sɛnɛ, min mɛnɛn bɛ́ gàãnaan lɛa kanaa minin yɔrɔ-a, Lawa na á bɛn lɛn bɔ, á sìi diɛ kanaa a sii-dɔ̃lin ganaa nɛ; min mɛnɛn bɛ́ pàãwɛɛnaan lɛa, Lawa na á bɛn lɛn bɔ, á sìi diɛ kanaa a pàãdɛnan ganaa nɛ.

Korɛnti1 11:32

Sɛnɛ, Dɛnaa n kiri we wɔ ganaa, á n wɔ doree, ń giɛ dɔlɔ nyan wɔ kũ kun ka kanaa kɛ a minin ni wa.

Korɛnti1 2:14

Lawa a Yiri Fu bɛ́ a ba min mɛn lon wa, bɛa boe la a lɛ kɔ Yiri Fu a boo taãnan ganaa wa. A n gàãnaabaa lɛa ǹ dɛnaa yii li, a boe la a tá a giala miɛ wa, a giala, Yiri Fu dinsɔɔ̃ n boe la á sii a bɔkɔnlɛ doɛ̃.

Korɛnti1 4:10

Wɔsɛn man gàãnaan lɛa Krita a lɛa; kasɛn man sii-dɔ̃lin lɛa, kaa tá kun ka Krita-n gɔ́ɔ̃ nɛ. Wɔsɛn man pàãwɛɛnaan lɛa, kasɛn man pàãdɛnan lɛa. Wɔsɛn man màn kooron lɛa, maǹ kasɛn guguru koe!

Korɛnti1 6:2

Ka á doɛ̃ mà Lawa a zaman minin lɛn man die kiri we kanaa minin ganaa wa? Bɛ̀ ka dinin man die kiri we kanaa minin ganaa, a n siɛ lɔn, sii bɔnboɛɛnɛn mɛnɛn bɛ́ ǹ ba màn kɔ́n lɛa wa, ka a boe la ka á bɛn kiri kuri wa?

Galaasi minin 1:15

Sɛnɛ bɛ kio, Lawa lɛ kɔ mà ma a Nɛgiĩ dɔ̃, màn mɛn bɛ́ toɛ, ma a sii nyaa tɔrɔn tumaa nɛ. Bɛ lɛ a lɛa nɛ, á ma bɔ gɔrɔ, bɛ̀ ma tɔn yɛ dinin wa. A din a bǐɛ̃baa gɔ́ɔ̃ nɛ, á ma bíi, mà ma dí nya asɛ nɛ. Bɛ bɛ́ á n zɛnaa, ma nɔ̀n da min kɔ́n la ka yiri-n wa.

Galaasi minin 4:8

Lɛlɛ, ka bɛ́ ka goã Lawa doɛ̃ wa, ka ǹ ká goã màn kɔsɔn bɛ̀rɛn lɛa, màn mɛnɛn bɛ́ ǹ ba Lawa taãnan lɛa wa.

Efɛɛzi minin 1:9

Lawa dinmaa na á saa lɛlɛ á bɛa sii lɛ yɔrɔ bɔ á koa, á n die zɛnɛɛ ka Krita nɛ. A din foo sii ni, á goã durii-n lɛlɛ. Sɛnɛ kanna, á nyaa wɔ nɛ.

Efɛɛzi minin 3:10

A na á bɛ zɛnaa, màn mɛn bɛ́ toɛ, lon màn pàãdɛnan laanka ǹ goledɛnan na a sii-doɛ̃ gole kɛ dɔ̃ kanna, ka a sɔmɔ kɛ barka nɛ.

Kolɔɔsi minin 1:19

A na á kɔɔ̃n kɔ Lawa din ganaa, á Lawabaa ǹ sii tumaa lɛ-piɛ̃ wɔ a Nɛgiĩ lɛ nɛ,

Ebrəə 1:14

Lon a dia dí-a wolen kɛn tumaa n yirin dininsɔɔ̃nɔn lɛa, dí nyɛɛ Lawa nɛ, ǹ nə́ n doe kirisibaa-yɛlen kɛn lɛ.

Ebrəə 2:3

wɔsɛn dɔn kəni, wɔ ǹ die liɛ lɔn, bɛ̀ wɔ́ sàn kɔ ka kirisibaa gole kɛ nɛ? Kirisibaa mɛn bɛ́ Dɛnaa din ná a boo da bɔrɔ, bɛ kio, min mɛnɛn na a boo ma ka ǹ too ne, bɛn dɔn nə́ wusoo ǹ ná a sonborebaa pɛ.

Ebrəə 7:25

Bɛ lɛ taman yii ni, min mɛnɛn bɛ́ n mɔrɛ Lawa ganaa a din barka nɛ, á boe la, a bɛn kirisibaa yǎa a giala-nyɔmiɛ ganaa, a giala, a dinmaa lɛ yii n koo yǎa duduu, á n Lawa nyankoe ǹ lɛa.

Zaaki 4:4

Ka min naarɛn kɛn! Ka a doɛ̃ mà bɛ̀ min kanaa baa giaára lɛa, mà a na á Lawa baa zɔ́ɔ wa? Min mɛn bɛ́ giɛ li mà a kanaa a giaára baa sɛn, bɛa dɛnaa nə n din biɛ Lawa a zɔ́ɔ lɛa.

Zaaki 5:15

Bɛa Lawa nyan kɛ lɛ á n kɔ ka goleemali ni, bɛ á die busulə lɛ kirisibiɛ. Dɛnaa á die kakabaa koe la. Bɛ̀ sii baraa dɔ tá a mìi ni, á die bɛ dɔ toɛ nɛ.

Zaaki 5:20

ka dɔ̃ mà min mɛn bɛ́ á da zii sonbore la, mà bɛa dɛnaa lɛ n toɛ a telenboen tá re kirisibiɛ, sii baraa gigiã dɔ á re n toɛ nɛ.