Kiin2 18:19 - LAWA A BOO SONBORE

¹⁹ Asiirii minin lɛn sɔraasin goledɛnaa lɛ goon nə́ n toa ǹ ganaa kɛnɛn: – Ka pɛ Ezekiasi ni, mà Asiirii gána a kii, kii gole lɛ mà kɛnɛn: «Maǹ nə́ n gòã koɛ wàa la?

LAWA A BOO SONBORE 2011

¹⁹ Asiirii minin lɛn sɔraasin goledɛnaa lɛ goon nə́ n toa ǹ ganaa kɛnɛn: – Ka pɛ Ezekiasi ni, mà Asiirii gána a kii, kii gole lɛ mà kɛnɛn: «Maǹ nə́ n gòã koɛ wàa la?

Kiin2 18:19 ပူးပေါင်းရင်းမြစ်များ

Kiin2 18:17

Asiirii gána a kii lɛ nə́ n toa Lakiisi kiwi, á sɔraasin goledɛnaa min sɔɔ dia woe Ezekiasi gialaa Zeruzalɛmu kiwi. Sɔraasi gigiã goã kunun ǹ ni. Ǹ nə́ woo ǹ nə́ dɔ Zeruzalɛmu. Ǹ bɛ́ ǹ nə́ woo ǹ nə́ dɔ, ǹ nə́ n doa bii-a kunu mu dɔn kaaraa kɛa mu a baa si ǹ zii la, gàra-wɔlen wuru zii la.

Kiin2 18:22

Ka tá re pii ma-n mà Dɛnaa Lawa lɛ, kaa Lawa lɛa, mà kasɛn manə n foo doɛ bɛ lɛ ganaa! Sɛnɛ táa a din lɛ nɛ Ezekiasi ná a wúlu bɔ ǹ bǎãn papaã, bɛ̀ á n pii Zudaa minin laanka Izirayeli minin ni: «Ka n die kiɛ tán *wúlu bɔ ǹ bǎã kɛ lɛ yɔrɔ-a Zeruzalɛmu.»

Kiin2 18:5

Ezekiasi nə́ n foo doa Izirayeli a Lawa, Dɛnaa Lawa lɛ ganaa. Kii Ezekiasi kio, Zudaa gána a kiin lɛn tumaa bii, kii yɛ ka a bɛ́ lɔn wa. KIIN mɛnɛn dɔn nə goã ǹ nə́ daa a nyɛɛnɛ, ǹ miã goã bɛn dɔn bii wa.

Kiin2 19:10

Asiirii gána a kii lɛ tɔ́n wusoo doo á minin dia Ezekiasi li, á pɛ ǹ nɛ, mà ǹ pɛ Zudaa gána a kii Ezekiasi n kɛnɛn: «N Lawa mɛn bɛ́ n tá n foo doɛ a ganaa, bɛ baran toa a n yiri sã n pɛ mà Zeruzalɛmu ba re n we Asiirii gána a kii gɔn wa.»

Loen 4:2

Ee Lawa, n din mɛn bɛ́ sii doɛ̃ ma la. Bɛ̀ ma á n bíi we, n ma lɛ si. Má goã fuu-n lɛlɛ, n din piɛ̃ kaa ma-a. Makara bɔ ma-a doo, n maa nyankɔ si.

Izayii 36:4

Asiiriin sɔraasin goledɛnaa lɛ pɛ ǹ nɛ: – Ka wo kii gole Asiiriin kii a boo kɛ pɛ Ezekiasi ni: «N foo n doa-n wàa ganaa?

Izayii 36:6

Á ke, ma nə n foo doɛ Ezipti ganaa, bɛa làpaa yɔyɔrɛɛ ke, min gɔn foɛ̃ bɛ̀ n nə́ n gɔn da a ganaa. Die nə n foo doɛ bɛ ganaa. *Faarahɔn, Eziptin kii lɛ n ka làpaa yɔyɔrɛɛ bɛ́ lɔn a foo doama-a wolen tumaa gɔn, foo na a ba n doɛ a ganaa wa.

Izayii 36:7

Kɔntan, n tá re ma lɛ sii n pɛ mà ka foo n doa-n Dɛnaa Lawa, kaa Lawa ganaa. A da yaa dɔn n din Ezekiasi-n n ná a guguru kɔ ǹ bǎã laanka a wúlu bɔ ǹ bǎãn ziziɛ̃. Ń pɛ Zudaa laanka Zeruzalɛmu minin manɛ, mà ǹ Dɛnaa Lawa guguru kɔ Zeruzalɛmu a *wúlu bɔ ǹ bǎã kɛ dinsɔɔ̃ nɛ.

Izayii 37:10

Á pɛ ǹ nɛ mà ǹ pɛ Zudaan kii Ezekiasi ni: «N nə n foo doa n Lawa mɛn ganaa bɛ nyan nə n yiri sã a ń pii n ni mà Zeruzalɛmu ba re n we Asiiriin kii gɔn wa.

Izayii 37:13

KIIN kɛn man maa? Amaati wɔ nɛ, Arpaadi wɔ nɛ, Layiiri wɔ nɛ, Sefaravayimu kiwi wɔ nɛ Enaa wɔ nɛ ka Iva wɔ nɛ.»