Kiin2 6:29 - LAWA A BOO SONBORE

²⁹ Masɛ a nɛ lɛ, wɔ́ kɔrɛ wɔ́ sɔ̃. Bɛa lɛawaa, má pɛ bɛa lɔ lɛ nɛ, máa a da ka a nɛ lɛ nɛ wɔ sɔ̃, sɛnɛ, a ná a nɛ lɛ duru.»

LAWA A BOO SONBORE 2011

²⁹ Masɛ a nɛ lɛ, wɔ́ kɔrɛ wɔ́ sɔ̃. Bɛa lɛawaa, má pɛ bɛa lɔ lɛ nɛ, máa a da ka a nɛ lɛ nɛ wɔ sɔ̃, sɛnɛ, a ná a nɛ lɛ duru.»

Kiin2 6:29 ပူးပေါင်းရင်းမြစ်များ

Kiin1 3:26

Lɔ lɛ mɛn a nɛ bɛ́ n ka nɛ yiikoonaa lɛ nɛ, a nɛ lɛ a sii ná a gɔ́ɔ̃ wɔ̃ parsiini, á pɛ kii lɛ-n kɛnɛn: «Bǐɛ̃ kɔ, maa dɛnaagiĩ! Nɛ yiikoonaa lɛ kɔ ma miã lɛ la, ǹ baran dɛ wa!» Sɛnɛ, lɔ goon kɛ lɛ sɛ na á goã pii: «Nɛ yiikoonaa lɛ ba re masɛ wɔ biɛ wa, a ba re ma miã lɛ dɔ wɔ biɛ wa! Ka na kɔn paa!»

Izayii 49:15

Sɛnɛ, Dɛnaa Lawa n pii: Nɛ ǹ dan yiri á boe a nɛnyaan tiɛɛ̃n ganaa? A nɛ mɛn yɛ, a kɔn-narɛɛ á nyɛɛ ka bɛ nɛ? Ta bɛ din yiri á boe, masɛ yiri á boe n ne duduu wa.

Izayii 66:13

Náa bɛ́ a nɛnyaanan foo wɛɛ lɔn, ma dɔ n die ka dɔn foo wɛɛ miɛ̃. Bɛ n die n zɛnɛɛ Zeruzalɛmu.

Busii pɛ 4:10

Maa zaman lɛ a koe biikoo li, náa sonboren dinin nə́ ǹ nɛnyaanan kɔrɛ, ǹ nə́ sɔ̃ màn-bii lɛa.

Lawa a wúlu-bɔlen 26:27

Bɛ̀ masɛ bɛ dɔ zɛnaa má fɔ̃, ka n ka a n too koe masɛ lon wa, bɛ̀ ka tá tɔn yɔ boe masɛ ganaa,

Lawa a wúlu-bɔlen 26:29

Bòo lɛ taman yii, ka á re ka yɛ ǹ nɛnyaanan soɛ̃.

Timəə dí-pɛn 28:52

Ǹ tá re die ka lɛnpɛnɛ kaa kiwin lɛn tumaa nɛ. Kaa kungun sasa dadaran kɛn kaa kiwin lɛn lɛnpɛnɛ, ka foo bɛ́ doa nɛ ǹ mɛnɛn lɛn ganaa, yǎa bɛn nə kiɛ kaa gána lɛ nɛ. Kaa Lawa, Dɛnaa Lawa gána mɛn lɛ kɔ ka la, ǹ tá re die koe kaa gána lɛ tumu lɛ, ǹ kaa kiwin kɛn tumaa lɛnpɛnɛ.

Timəə dí-pɛn 28:53

Kaa zɔ́ɔn lɛn da kɔ ka lɛ lɛ gɔ́ɔ̃ nɛ, ǹ bɛ́ re nɔmaa mɛn diɛ ka mìi ni, bɛ lɛ n die ka kiɛ kaa nɛnyaanan sɔ̃ ganaa. Kaa Lawa, Dɛnaa Lawa nɛgiĩn laanka nɛlɔn mɛnɛn kɔ ka la, ka n die bɛn lɛn soɛ̃.

Timəə dí-pɛn 28:57

A giala, màn kɔn bɛ́ a banban, a nɛ mɛn yɛ sisia, ka yisi mɛn dɔ kaa á n bɔ a ganaa, a dinsɔɔ̃ n giɛ li a bɛ lɛ sɔ̃ ka durii ni, nɔmaa lɛ taman yii, kaa zɔ́ɔn lɛn nə nɔmaa mɛn da ka mìi ni, bɛ̀ ǹ bɛ́ ǹ nə́ daa kɔ kaa kiwin lɛn lɛ.