Kiin2 6:16 - LAWA A BOO SONBORE

¹⁶ Yiliizee ná a lɛ si: «N baran nyɛ́ɛ baa wa! Min mɛnɛn bɛ́ kun ka wɔsɛn nɛ, bɛn tá mɔnaa nɛ ǹ nə́ la kɛn manɛ kunun ǹ ni.»

LAWA A BOO SONBORE 2011

¹⁶ Yiliizee ná a lɛ si: «N baran nyɛ́ɛ baa wa! Min mɛnɛn bɛ́ kun ka wɔsɛn nɛ, bɛn tá mɔnaa nɛ ǹ nə́ la kɛn manɛ kunun ǹ ni.»

Kiin2 6:16 ပူးပေါင်းရင်းမြစ်များ

Siin Giala 32:1

Bɛa lɛawaa, Laban yoo baayɛlɛ yiisoone, á fòo da a nɛlɔn lɛn laanka a nɔ̀ɔnɔn manɛ, á lɛn bǐɛ̃ bíi ǹ li, á n bɔyaa á woo piɛ.

Kiin2 6:15

Lawa a min Yiliizee lɛ a dí-nyali yoo baayɛlɛ yiisoone á soo, bɛ̀ sɔraasin nə́ ke ka sùin ni, ka ziabaa ǹ wotoron ne, ǹ nə́ kiwi lɛ lɛnpɛnɛ. Á n toa Yiliizee ganaa: «Dɛnaagiĩ, eebe! Wɔsɛn man die wàa zɛnɛɛ?»

KZS2 16:9

A giala, Dɛnaa Lawa n giɛ tán la, kanaa paǹ tumaa ganaa, min mɛnɛn bɛ́ narɛ ka ǹ foo tumaa nɛ, a n dɔ bɛn lɛ. Sisia kəni, ń baãnaabaa zɛnaa. Bɛ lɛ nɛ, a kũ sisia ganaa, n zɔ́ɔn man die yui n gialaa ka zia nɛ.»

Loen 11:1

LOE-saalin goledɛnaa loe mɛn lɔ. Davida a loe. Masɛ n má kaa Dɛnaa Lawa yele. Wàa na á baa ká n pii ma nɛ: Baa si n wo kele la, ka bàan bɛ́ lɔn.

Loen 27:3

Bɛ̀ zia-baalin nə́ daa kɔ ma lɛ, nyɛ́ɛ goon ba ma ganaa wa. Haalɛ ta zia lɛ yoo, foo doa ǹ bǎã tá ma lon.

Loen 3:6

Má waa tán má nyuù wɔ. Ma yii bɛ́ á kaa, má yɛ máa Dɛnaa Lawa n maa dɔmalɛ wole lɛa.

Loen 46:11

Lawa tɔ́n pɛ: Ka a lɛ da dɛ! Ka dɔ̃ mà ma din nə Lawa lɛa! Má gɔ̀lɔ̀baa yɛ gánan la, má gɔ̀lɔ̀baa yɛ tɔrɔn la.

Loen 46:7

Lawa bɛ́ á boo da, gánan nə́ gigini, tɔrɔn nə́ bìn da, tán nə́ yo ka nyɔɔ nɛ, nyɛ́ɛ gɔn.

Loen 55:18

Wasamiɛ̃nɛ, baayɛlɛ ka penleen ne, bɛ̀ ma yiri nə́ n lɔlɔkɔn, má n busu ǹ boo diɛ, Lawa ma lɛ ma.

Bɔ bɛ̀rɛbaa nɛ 14:13

Muizu pɛ zaman lɛ nɛ: «Ka baran nyɛ́ɛ baa wa. Ka golee kiĩni ka ga Dɛnaa a minin kirisibaa ǹ sii kɛ ganaa a n die zɛnɛɛ ka-n pelo. Sonbore, ka yii bɛ́ Ezipti minin mɛnɛn ganaa pelo ke, ka yii ba re ǹ yii doo duduu wa.

Izayii 8:10

Tɔrɔn lɛn, ka siin yɔrɔ bɔ, sɛnɛ, ǹ ba re yɔrɔ yii wa! Ka n taasɛ siin ganaa, sɛnɛ, ǹ ba re boe wa! A giala, Dɛnaa Lawa n kun ka wɔsɛn nɛ.

Zeremii 39:17

Sɛnɛ, bɛa biikoo lɛ li, ma á re n kanbiɛ, ma din Dɛnaa Lawa a da ǹ boo ne. N bɛ́ nyɛ́ɛ biɛ min mɛnɛn manɛ, ma a re n we ǹ gɔn wa.

Matiə 26:53

N ba doɛ̃ mà masɛ á boe la ma pɛ maa Díi Lawa nɛ, mà a n dɔ ma lɛ wa? Bɛ̀ masɛ golee li, á boe la a lon a dia dí-a wole kuru dadara fulupaa dia masɛ la sisia, ǹ zia da maa lɛa.

Marki 16:6

Sɛnɛ, á tɔ́n pɛ ǹ nɛ: «Ka baran nyɛ́ɛ baa wa, ma á doɛ̃ máa minin nə Nazarɛtin Yezu mɛn dere gɔn ganaa, máa ka n giɛ bɛ lɛ li. A yii wusoo á kaa, a ba kànaa wa. A n da bǎã mɛn nɛ, á ke, ka ga a ganaa.

Rɔmu minin 8:31

Wɔ n die pii mà wàa kəni? Bɛ̀ Lawa tá kun wɔ nɛ, die n die boe wɔ la?

Filipi minin 1:28

Ka baran toa kaa zɔ́ɔn nə nyɛ́ɛ da ka ganaa ka sii kɔ́n nɛ wa. Bɛ á re sii biɛ, a n nyɛɛ ǹ nɛ, mà ǹ dininmaan wɔ na á ziziɛ̃, a n nyɛɛ mà kasɛn man kaa kirisibaa ǹ zii la, a giala, bɛ lɛ n boe Lawa li.

Zozoe 11:6

Dɛnaa Lawa tɔ́n pɛ Zozoe ne: «N baran nyɛ́ɛ baa ǹ nɛ wa. A giala, biɛ̃ kɛnɛn yoroo, ma á re ǹ tumaa dii ma ǹ kɔ Izirayeli minin lɛn la. N die n nə ǹ sùin lɛn pere biɛn kukuru, n tɛ da ǹ ziabaa ǹ wotoron lɛn ganaa.»

Zaã1 4:4

Sɛnɛ, maa nɛnyaanan lɛn, kasɛn mɛnɛn bɛ́ Lawa wɔn lɛa, kasɛn nə́ boo Lawa a boo gii-dali soɛ-bɔlen kɛn la. A giala, Yiri mɛn bɛ́ ka lon, a pàã la kanaa kɛ a minin wɔ nɛ.