Kiin2 23:8 - LAWA A BOO SONBORE

⁸ Á lɛ dia wúlu-bɔlen tumaa la Zudaa gána a kiwin ni, ǹ nə́ daa. A saa Gebaa ganaa a wo Bɛɛr-Sebaa yaa, ǹ goã da yon giĩ kɔɔ̃n tiɛ̃ bǎãn mɛnɛn nɛ, kii lɛ bɛa bǎãn lɛn soɛ̃ yiɛ. Wúlu bɔ ǹ bǎãn mɛnɛn bɛ́ kiɛnlɛ-a ǹ nɛ, á bɛn ziziɛ̃: Ka *wúlu bɔ ǹ bǎã kɛ bɛ́ lɔn kiɛnlɛ-a ǹ nə́ kiwi mìilandɛnaa Zozoe tɔ kɔ a ganaa, ka kɛ nɛ, bɛ̀ n tá we ka kiwi lɛ a kiɛnlɛ nɛ, n gɔsɛ.

LAWA A BOO SONBORE 2011

⁸ Á lɛ dia wúlu-bɔlen tumaa la Zudaa gána a kiwin ni, ǹ nə́ daa. A saa Gebaa ganaa a wo Bɛɛr-Sebaa yaa, ǹ goã da yon giĩ kɔɔ̃n tiɛ̃ bǎãn mɛnɛn nɛ, kii lɛ bɛa bǎãn lɛn soɛ̃ yiɛ. Wúlu bɔ ǹ bǎãn mɛnɛn bɛ́ kiɛnlɛ-a ǹ nɛ, á bɛn ziziɛ̃: Ka *wúlu bɔ ǹ bǎã kɛ bɛ́ lɔn kiɛnlɛ-a ǹ nə́ kiwi mìilandɛnaa Zozoe tɔ kɔ a ganaa, ka kɛ nɛ, bɛ̀ n tá we ka kiwi lɛ a kiɛnlɛ nɛ, n gɔsɛ.

Kiin2 23:8 ပူးပေါင်းရင်းမြစ်များ

Siin Giala 21:14

Abrahamu yoo baayɛlɛ yiisoone, á màn-bii saa, á mu kaa mu bɔnaa nɛ, á ǹ kɔ Agaara la. Á nɛ lɛ saa á da a dɔ̀ɔ̃ nɛ, á da zii. Agaara woo n penpelen da Bɛɛr-Sebaa don.

Siin Giala 21:31

Bɛ lɛ na á toa, ǹ nə́ bɛa bǎã lɛ bíi, mà Bɛɛr-Sebaa (bɛ giala mà "Sɔbaa Tù" ka "Liɛwɔ Tù" ni), a giala, mà ǹ dinin min paa tumaa na á n liɛ walan.

Siin Giala 26:23

Izaaki yoo walan, á woo Bɛɛr-Sebaa kiwi.

Kiin1 15:22

Bɛ kio kii Azaa tɔ́n lɛ dia Zudaa gána minin tumaa la, a min lɛ bɔ á da wa. Bayesaa goã kungɔn doe Ramaa kiwi ganaa ka kɔlɔn laanka gɔnɔn mɛnɛn nɛ, ǹ nə́ woo ǹ goa Raamaa ǹ nə́ daa ǹ nɛ. Kii Azaa bɛa kɔlɔn lɛn laanka bɛa gɔnɔn lɛn goã á kungɔn dɔ nɛ, Misipaa kiwi ganaa, ka Gebaa kiwi kɛ nɛ, Bɛnzamɛn tɔrɔn tán la.

Kiin1 19:3

Yilii bɛ́ á yɛ miɛ̃, á yoo á ga la ǹ wɔlɔ li. Á ná a dí-nyali kũ, ǹ nə́ woo Bɛɛr-Sebaa kiwi, Zudaa gána nɛ. Ǹ bɛ́ ǹ nə́ dɔ walan, Yilii ná a dí-nyali lɛ toa walan.

KZS1 6:60

Ukɔki laanka a tɔɔn buu sɔ̃ ǹ bǎãn manɛ, Rehɔbu laanka a tɔɔn buu sɔ̃ ǹ bǎãn manɛ.

Izayii 10:29

Maǹ koe zii bɔnboɛɛnɛn lɛ kelen bii ǹ nə́ pii: «Ka daa wɔ nyəə Gebaa.» Ramaa kiwi, minin man bìn diɛ ǹ nyɛɛnɛ. Gibeya, Sayulu a kiwi minin man baa sii.

Ezekieli 44:10

«Sɛnɛ *Levii tɔrɔn kɛn ǹ nə́ ma toa walan, ǹ nə́ wusoo ǹ nə́ n bɔ ma kio, ǹ nə́ kɔ ǹ dìn kɛn kio lɛ ka Izirayeli tɔrɔ gialakunun kɛn bɛ́ lɔn, ǹ tá re n toɛ̃ ka ǹ sii baraa a guĩ ni.

Amɔɔsi 5:5

Sɛnɛ, ka nyan ga ma li Betɛli wa, ka nyan wo ma guguru kɔ Gilgaali wa, ka nyan nə n gòã da Bɛɛr-Sebaa dɔn wa. A giala, ǹ tá re Gilgaali minin tumaa goɛ ǹ wo ǹ ne bǎã kɔsɔ nɛ. Lawa a kion ke, a tɔ n Betɛli, bɛ á re kion kooro biɛ.

Zakarii 14:10

Bǎã mɛn din tumaa bɛ́ Zeruzalɛmu lɛnpɛnɛ, bɛn tumaa á re n bɔyɛɛ ǹ bɔmɔ lɛ baa, a kũ Gebaa ganaa gɔsɛ a lɛ̀gɔn la, a wo Rimɔn yaa gusin a lɛ̀gɔn la. Zeruzalɛmu á re goɛ̃ lon a la bǎã kɔsɔn kɛn manɛ. Kiwi lɛ á re n lɛ boe, a saa Bɛnzamɛn tɔrɔn kiɛnlɛ kɛ ganaa, a wo yǎa kiɛnlɛ bibinaa bǎã kɛ li, yǎa gùrù pusu ǹ kiɛnlɛ kɛ li, a kũ Hanaaneyeli a sanabolo kɛ ganaa, yǎa kii a rezɛ̃ mu bɔ ǹ bǎã kɛ nɛ.

Zozoe 18:24

Kefaramonaa, Ɔfunii, Gebaa. Maǹ kiwi dadara fulupaa ka ǹ lɛkoro lɛ-a kiwi bisinin ni.

Zozoe 21:17

Ǹ kiwin mɛnɛn bɔ Bɛnzamɛn tɔrɔn bǎã nɛ, bɛn man ka kɛn nɛ: Gabawɔ̃ laanka a lɛkoro lɛ-a bǎãn manɛ, Gebaa laanka a lɛkoro lɛ-a bǎãn nɛ,

Sii yɔrɔ-bɔlen 20:1

Izirayeli minin lɛn tumaa soo, a saa Dan kiwi ganaa gɔsɛ a lɛ̀gɔn la, yǎa Bɛɛr-Sebaa kiwi gusin a lɛ̀gɔn la, a wo Galaati gána kɛ yaa. Zaman lɛ tumaa nə́ ǹ wɔ kaa kun, ǹ nə́ n lɛ sɔkɔn Dɛnaa Lawa yɔrɔ-a Mispaa.