Kiin2 25:7 - LAWA A BOO SONBORE

⁷ Ǹ nə́ Sedekiasi a nɛgiĩn bɔlɔ kuru a dinmaa yii ni. Bɛ kio, ǹ nə́ Sedekiasi yii nànan puru, ǹ nə́ yii ka zan zɔrɔka naakɔn paa nɛ, ǹ tɔ́n woo ne Baabilonii.

LAWA A BOO SONBORE 2011

⁷ Ǹ nə́ Sedekiasi a nɛgiĩn bɔlɔ kuru a dinmaa yii ni. Bɛ kio, ǹ nə́ Sedekiasi yii nànan puru, ǹ nə́ yii ka zan zɔrɔka naakɔn paa nɛ, ǹ tɔ́n woo ne Baabilonii.

Kiin2 25:7 ပူးပေါင်းရင်းမြစ်များ

Siin Giala 21:16

Bɛ kio, a din kiɛ̃ á woo giã tán tìãlɛa, á n wɔlɔ lui nɛ lɛ ganaa, ka kiɛ zũ a wo mɛnaa tán bɛ́ lɔn. A giala, a na á goã pii a din gɔ́ɔ̃-n kɛnɛn: «He, maa nɛ kɛ baran gã ma yii-n wa!» A bɛ́ giã-n tán tìãlɛa, á n lɛn saa lon á wuu pɛ.

Siin Giala 44:34

Man boe la, ma wusoo ma wo wɔ di kɛ li lɔn kɛnɛn, nɛginin lɛ ná a ba kun ka wɔ-n wa? Bɛ bɛ́ re sii mɛn biɛ ma di lɛ ganaa, bɛ baran ma yii sii baa wa dɛ!

KZS2 33:11

Bɛ lɛ nɛ, Dɛnaa Lawa Asiiriin kii a zia-baalin nyɛɛnaandɛnan dia ǹ gialaa. Ǹ nə́ Manaasee kũ, ǹ nə́ koɛ̀ɛ̃nən kaa a ganaa, ǹ nə́ yii ka zan zɔrɔkan nɛ ǹ nə́ woo ne *Baabilonii.

KZS2 36:6

Baabiloniin kii Nebukadenezɔɔrɔ daa zia baa a ganaa, á yii ka zan zɔrɔkan nɛ á woo ne *Baabilonii.

Loen 149:8

Ka ǹ gánadɛnan yii ka zɔrɔka nɛ, ka ǹ kiin lɛn yii ka fɔlɔ biɛn nɛ.

Izayii 22:3

N sɔraasi nyɛɛnaandɛnaa tumaa baa si kun, kiɛ-bɔlen nə́ ǹ baa kòso nɛn lɛa ǹ nə́ ǹ kiɛ zũ wa. Zɔ́ɔn nə da min mɛn tumaa yaa, ǹ nə́ ǹ tumaa baa kòso nɛn lɛa kun, ǹ baa sii gɔ́ɔ̃ nɛ.

Zeremii 21:7

Bɛ kio, ma á re Zudaan kii Sedekiasi we Baabiloniin kii gɔn, ka a gána nyɛɛnaandɛnan nɛ. Kiwi lɛ a minin mɛnɛn yii goã koo piɛ̃ busu laanka zia ka bòo kɛ kio, ma á re bɛn dɔn we a gɔn. Ma á re ǹ kiɛ ǹ zɔ́ɔn pàã giulun, ǹ mɛnɛn lɛn bɛ́ zoɛ̃ ǹ gɛ̀ li. Nebukadenezɔɔrɔ á re ǹ dii ǹ gã. A re ǹ makara doɛ̃ wa, a re sabara biɛ wa, a re min kɔn toɛ a yii n koo wa.» Dɛnaa Lawa a da ǹ boo ne.

Zeremii 22:30

A bɛ́ boo mɛn diɛ á ke: – Ka kɛ kiɛ̃ Konia a paǹ li: «Min ni a nɛnyaanan ba re goɛ̃ wa. Là goon din yɛ a ganaa a yiikoonaabaa gɔ́ɔ̃-n wa. Min kɔn ba re yii a sumu-n a giã Davida a kii dankan la, a Zudaa gána nyɛɛnaan bɔ wa.»

Zeremii 34:3

Nsɛ kɔn ba re liɛ la wa. Ǹ tá re n kuĩ ǹ nə n baa a kòso nɛ lɛa. N tá re golee a yɔrɔ-a, n na a lɛ si, bɛ kio, n tɔn wo Baabilonii.

Zeremii 37:17

Ǹ kɔn pinaa, kii Sedekiasi min dia mà a wo lɛ dia la. A n li a nɔ̀n da la ka durii ni a kii kion lɛ nɛ. Kii lɛ nɔ̀n da la: «Dɛnaa Lawa boo da n nɛ masɛ a paǹ li?» Zeremii ná a lɛ si: «Hiĩ, Dɛnaa Lawa á re n we Baabiloniin kii gɔn.»

Zeremii 38:23

«Taãn nɛ, ǹ tá re woe n lɔn laanka n nɛnyaanan nɛ Baabilonii minin yɔrɔ-a. N dinmaa dɔ a re kanbiɛ ǹ ganaa wa. Baabiloniin kii á re n biɛ kòso nɛ lɛa, a tɛ da Zeruzalɛmu ganaa.»

Busii pɛ 2:9

Kiwi lɛa kiɛnlɛn nə́ kaa, ǹ nə́ wɔ tán tii li. Dɛnaa Lawa nə́ ǹ kii la ǹ bàlà yiyiɛ. A kii laanka a nyɛɛnaandɛnan man gùlin lɛa tɔrɔ kɔsɔn bii. Dí-pɛ banban doo wa, a boo gii-dalin ba Dɛnaa Lawa a sii-nyaa yii doo wa.

Ezekieli 12:11

A pɛ ǹ nɛ kɛnɛn: Man sii a kɔnboe lɛa ka yɔrɔ-a. Ma zɛnaa lɔn, a n die n zɛnɛɛ ka nɛ miɛ̃. Ǹ tá re ka goɛ, ǹ wo ka nɛ bɛ̀rɛbaa ǹ bǎã nɛ.

Ezekieli 7:27

Kii á re gɛ̀ koɛ, a kiodɛnan tá re foo ziziɛ̃ ǹ mɔnaan we, gána lɛ a minin gɔ̀nɔn tá re bìn diɛ. Man die ǹ kuĩ ǹ zɛnaa ǹ sii li, ǹ doamaa bɛ́ ka dɔlɔ mɛn nɛ, ma bɛ da ǹ mìi ni. Bɛa biikoo li kəni, ǹ tá re doɛ̃, mà ma din nə Dɛnaa Lawa lɛa.

Timəə dí-pɛn 28:34

Bɛa siin kɛn lɛn yɛ á re gàãn yui ka li.

Timəə dí-pɛn 28:36

Ka dinin ni, ka ka kii mɛn lɛ bɔ ká koa ka mìi la, Dɛnaa Lawa á re ka diɛ tɔrɔ kɔsɔn gána nɛ, tɔrɔn mɛnɛn bɛ́ ka laanka ka digolon nə ǹ dɔ̃ wa. Walan kəni, dìn mɛnɛn bɛ́, ǹ nə́ ǹ zɛnaa ka gɔn nɛ, ka kɔlɔ nɛ, ka á re bɛn guguru koe.

Sii yɔrɔ-bɔlen 16:21

Filisiti minin lɛn nə́ kũ, ǹ ná a yii nànan pupuru. Bɛ kio, ǹ nə́ woo ne Gaazaa kiwi, ǹ nə́ yii ka fɔlɔ biɛ nàn paa nɛ, ǹ nə́ da màn lɔ ganaa gii la, kòso nɛn kion.