Kiin2 20:5 - LAWA A BOO SONBORE

⁵ – N lɛ goa n pɛ maa zaman a kii Ezekiasi lɛ nɛ, mà ǹ di Davida a Lawa, Dɛnaa Lawa lɛ mà kɛnɛn: «Má n nyankɔ lɛ ma. Má n yii mu lɛ yɛ. Á ke, man die n kaka koe. Pelo lɛawaa sɔɔ, n tá re woe Dɛnaa Lawa a kion.

LAWA A BOO SONBORE 2011

⁵ – N lɛ goa n pɛ maa zaman a kii Ezekiasi lɛ nɛ, mà ǹ di Davida a Lawa, Dɛnaa Lawa lɛ mà kɛnɛn: «Má n nyankɔ lɛ ma. Má n yii mu lɛ yɛ. Á ke, man die n kaka koe. Pelo lɛawaa sɔɔ, n tá re woe Dɛnaa Lawa a kion.

Kiin2 20:5 ပူးပေါင်းရင်းမြစ်များ

Samayeli2 5:2

Haalɛ bibi dinin, bɛ̀ Sayulu bɛ́ wɔa kii lɛa, n din Davida na á goã miɛ̃ wɔsɛn Izirayeli minin zia-baalin nyɛɛnɛ, bɛ̀ n soo ǹ ne, bɛ̀ n nə n bɔyaa ǹ nɛ. Dɛnaa Lawa pɛ n nɛ dɔn dinin: «N din nə die giɛ maa zaman Izirayeli minin lɛn walan, n din nə die Izirayeli minin lɛn mìilandɛnaa biɛ.»

Kiin1 9:3

Dɛnaa Lawa pɛ nɛ: – N ma nyankɔ, ń gòã-kũ da ma ganaa màn mɛn a lɛa, má ma. Kion ke ń dɔ ma tɔ la, man die n din nyɛɛ bɛ lɛ-n miɛ̃ duduu. Má á re giɛ a walan parsiini.

Kiin2 19:20

Amɔsi a nɛgiĩ Izayii minin dia woe pii Ezekiasi ni mà Izirayeli a Lawa, Dɛnaa Lawa n kɛ pii: – N nyan mɛn kɔ ma la Asiirii gána a kii Senankeribu wɔ paǹ li, má ma.

Kiin2 20:4

Izayii tɔn soo á n bɔ kiwi lɛ-n wa, bɛ̀ Dɛnaa Lawa á ke á boo da nɛ:

Kiin2 22:19

a giala, boon lɛn nə́ dí nya n foo ne. Ma bɛ́ má màn mɛn pɛ bǎã kɛ lɛ laanka a minin wɔ paǹ li máa bɔ̀n tá re bǎã lɛ yii, koe dɔ bɔ bɔ-a, n bɛ́ ń bɛa boo lɛ ma, man nə́ n din gisĩ masɛ Dɛnaa Lawa yɔrɔ-a, n nə́ n mɔnaan tɔtoɛ̃, ń wuu pɛ ma yɔrɔ-a, ma dɔ tɔ́n nə n nyankɔ lɛ ma. Dɛnaa Lawa a da ǹ boo ne.

KZS2 13:12

Kanna, Lawa dinmaa n wɔa kiã lɛa. Lawa a wúlu-bɔlen nə́ ke bii-a, ǹ yɔrɔ n boe ne ziabaa ǹ bɛn pɛ a lɛa ka ganaa. Izirayeli minin lɛn, ka nyan zia baa Dɛnaa Lawa, ka digolon Lawa ganaa wa! Kaa wɔ ba a-n ma!»

KZS2 34:3

Zoziasi a kiibaa a lɛ̀ kiwisibaa ǹ wɔ li, bɛ̀ á n tɔn nɛ ten lɛa. Á ga li mà a ǹ digolo Davida a Lawa foo sii dɔ̃. A kiibaa lɛ̀ fulupaabaa ǹ wɔ li, á bɔ á mɛ Zeruzalɛmu *yoreen kɔ la, ka Zudaa gána nɛ. Á wúlu bɔ ǹ bǎãn ziziɛ̃, dì gɔnɔn nɛ, dì nyínin tumaa nɛ, fɔlɔ màn yoe lɛa ka gɔn nɛ.

Loen 107:20

A ná a boo dia á daa ǹ kirisibaa, á daa ǹ si gɛ̀ la.

Loen 119:26

Má maa sii tumaa yɔrɔ pɛ n din ni, ń ma lɛ si. N dɔ masɛ daraa n foo sii boon kɛn ganaa.

Loen 126:5

Min mɛnɛn bɛ́ ǹ nə́ màn tɔrɔ da ka yii mu ni, toa bɛn nə kuru ka nyɛnyɛɛ nɛ.

Loen 147:3

Min mɛnɛn foo bɛ́ busii ni, a din nə bɛn foo-busii nyɛɛ, a din nə foo-basiɛ̃ koe ǹ la.

Loen 34:18

Bɛ̀ min peperen lɛn nə́ n lɛ dɛ, Dɛnaa Lawa n bɛ miɛ, a nə ǹ kirisibiɛ a ǹ bɔ ǹ fuu siin tumaa gɔ́ɔ̃ nɛ.

Loen 39:12

Ma n minbuiin nɛ a sii baraa a dɔlɔ boe a ganaa, n tá doree. Màn mɛn sii bɛ́ kaka a ganaa, man bɛ lɛ ziziɛ̃, ka nyuun bɛ́ màn ziziɛ̃ lɔn. Sonbore, minbuiin nɛ tumaa n ka piɛ̃ kooro bɛ́ lɔn. Doa.

Loen 56:8

Bɛa sii kɔkɔrɔ kɛ lɛ tumaa kio, maǹ die wusii ǹ la? Lawa, n foo-busii gɔ́ɔ̃ nɛ, minin kɛn dɛ.

Loen 56:9

Nsɛ á doɛ̃ mà ma gɔ́ɔ̃ wɔ̃. N din ma yii mu si, ń kaa n màn nɛ. Táa n bɛn da sii li.

Loen 6:10

Dɛnaa Lawa maa gòã-kũ ma, á re maa nyankɔ sii.

Loen 65:2

Lawa, n din nə *Siɔn kiwi kɛ nɛ, n doamaa nɛ min gogoonmaa nə n tɔ bɔ, min gogoonmaa nə n lɛ kɔ ka sii mɛn nɛ ǹ bɛ zɛnaa n wɔ paǹ li,

Loen 65:3

a giala, mà n tá minin nyankɔ lɛ sii. Minbuiinin tumaa n die n din li

Bɔ bɛ̀rɛbaa nɛ 15:26

Á pɛ ǹ nɛ: «Bɛ̀ ka ma lɛ si taãn-taãnɛ, ma din mɛn bɛ́ kaa Dɛnaa lɛa, sii mɛn bɛ́ pepere ma gɔn, bɛ̀ ka bɛ zɛnaa, ka n too kɔ maa dí-pɛn ganaa, ka ǹ zɛnaa, haya, ma a re dɔlɔ boe ka ganaa ka busun kɛn nɛ wa. Ma bɛ́ má busun mɛnɛn da Ezipti minin ganaa dɔlɔ lɛa ke lɛn. Sonbore, ma din nə Dɛnaa Lawa lɛ lɛa kaa busu nyɛɛ.»

Bɔ bɛ̀rɛbaa nɛ 3:7

Dɛnaa pɛ: «Má maa zaman lɛ a nɔmaa yɛ Ezipti gána nɛ, má ǹ lɛ-dɛ ma ǹ lɛduə̃li baraan kɛn dɛ gɔn. Sonbore, ma tá ǹ fuun lɛn doɛ̃.

Bɔ bɛ̀rɛbaa nɛ 3:9

Kanna kəni, Izirayeli nɛnyaanan lɛn lɛ-dɛ dɔ ma ganaa. Ezipti minin bɛ́ nɔmaa mɛn diɛ ǹ mìi ni, má bɛ dɔ yɛ.

Izayii 19:22

Dɛnaa Lawa á re Ezipti minin dii. Á re ǹ dii a wusoo a ǹ kaka kɔ. Ǹ tá re wusii ǹ da Dɛnaa Lawa li. Á re ǹ nyankɔ sii, a wusoo a ǹ kaka kɔ.

Izayii 38:22

Ezekiasi tɔn nɔ̀n da mà sii a kɔnboe mɛn nə die nyɛɛ mà asɛ re boe la a wusoo a wo Dɛnaa Lawa a kion.

Izayii 38:5

– Wo pɛ Ezekiasi-n kɛnɛn: «Masɛ Dɛnaa Lawa, n di Davida a Lawa, má n nyankɔ ma, má n yii mu yɛ. Á ke, ma á re lɛ̀ fulusooro kiɛ n lɛawaan li!

Izayii 55:3

Ka n too da, ka da ma li. Ka n too kɔ, ka yii á re goɛ̃ koo.» Dɛnaa Lawa pɛ: «Ma á re lɛ kɔ kɔn la we ka ka nɛ yǎa duduu, man lɛ kɔ ka ǹ mɛn lɛ nɛ Davida la, maa bɔlɔgoondɛnaabaa gɔ́ɔ̃ nɛ.

Matiə 22:32

Lawa pɛ: «Man Abrahamu a Lawa lɛa, Izaaki a Lawa lɛa, Zakɔba a Lawa lɛa.» Yezu tɔ́n pɛ: «Lawa lɛ bie geren Lawa lɛa wa, a n yiikoonaan Lawa lɛa. Bɛ n nyɛɛ, mà bɛa minin kɛn lɛn ǹ nə́ gã lɛlɛ, mà ǹ yii á koo sisia.»

Luku 1:13

Sɛnɛ, lon a dia dí-a wole lɛ pɛ nɛ: «N baran nyɛ́ɛ baa wa, a giala, Lawa nə́ n nyankɔ lɛ ma. N lɔ Elizabɛti á die nɛgiĩ yii, n tá re a tɔ koe Zaã.

Luku 18:10

– Min paa na á woo Lawa nyankɔ Lawa a kion, goon na á goã *Fariziɛ̃ lɛa, goon kɛ na á goã wusuru-sili lɛa.

Zaã a sɛ́wɔ 5:14

Bɛ kio, a belebɔ wa, Yezu wusoo á yɛ Lawa kion, á pɛ nɛ: «Haya, n bɛ́ ke kakabaa la kanna, n nyan wusoo n sii baraa zɛnaa doo, sii kɔsɔ yaa kiɛ̃ n yii, bɛ n baraa á la kɛ-n wa.»

Timəə dí-pɛn 32:39

Ka dɔ̃ ka bɛ lɛ-n kəni, mà ma din lɛ nɛ, ma din goon lɛ nɛ, lawa kɔsɔ ba n tii ma-a wa. Ma din nə gɛ̀ dii, ma din nə yiikoonaabaa koe, ma din nə busu diɛ min ganaa, ma din nə busu nyɛɛ. Min kɔn ba boe la a min kũ a si ma la wa.

Ebrəə 2:10

Sonbore, Lawa din na á màn tumaa zɛnaa, a din dɔ n màn tumaa tamaɛ. A na á goã giɛ li, mà a nɛnyaan gigiã dɔ a din a kiibaa guguru bǎã kɛ nɛ. Bɛ lɛ nɛ á zɛnaa, Yezu mɛn nə ǹ nyɛɛnaan bɔ kirisibaa ǹ zii lɛ la, bɛa sii tumaa lɛ pã fuu gɔ́ɔ̃ nɛ. Bɛ na á kɔnpɛ ka Lawa din sɔ̀n nɛ.

Sii-nyaan 7:17

A giala, Sère Nɛ mɛn bɛ́ golee-n kii dankanan kɛn bii, bɛ á re ǹ lɛduĩ, á re woe ǹ ne yiikoonaabaa ǹ mu yala lɛa. Lawa á re ǹ yii mu tumaa tuturi a bɔ ǹ yɔrɔ nɛ.»

Samayeli1 10:1

Samayeli nyɔɔ màn saa, á nyɔɔ kaa Sayulu mìi ni. Bɛ kio, á n sɔɔ Sayulu ni, á pɛ nɛ: – Dɛnaa Lawa na á n bɔ, á n koa kii lɛa n din a zaman Izirayeli minin lɛn mìi la.

Samayeli1 9:16

«Biɛ̃ kɛnɛn yirəə, ma á die giĩ goon diɛ n li, a n Bɛnzamɛn tɔrɔ lɛa. N die n nyɔɔ lɔ a ganaa, màn mɛn bɛ́ toɛ, a maa zaman Izirayeli lɛ a kii baa, a ǹ si Filisiti minin lɛn la. A giala, má maa zaman lɛ a nɔmaa yɛ, ǹ lɛ-dɛ dɔ ma ganaa.»