Kiin2 3:11 - LAWA A BOO SONBORE

¹¹ Kii Zozafati nɔ̀n da: «Dɛnaa Lawa a boo gii-dali ba kànaa, wɔ n boe la wɔ n doa a ganaa, a nɔ̀n da Dɛnaa Lawa la wa?» Izirayeli gána a kii a dí-nyali goon boo saa á pɛ: «Safati a nɛgiĩ Yiliizee lɛ, á goã dí nyɛɛ Yilii giulun, bɛ tá kànaa.»

LAWA A BOO SONBORE 2011

¹¹ Kii Zozafati nɔ̀n da: «Dɛnaa Lawa a boo gii-dali ba kànaa, wɔ n boe la wɔ n doa a ganaa, a nɔ̀n da Dɛnaa Lawa la wa?» Izirayeli gána a kii a dí-nyali goon boo saa á pɛ: «Safati a nɛgiĩ Yiliizee lɛ, á goã dí nyɛɛ Yilii giulun, bɛ tá kànaa.»

Kiin2 3:11 ပူးပေါင်းရင်းမြစ်များ

Siin Giala 18:4

Ka toa ǹ da mu boɛɛn kɔ ka la, ka n gòãn pii, ka n susu da kɛ giulun.

Kiin1 19:21

Yiliizee wɔlɔ bɛ́ á lui Yilii ganaa, á n bɔyaa á daa dii màn paa kũ á wúlu bɔ ǹ nɛ. Á ǹ siĩ kɔrɛ ka diin lɛn da kána ganaa ǹ gɔn nɛ, á kɔ a minin la, ǹ nə́ sɔ̃. Bɛ kio, á yoo á kɔ Yilii kio lɛ, á dí nya a giulun.

Kiin1 22:7

Sɛnɛ Zozafati nɔ̀n da: «Dɛnaa Lawa a boo gii-dali kɔsɔ ba kànaa, wɔ n boe la wɔ n doa a ganaa, wɔ nɔ̀n da Dɛnaa Lawa la wa?»

Kiin2 2:25

Yiliizee nə́ n toa walan, á woo Karmɛli kele la, á n toa walan dɔ nɛ á n bɔyaa á woo Samarii.

Kiin2 3:10

Izirayeli gána a kii tɔ́n nə n toa: «Bɔ̀n! Dɛnaa Lawa na á lɛ dia kii sɔɔ kɛ la, á n die ǹ we Moabu gána minin gɔn.»

Kiin2 3:12

Zozafati nə́ n toa: «Dɛnaa Lawa a boo gii-dali taãn nɛ.» Izirayeli gána a kii ni, ka Zudaa gána a kii laanka Edɔmu gána a kiin lɛn nə́ tɔ́n kiɛ̃, ǹ nə́ woo Yiliizee li.

Kiin2 3:3

Sɛnɛ Nebaati a nɛgiĩ Zeroboamu goã á Izirayeli minin da sii baraa mɛn a zɛnaa ganaa, Zoramu gɔn na á goã paraa-n bɛa zɛnaa ganaa, a n bɔ a zɛnaa wɔlɔ li wa.

KZS1 10:13

Sayulu lɛ na á gã, a giala a na á bɔlɔgoonbaãdɛnaa baa Dɛnaa Lawa wɔ paǹ li. A na a kɔ Dɛnaa Lawa a dí-pɛn lɛ ka a yɔrɔ-n wa. Á goã dinin á kanbaa Lawa la á woo gere nyin bii á nɔ̀n da la. Bɛ lɛ nɛ Dɛnaa Lawa toa á gã, a ná a kiibaa lɛ saa á kɔ Zesee a nɛgiĩ Davida la.

KZS1 14:10

Davida nɔ̀n da Lawa la kɛnɛn: «Ma doamaa nɛ, ma wo Filisitin lɛn gialaa? N tá re ǹ we ma gɔn?» Dɛnaa Lawa ná a lɛ si: «Wo ǹ gialaa, ma á re ǹ we n gɔn.»

KZS1 14:14

Davida tɔn wusoo doo á nɔ̀n da Lawa la, Lawa ná a lɛ si kɛnɛn: «N baran ǹ kio loo wa, wo n pɛnɛ sɔsɔɔ ǹ ganaa, n tá re dirii ǹ la dan kɛn yɔrɔ-a.

KZS1 15:13

A giala, bibinaa nɛ, bɛ̀ ka banban, Dɛnaa Lawa wɔ dɛ, a giala mà wɔ kɔ a dí-pɛn lɛ wa.

KZS2 18:6

Sɛnɛ, Zozafati nɔ̀n da doo: «Lawa a boo gii-dali taãn kɔn banban a nɔ̀n da Dɛnaa Lawa la a kɔ ma la wa?»

Loen 74:9

Wɔ yii ba n din a tá wɔ li ǹ sii kɔn ganaa doo wa. N boo gii-dali kɔn banban doo wa. Á n die goɛ̃ miɛ̃ dɔn yǎa biĩ, wɔ kɔn ba bɛ dɔ doɛ̃ wa.

Zeremii 37:17

Ǹ kɔn pinaa, kii Sedekiasi min dia mà a wo lɛ dia la. A n li a nɔ̀n da la ka durii ni a kii kion lɛ nɛ. Kii lɛ nɔ̀n da la: «Dɛnaa Lawa boo da n nɛ masɛ a paǹ li?» Zeremii ná a lɛ si: «Hiĩ, Dɛnaa Lawa á re n we Baabiloniin kii gɔn.»

Amɔɔsi 3:7

A din goon ne: A dí-nyalin kɛn a boo gii diɛ, Dɛnaa Lawa a sii kɔn zɛnɛɛ, bɛ̀ a ná a n gɔ́ɔ̃ pii bɛn ma-n wa.

Filipi minin 2:22

Ka dininmaan tá doɛ̃, Timote na a bɔlɔgoondɛnaabaa kɛ nyaa ka-n ka yɔrɔ mɛn nɛ, a na á Boo Tii Kɔɔ̃n a dí kɛ nya kun ka ma nɛ, ka nɛ laanka a díi bɛ́ dí nyɛɛ kun lɔn.

Timote1 5:10

Yǎa a tɔ goɛ̃ boe-n sii sonbore zɛnaa gɔ́ɔ̃ nɛ, a goã a ná a nɛnyaanan too sɔnbɔraanɛ. Min mɛnɛn bɛ́ die a piɛ a bɛn kũ doɛ̃, á n din gisĩ ǹ dí nyɛɛ Lawa a minin manɛ, a nə́ n doe nɔmaa-wɔlen lɛ, á n sii sonbore tɔrɔ tumaa zɛnɛɛ.

Zozoe 1:1

Dɛnaa Lawa a dí-nyali Muizu a gɛ̀ kio, Dɛnaa Lawa boo da ka Muizu a dɔmalɛ wole, Nunu a nɛgiĩ Zozoe ne á pɛ nɛ:

Zozoe 9:14

Izirayeli minin nə́ ǹ màn-bii lɛ kɔn si ǹ nə́ bii, sɛnɛ, ǹ nɔ̀n da Dɛnaa Lawa la ka a lɛ gɔ́ɔ̃ ǹ boo-n wa.

Sii yɔrɔ-bɔlen 20:18

Izirayeli minin lɛn nə́ yoo, ǹ nə́ woo Betɛli, ǹ nə́ nɔ̀n da Lawa la kɛnɛn: «Wɔsɛn tɔrɔn lɛn mɛn nə die woe zia biɛ Bɛnzamɛn tɔrɔn lɛn ganaa bibinaa nɛ?» Dɛnaa Lawa nə́ ǹ lɛ si: Zudaa tɔrɔn man die woe bibinaa nɛ.