Kiin2 19:35 - LAWA A BOO SONBORE

³⁵ Bɛa tèlò lɛ nɛ, Dɛnaa Lawa a lon a dia dí-a wole woo giĩ duu paabiɛ ka pɔkiwisiwensooro (185 000) dɛ, Asiirii minin bǎã nɛ. Baayɛlɛ, minin bɛ́ ǹ nə́ yoo, a yii minbuiin nɛ gere tán, ǹ nə́ gã!

LAWA A BOO SONBORE 2011

³⁵ Bɛa tèlò lɛ nɛ, Dɛnaa Lawa a lon a dia dí-a wole woo giĩ duu paabiɛ ka pɔkiwisiwensooro (185 000) dɛ, Asiirii minin bǎã nɛ. Baayɛlɛ, minin bɛ́ ǹ nə́ yoo, a yii minbuiin nɛ gere tán, ǹ nə́ gã!

Kiin2 19:35 ပူးပေါင်းရင်းမြစ်များ

Samayeli2 24:16

Lon a dia dí-a wole nə́ n gɔn saa á dia Zeruzalɛmu la, mà a n die basaã koe ne. Dɛnaa Lawa bɛ́ a ba li doo a bɛa basaã lɛ kɔ a wo-n nyɛɛn wa, á tɔ́n pɛ lon a dia dí-a wole lɛ nɛ basaã koe zaman lɛ bii: «Kɛ á boe! Kanna kəni, wusoo ka n gɔn nɛ.» Bɛa biikoo li bɛ̀ Dɛnaa Lawa a dia dí-a wole lɛ n golee ne kunu Zebuzun giĩ Arabunaa kɛa *belee duwəə ǹ bǎã kɛ li.

Kiin2 19:7

Á ke, ma á die taasiɛ we Asiirii gána a kii lɛ yiri ni, á re boo miɛ, a n bɔyaa a wo a gána nɛ, bɛa boo lɛ taman yii. Ma á re toɛ a gɔya gɛ̀ wɔ a din a gána nɛ.»

KZS1 21:12

Lɛ̀ sɔɔ boó hinlaa zɔ́ɔn nə da kɔ n lɛ ka zia nɛ muĩ sɔɔ; ǹ tá re boe n la, ǹ tá re n zia nɛ gigiã dii, hinlaa Lawa a gɔya sa ka piɛ̃ busu n die we gána lɛ nɛ lɛawaa sɔɔ. Lona di à dí-a wole á re basaã koe Izirayeli gána lɛ paǹ tumaa nɛ. Kanna kəni, min mɛn ma dia, n din ga n boo binyəə kɔ ma la ma wo pɛ nɛ.»

KZS1 21:16

Davida nə́ n yii saa lon, á Dɛnaa Lawa a lon a dia dí-a wole lɛ yɛ golee ne lon laanka tán bii ni, a gɔya sa kooromaa nɛ a gɔn, á bɔyaa á dia Zeruzalɛmu la. Davida laanka min golen nə́ tɔ́n kaa tán ǹ lɛ la, boro n koe ne ǹ lɛ.

KZS2 20:24

Bǎã mɛn bɛ́ n tá n toɛ a nɛ n diə gole lɛ yɛ, Zudaa minin lɛn nə dɔ walan ǹ nə́ n yɔrɔ dia ǹ zɔ́ɔ lɛn la. Sɛnɛ, ǹ yii n bccccgeren dininsɔɔ̃nɔn a tán. Min kɔn din yii goã koo wa!

Loen 76:10

Bɛ̀ n yoo kiri kurii li, n nə́ die kanaa lɛ a nɔmaa-wɔlen kirisibiɛ, nyɛ́ɛ n tán minin kuĩ, ǹ golee ka kiĩni. Doa

Loen 90:10

Wɔa belebɔ kanaa n lɛ̀ pɔsɔbaa. Bɛ̀ min mɛn a bɔ ǹ gɔn tá siĩni, lɛ̀ pɔkiwisi. Sɛnɛ, a din-dɛdɛ a màn kɔn lɛa wa, yǎa nɔmaa laanka fuu dinsɔɔ̃. Minbuiin nɛ á papaɛ̃ fufuu, boɛɛn nɛ, a n woe.

Loen 91:6

Piɛ̃ busu ke n bibiĩ wɔlɔ tì li, bɔ̀n da ǹ sii mɛn bɛ́ basaã koe penleen tiɛɛ̃n nɛ, n ba re nyɛ́ɛ biɛ bɛ kɔn nɛ wa.

Bɔ bɛ̀rɛbaa nɛ 12:23

Dɛnaa á re boe Ezipti gána gɔ́ɔ̃ nɛ, a dɔlɔ bɔ a ganaa, á re mà lɛ yii kaa kiɛnlɛ-a ǹ gɔnɔn ganaa, a lon laanka a wàã li ǹ wɔn nɛ. Bɛ lɛ a lɛa, Dɛnaa á re kiɛ̃ kiɛnlɛ lɛ lɛ-a, a re toɛ bɔ̀n-dali lɛ wɔ kaa kionən ne, a bɔ̀n da wa.

Bɔ bɛ̀rɛbaa nɛ 9:15

Bɛ̀ man má toa ma gɔn yoo, bɛ̀ má n dɛ ka piɛ̃ busu baraa kɛ nɛ, n din ni ka n gána minin ni, bɛ̀ ka a kanaa doo wa.

Bɔ bɛ̀rɛbaa nɛ 9:16

Sɛnɛ, n toa walan mìi á ke: Man pàã nyaa n nɛ, màn mɛn bɛ́ toɛ, ǹ ma tɔ laakalaa kanaa paǹ tumaa nɛ.

Izayii 10:33

Á ke, Dɛnaa Lawa Pàãyiidɛnaa n da gùrùn yiyiɛ ka pàã nɛ, a n da lɛwɔnɔn yiyiɛ, a n da sɔsɔrɔn woɛ̃ ǹ naɛ tán.

Izayii 17:14

Wasamiɛ̃nɛ, nyɛ́ɛ gole ne. Lɛ̀ laan bɛ̀ a n wɛɛ, ǹ tumaa papaã. Min mɛnɛn bɛ́ mɛnɛɛ wɔ la, bɛn wɔ gii n ka bɛ nɛ, min mɛnɛn bɛ́ boe wɔ yii ni, bɛ lɛ n die ǹ yii.

Izayii 37:36

Dɛnaa Lawa a lon a dia dí-a wole soo, á min duu paabiɛ ka pɔkiwisi ka sooro (185 000) dɛ Asiirii minin giã ǹ bǎã nɛ. A lɛawaa baayɛlɛ, sɔraasin lɛn nə́ yoo. Á ke, bɛ̀ geren nə́ ke tán bǎã yii ni.

Ozee 1:7

Sɛnɛ, Zudaa minin kɛn, ma á re makara boe bɛn ganaa. Ma din Dɛnaa Lawa nə ǹ Lawa lɛa, ma din nə die ǹ kirisibiɛ. Sɛnɛ, ma bie re ǹ kirisibiɛ ka sa-n wa, gɔya sa bie wa, zia bie wa, sùin bie wa, sùi da-baalin bie wa.»

Nya ǹ dín 12:23

Sɛnɛ, a din bǎã-n gɔrɔ, Dɛnaa a lon a dia dí-a wole Erɔdi dɛ á duwəə tán, nyuunun nə́ kaa-n gɔrɔ ǹ nə́ soɛ̃. Erɔdi gã bɛa gòã lɛ ganaa, a giala a gugurubaa kɔ Lawa la wa.