Kiin2 23:14 - LAWA A BOO SONBORE

¹⁴ Bɛ kio, kii lɛ tiĩn yuyu, á dì Aseeraa nyínin nana kɔn. Ǹ goã bǎãn mɛnɛn nɛ, á bɛn pã ka minbuiin wen ne.

LAWA A BOO SONBORE 2011

¹⁴ Bɛ kio, kii lɛ tiĩn yuyu, á dì Aseeraa nyínin nana kɔn. Ǹ goã bǎãn mɛnɛn nɛ, á bɛn pã ka minbuiin wen ne.

Kiin2 23:14 ပူးပေါင်းရင်းမြစ်များ

Kiin2 18:4

A din lɛ na á wúlu bɔ ǹ bǎãn lɛn papaã, á tíĩn yɔyɔrɛ, á dì Aseeraa nyín na kɔn. Muizu goã á miɛ̃ nyín mɛn zɛnaa ka zan nɛ, á bɛ dɔ nana kɔn, a giala Izirayeli nɛnyaanan lɛn man nə́ goã nyɔɔ gìĩ kɔɔ̃n tiɛ̃ tán bɛa miɛ̃ nyín lɛ nyɛɛnɛ, á daa dɔ bɛa biikoo lɛ ganaa. Maǹ nə́ goã miɛ̃ nyin lɛ bíi "Newusutan".

Kiin2 23:16

Zoziasi bɛ́ á n yɔrɔ bɔyaa á ga, á gere yalan yɛ tán kele la, á minin dia ǹ nə́ woo bɛa yalan lɛn gere wen waa. Zoziasi bɛa gere wen lɛn tã wúlu bɔ ǹ bǎã lɛ la. Á wúlu bɔ ǹ bǎã lɛ baa màn kooro lɛa bɛa yɔrɔ lɛ la, ka Dɛnaa Lawa goã á ná a boo gii-dali da a pɛ ganaa lɔn, á bɛa siin kɛn boo da.

Bɔ bɛ̀rɛbaa nɛ 23:24

Sɛnɛ, ka baran n musin koa tán ǹ dìn yɔrɔ-a, ka ǹ guguru kɔ wa. Ka baran ǹ siin lɛn zɔɔ̃ wa. Ka ǹ dìn yɔyɔrɛ, ka ǹ tíĩn kɛn nɛ.

Bɔ bɛ̀rɛbaa nɛ 34:13

Sɛnɛ, ka kaa wúlu bɔ ǹ bǎãn dɛ ka ǹ kaa, ka kaa kɔlɔ wɔ tán-an kɛn yɔyɔrɛ, ka kaa dì gɔnɔn kukuru ka ǹ kaa.

Izayii 27:9

Zakɔba tɔrɔn siɛ̃ bɛ́ re n toɛ ǹ nɛ lɔn, bɛ á ke, ǹ sii baraan toa manɛ bɛ́ re die ka sii mɛn nɛ, bɛ á ke: *Wúlu bɔ ǹ bǎã a kɔlɔn kɛn, maǹ die bɛn yɔyɔrɛ mɔnɔmɔnɔ. Wúlu bɔ ǹ bìbìn kɛn laanka ǹ da yon gìĩ kɔɔ̃n tã n mànan kɛn, bɛn kɔn ba re goɛ̃ lon doo wa.

Izayii 44:19

Min kɔn ba n taasɛ, a bɔ a din ni, min kɔn ba yiri yii ka sii-doɛ̃ nɛ a pɛ: «Má tɛ koa ka gɔn lɛ a talɛɛ nɛ, má màn-bii zɛnaa a tɛ nàn la, má siĩ tã la má sɔ̃. Ma á re màn nyín bɔbɔnɛɛ zɛnɛɛ ká a gialakun kɛ-n doo? Ma a re kiɛ tán gɔn lɛkoro yɔrɔ-a wa!»

Ezekieli 6:5

Má á re Izirayeli nɛgiĩn geren kiɛ tán kaa dìn kɛn yɔrɔ-a, má á re ka wen pɛpɛsɛ̃ ma kaa wúlu bɔ ǹ bǎãn kɛn lɛnpɛnɛ nɛ.

Misee 1:7

A màn nyínin kɛn lɛn tumaa á die pɔpɔsɛ. A kɔrɔbaa ǹ mànan lɛn tumaa á die n tiɛ̃. Ma á die a dìn kɛn tumaa yɔyɔrɛ. A giala, kɔrɔbaa ǹ mànan manɛ, ǹ tá re wusii, ǹ kɔrɔbaa ǹ dí nya.

Minin nimi 19:16

Don gɔ́ɔ̃ nɛ, bɛ̀ min mɛn nə́ n gɔn da min gere ganaa, kana gere mɛn nə́ ke zia wɔ lɛa hinlaa min mɛn bɛ́ á gã kooro, hinlaa bɛ̀ min mɛn nə́ n gɔn da min wen ganaa, hinlaa gere yala ganaa, ǹ dɛnaa n goɛ̃ gɔ̀dɛnaa lɛa yǎa lɛawaa sɔbaa.

Minin nimi 19:18

Min mɛn nə́ ke yoreene, bɛ izopi gùrù saa a sã màn gɔ́ɔ̃ mu lɛ li, min gã mɔnaa zìã mɛn lɛ gɔ́ɔ̃ nɛ a pɛsɛ̃ bɛ ganaa kɔnlɛ ka a gɔ́ɔ̃gɔ́ɔ̃ ǹ màn tumaa nɛ, ka min mɛnɛn dɔn nə goã a gɔ́ɔ̃ nɛ. Bɛ̀ min mɛn dɔ nə n gɔn da gere wen ganaa, hinlaa zia kana gere ganaa, hinlaa gɛ̀ kooro wole ganaa, hinlaa gere yala ganaa, ka pɛsɛ̃ bɛ dɔ ganaa.

Minin nimi 33:52

ka die ka gána lɛ a minin tumaa loo ka ǹ bɔ ka nyɛɛnɛ, ka ǹ tíĩ kɔlɔn kɛn tumaa papaã, ka ǹ fɔlɔ yoe màn nyín zɛnaan kɛn tumaa nɛ. Ka die ka ǹ wúlu bɔ ǹ bǎãn tumaa ziziɛ̃.

Timəə dí-pɛn 7:5

Sɛnɛ, ka bɛ́ re sii mɛn zɛnɛɛ bɛa tɔrɔ kɔsɔn lɛn manɛ, bɛ n ka kɛ nɛ: ǹ wúlu bɔ ǹ bǎãn kɛn, ka die ka bɛn wuru, ǹ tíĩn kɛn, ka bɛn wɔwoɛ̃, ka ǹ dì gɔnɔn kɛn kukuru, ǹ dìn kɛn, ka bɛn tã.