Kiin2 18:7 - LAWA A BOO SONBORE

⁷ Dɛnaa Lawa goã kun ni, bɛ̀ á sii woo sii zɛnaa bɛ n bǐɛ̃ koe. Á n gòãn dii Asiirii gána a kii ganaa, a goã a pàã giulun doo wa.

LAWA A BOO SONBORE 2011

⁷ Dɛnaa Lawa goã kun ni, bɛ̀ á sii woo sii zɛnaa bɛ n bǐɛ̃ koe. Á n gòãn dii Asiirii gána a kii ganaa, a goã a pàã giulun doo wa.

Kiin2 18:7 ပူးပေါင်းရင်းမြစ်များ

Siin Giala 21:22

Bɛa biikoo li, Abimelɛki laanka a sɔraasin goledɛnaa Piikɔlɔ pɛ Abrahamu ni: «Ń bɛ́ sii mɛn tumaa zɛnɛɛ, Lawa tá kunun n ni ka a din tumaa nɛ.

Samayeli2 8:14

Á minin bɔ á ǹ koa Edɔmu. A na á ǹ koa Edɔmu minin lɛn tumaa mìi la, ǹ tumaa nə́ n bɔyaa ǹ nə́ Davida a dí-nyalin baa. Davida goã woe bǎã mɛn tumaa nɛ, Dɛnaa Lawa na á goã gɔ̀lɔ̀baa koe la miɛ̃.

Samayeli2 8:6

Davida minin bɔ á ǹ koa Siirii minin lɛn mìi la Damaasi kiwi. Siirii minin lɛn nə́ nɔmaa ǹ nə́ Davida a dí-nyalin baa, ǹ nə́ goã nyin giɔ̀mɔ sarɛɛ Davida la. Davida goã woe bǎã mɛn tumaa nɛ, Dɛnaa Lawa na á goã gɔ̀lɔ̀baa koe la miɛ̃.

Kiin2 16:7

Ahaazi minin dia woe pii Asiirii gána a kii Tiglati-Falasaara-n kɛnɛn: «Masɛ nə n dí-nyali lɛa, ma nə n nɛ lɛa. Siirii gána a kii laanka Izirayeli gána kii ke, ǹ nə́ yoo masɛ gialaa, da ma si ǹ la.»

Kiin2 17:3

Asiirii gána a kii Salmanazaara woo Ozee gialaa, Ozee ná a wɔ da Salmanazaara wɔ gɔ́ɔ̃ nɛ, á nyin giɔ̀mɔ saraa la.

Kiin2 18:14

Zudaa gána a kii Ezekiasi minin dia woe pii Asiirii gána a kii lɛ nɛ Lakiisi kiwi: «Má sã. N baran zia da ma-a wa, bɛ̀ ń màn mɛn da masɛ mìi ni, ma á golee bɛ li.» Asiirii gána a kii lɛ tɔ́n wɔrɔ kilo duu fù (10 000) laanka sana kilo duu goon (1 000) da Zudaa gána a kii Ezekiasi lɛ mìi ni nyin giɔ̀mɔ lɛa.

Kiin2 18:20

Ma n pii mà lɛ gɔ́ɔ̃ ǹ boo kooro n zia da ǹ yiri laanka zia da ǹ pàã biɛ? Sisia, manə n foo doɛ die ganaa n tá n gòãn dii masɛ ganaa?

KZS2 15:2

Azaria woo kii Azaa li á pɛ nɛ: «Azaa, Zudaa ka Bɛnzamɛn minin, ka tumaa nə n too kɔ ma lon! Dɛnaa Lawa n kun ka nɛ, bɛ̀ ka dɔn tá kun ni. Bɛ̀ ka ga li, á re toɛ ka yɛ. Sɛnɛ, bɛ̀ ka n la bɔ a ganaa, á re n la boe ka-a.

KZS2 31:21

Á dí gigiã nya Dɛnaa Lawa a kion kɛa dín lɛa ka dí-pɛn laanka gɔn waa ǹ boon kɛn kɔ ma lɛ a lɛa. A bɛ́ á zɛnaa miɛ̃, á ga Dɛnaa Lawa li ka a foo tumaa nɛ, a sii tumaa yɔrɔ yɛ.

KZS2 32:30

Ezekiasi din dɔ na á Giɔn mu pìã kɛ lɛ tã a na a mu dia tán giulun lɛ̀ nyɛɛn gɔn la "Davida a kiwi". Ezekiasi sii mɛn tumaa lɛ bɔ, a yii bǐɛ̃ kɔ.

Loen 1:3

A n ka da mɛn bɛ́ ǹ nə́ zumu tà lɛ-a, a na a nɛ koe a biikoo li, a luu a bɛbɛnɛ wa. Bɛa dɛnaa kɛ bɛ́ sii mɛn tumaa zɛnɛɛ, a n bǐɛ̃ koe.

Loen 46:11

Lawa tɔ́n pɛ: Ka a lɛ da dɛ! Ka dɔ̃ mà ma din nə Lawa lɛa! Má gɔ̀lɔ̀baa yɛ gánan la, má gɔ̀lɔ̀baa yɛ tɔrɔn la.

Loen 60:12

bɛ̀ n din Lawa bie wa? Sɛnɛ, ń wɔ daa, n ba wɔa zia-baalin diɛ zii doo wa.

Izayii 33:6

A n die goɛ̃ ǹ yii-nyɛɛ lɛa yǎa duduu. A din ni minin kirisibiɛ, a n yiridɛnaa lɛa, a n sii tumaa doɛ̃. Nyɛ́ɛ baa Dɛnaa Lawa yii-n nə naforo lɛa.

Izayii 36:5

Ma n taasɛ mà boo kooro laanka foo tãbaa á boe la a ziabaa ǹ yiri bǎã saa? N foo n doa-n die ganaa kəni, n tá n gòãn dii masɛ ganaa?

Matiə 1:23

«Nɛnɛn mɛn bɛ́ a tɔn giĩ dɔ̃ wa, á re nɛgiĩ yii, ǹ tá re a tɔ koe Emanuwɛli, bɛ giala mà "Lawa tá kun wɔ nɛ".»

Matiə 28:20

Ma dí mɛn tumaa pɛ ka nɛ, ka ǹ daraa ǹ ganaa ǹ nə ǹ nya. Ka dɔ̃: Ma á kun ka-n baraabaraa, yǎa kanaa a nya pinaa.»

Rɔmu minin 8:31

Wɔ n die pii mà wàa kəni? Bɛ̀ Lawa tá kun wɔ nɛ, die n die boe wɔ la?

Sii yɔrɔ-bɔlen 1:19

Dɛnaa Lawa goã kun ka Zudaa minin ni, ǹ nə́ kele yii bǎãn lɛn kũ ǹ nə́ baa ǹ wɔ lɛa. Sɛnɛ, ǹ boo la ǹ nə́ nyankɔrɔ basadɛnan kɛn loo wa, a giala, fɔlɔ wotoron man nə́ goã bɛn lon, ǹ nə́ zia biɛ nɛ.

Samayeli1 18:14

A soon lɛn tumaa gɔ́ɔ̃ nɛ, á goã gɔ̀lɔ̀baa yii, a giala Dɛnaa Lawa goã kun ni.

Samayeli1 18:5

Sayulu goã Davida diɛ woe koe bǎãn mɛnɛn tumaa lɛ, á goã gɔ̀lɔ̀baa yii. Sayulu Davida kũ á da a zia-baalin mìi la. Davida a sii goã siĩni zaman lɛ tumaa yii li. Á goã siĩni Sayulu a dí-nyalin dɔn yii li.