Kiin2 17:35 - LAWA A BOO SONBORE

³⁵ Dɛnaa Lawa na á goã á lɛ kɔ kɔn la wɔ ǹ nɛ, á n gɔn waa ǹ nɛ kɛnɛn: «Ka baran lawa kɔsɔn guguru kɔ wa, ka baran dí nya ǹ nɛ wa, ka baran wúlu mànan kɔ ǹ la wa.

LAWA A BOO SONBORE 2011

³⁵ Dɛnaa Lawa na á goã á lɛ kɔ kɔn la wɔ ǹ nɛ, á n gɔn waa ǹ nɛ kɛnɛn: «Ka baran lawa kɔsɔn guguru kɔ wa, ka baran dí nya ǹ nɛ wa, ka baran wúlu mànan kɔ ǹ la wa.

Kiin2 17:35 ပူးပေါင်းရင်းမြစ်များ

Kiin2 17:15

Ǹ ná a landa boon lɛn toa walan ka lɛ kɔ kɔn la boon kɛn dɔ nɛ, á doa kɔn ka ǹ digolon ne. A ǹ yiri gisĩ ka siin mɛnɛn nɛ, ǹ zɛnaa boo n kaka a gɔn, ǹ nə́ bɛn dɔn toa walan. Maǹ nə́ baa si màn kokooron kio, á ke ǹ dɔn nə́ màn kooron baa. Gánan mɛnɛn nə ǹ lɛnpɛnɛ, maǹ nə́ bɛn sii zɛnaa ǹ gɔn saa, a da yaa, Dɛnaa Lawa goã á n gɔn waa ǹ nɛ mà ǹ baran bɛa gánan lɛn gòɛ̃ saa wa.

Bɔ bɛ̀rɛbaa nɛ 20:3

- N baran Lawa kɔsɔ guguru kɔ masɛ kio wa.

Zeremii 10:5

Bɛa dìn lɛn man ka nyɛ́ɛ da ǹ mànan bɛ́ lɔn, gì wuru-n. Ǹ ba boo diɛ doɛ̃ wa, maǹ nə ǹ guĩ, a giala, ǹ ba boe tɔ we la wa. Ka nyan nyɛ́ɛ baa ǹ nɛ wa. Ǹ ba boe baraa zɛnaa la wa, ǹ ba boe bǐɛ̃ dɔ din la ǹ zɛnaa wa.»

Zeremii 25:6

Ka nyan kɔ dìn lɛ ka ǹ guguru kɔ, ka n musin doa tán-a ǹ yɔrɔ-a wa. Ka nyan ma foo yoo ka dì nyín zɛnaa-n wa. Bɛa yɔrɔ lɛ la, ma a re baraa kɔn zɛnɛɛ ka-n wa.

Timəə dí-pɛn 5:2

Wɔa Lawa, Dɛnaa Lawa lɛ lɛ kɔ kɔn la wɔ wɔ nɛ, Orɛbu kele la.

Timəə dí-pɛn 5:9

Ka baran n kuməə bɛa lawan kɛn lɛn yɔrɔ-a, ka ǹ guguru kɔ wa. A giala, masɛ din Dɛnaa Lawa n kaa Lawa lɛa. Maa lɛ koe ka lawa kɔsɔ guguru kɔ wa. Bɛ̀ min sii la masɛ la, ma á dɔlɔ boe a nɛnyaanan ganaa, a nɔ̀ɔnɔn nɛ, yǎa a woe doe a nɔ̀ɔ fulupaa ganaa.

Timəə dí-pɛn 6:14

Tɔrɔ kɔsɔn mɛnɛn bɛ́ ka lɛnpɛnɛ, ka nyan toa ka bɛn dìn guguru kɔ wa.

Zozoe 23:16

Dɛnaa Lawa lɛ, kaa Lawa lɛa, bɛ lɛ kɔ kɔn la boo mɛn da ka nɛ, bɛ̀ ka bɛ toa walan, ka kiɛ̃ ka woo kaa tán dìn giulun ka bɛn guguru kɔ, Dɛnaa Lawa foo á re yui ka li. A gána sonbore mɛn lɛ kɔ ka la, á re ka dii bǎã goon a ka bɔ a nɛ.»

Zozoe 23:7

Tɔrɔn mɛnɛn bɛ́ tɔn giã nɛ ka li ke, ka nyan toa ka n lɔlɔkɔn ka bɛn nɛ wa. Ka nyan toa ka bɛn dìn kɛn tɔ bíi wa, ka baran n liɛ ka ǹ tɔ-n wa, ka baran kaa tán ǹ giulun ka ǹ gugurukɔ wa.

Sii yɔrɔ-bɔlen 6:10

Má pɛ ka nɛ: «Ma din Dɛnaa Lawa lɛ n kaa Lawa lɛa. Ka bɛ́ Amɔɔrɔ tɔrɔn mɛnɛn gána nɛ, ka baran nyɛ́ɛ baa bɛn lawan kɛn man wa.» Sɛnɛ, ka n too kɔ masɛ a boo li wa.