Kiin2 17:15 - LAWA A BOO SONBORE

¹⁵ Ǹ ná a landa boon lɛn toa walan ka lɛ kɔ kɔn la boon kɛn dɔ nɛ, á doa kɔn ka ǹ digolon ne. A ǹ yiri gisĩ ka siin mɛnɛn nɛ, ǹ zɛnaa boo n kaka a gɔn, ǹ nə́ bɛn dɔn toa walan. Maǹ nə́ baa si màn kokooron kio, á ke ǹ dɔn nə́ màn kooron baa. Gánan mɛnɛn nə ǹ lɛnpɛnɛ, maǹ nə́ bɛn sii zɛnaa ǹ gɔn saa, a da yaa, Dɛnaa Lawa goã á n gɔn waa ǹ nɛ mà ǹ baran bɛa gánan lɛn gòɛ̃ saa wa.

LAWA A BOO SONBORE 2011

¹⁵ Ǹ ná a landa boon lɛn toa walan ka lɛ kɔ kɔn la boon kɛn dɔ nɛ, á doa kɔn ka ǹ digolon ne. A ǹ yiri gisĩ ka siin mɛnɛn nɛ, ǹ zɛnaa boo n kaka a gɔn, ǹ nə́ bɛn dɔn toa walan. Maǹ nə́ baa si màn kokooron kio, á ke ǹ dɔn nə́ màn kooron baa. Gánan mɛnɛn nə ǹ lɛnpɛnɛ, maǹ nə́ bɛn sii zɛnaa ǹ gɔn saa, a da yaa, Dɛnaa Lawa goã á n gɔn waa ǹ nɛ mà ǹ baran bɛa gánan lɛn gòɛ̃ saa wa.

Kiin2 17:15 ပူးပေါင်းရင်းမြစ်များ

Kiin1 11:11

Dɛnaa Lawa tɔ́n pɛ Salomɔn nɛ: «N bɛ́ n nə́ n tɔ wɔ ǹ gɔn baa kɛnɛn, man gɔn waa n nɛ ka lɛ kɔ kɔn la ǹ boon mɛnɛn laanka landa boon mɛnɛn nɛ, n bɛ́ n bɛn tamaa wa, man die n kiibaa lɛ sii n la ma kɔ n dí-nyalin lɛn goon la.

Kiin1 16:13

Bayesaa laanka a nɛgiĩ Elaa na á wɔ Izirayeli a Lawa, Dɛnaa Lawa lon, ka ǹ dì guguru kɔ laanka ǹ Izirayeli minin kaa sii baraa zɛnaa-n kɛ nɛ.

Kiin2 17:8

Dɛnaa Lawa goã á gánan mɛnɛn loo á ǹ bɔ ǹ bǎã nɛ Izirayeli minin lɛn nyɛɛnɛ, bɛn nə goã landa siin mɛnɛn zɛnɛɛ Izirayeli minin lɛn dɔn nə́ goã bɛn zɛnɛɛ. Izirayeli gána a kiin nə goã ǹ nə́ soo ka landa siin mɛnɛn nɛ, Izirayeli minin lɛn nə́ goã bɛn dɔn zɛnɛɛ.

KZS2 24:19

Bɛ kio, Dɛnaa Lawa na a boo gii-dalin dia mà ǹ da boo da ǹ nɛ ǹ wusoo ǹ da asɛ li, sɛnɛ, min kɔn ba n too koe ǹ lon wa.

KZS2 33:2

Sii mɛn bɛ́ baraa Dɛnaa Lawa yii li, á bɛ zɛnaa. Dɛnaa Lawa goã á tɔrɔn mɛnɛn lɛn loo á ǹ bɔ Izirayeli nɛnyaanan nyɛɛnɛ, ǹ nə́ giã ǹ bǎã nɛ, Manaasee na á goã koe bɛn sii bɔbɔnɛɛn kɛn lɛ.

KZS2 33:9

Sɛnɛ, Manaasee Zeruzalɛmu minin laanka Zudaa gána minin kaa sii baraa zɛnaa ganaa. Ǹ sii zɛnaa baraa kɔ á la tɔrɔn kɛn wɔn manɛ Dɛnaa Lawa nə ǹ loo á ǹ bǎã kɔ Izirayeli minin la.

Nehemii 9:26

Sɛnɛ, ǹ nə́ n kurəə ǹ nə́ n gòãn dii n ganaa, ǹ nə́ n dí-pɛ lɛ da ǹ gɔn dɔ̀ɔ̃ nɛ. N boo gii-dalin mɛnɛn dɔn nə goã miɛ ǹ ganaa mà ǹ wusoo ǹ da n ganaa, ǹ nə́ bɛn dɛ, ǹ nə́ sã dadaran wɔ.

Loen 115:8

Toa ǹ zɛnaalin lɛn nə n baa ka ǹ bɛ́ lɔn. Min mɛn tumaa bɛ́ n foo doɛ ǹ ganaa, toa ǹ nə́ n baa ka dìn lɛn dinin bɛ́ lɔn.

Loen 78:10

A giala, manə ǹ Lawa a lɛ kɔ kɔn la lɛ tamaa wa, ǹ nə́ n piã ǹ kɔ a landa lɛ wa.

Bɔ bɛ̀rɛbaa nɛ 16:28

Dɛnaa pɛ Muizu ni: «Ka bɛ́ tɔn nə n piɛ̃ ka maa dí-pɛn laanka maa daraan kɛn lɛ sii ni, yǎa biĩ kəni ka tɔ́n masɛ lɛ sii?

Zeremii 10:15

Ǹ ba màn kɔn lɛa wa. Maǹ yaa dinsɔɔ̃ diɛ. Ǹ dɔlɔ pinaa, ǹ tumaa á re papaɛ̃.

Zeremii 10:8

Bɛa minin lɛn tumaa n baãnaan lɛa, yiriwɛɛnaan lɛa, Ǹ dìn lɛn ba boe la ǹ ta ǹ darɛɛ sii kɔn ganaa wa. Maǹ gɔn lɛa.

Zeremii 2:5

Dɛnaa Lawa bɛ́ màn mɛn pii, á ke: Ka digolon tá sã goon yii ǹ ma zɛ̀rɛ baa nɛ? Ǹ nə́ n wɔlɔ lui ma ganaa, ǹ nə́ koe dìn lɛ, ǹ mɛnɛn bɛ́ ǹ ba màn kɔn lɛa wa, ǹ dininmaan dɔn nə́ màn kooron baa.

Zeremii 31:32

Ma lɛ kɔ kɔn la mɛn wɔ ǹ digolon ne bɛ̀ ma bɛ́ má ǹ kũ ǹ gɔn ganaa Ezipti gána nɛ má soo ǹ ne, á re goɛ̃ totoro ka bɛ nɛ. Ǹ nə́ bɛa lɛ kɔ kɔn la lɛ ziziɛ̃. A da yǎa ma din nə ǹ Dɛnaa lɛa. Ma din Dɛnaa Lawa a da ǹ boo ne.»

Zeremii 44:22

Sɛnɛ, Dɛnaa Lawa boo la á kaa giã ǹ gɔn babaraan laanka kaa sii bɔbɔnɛɛn kɛn si a din ganaa wa. Bɛ lɛ nɛ kaa gána lɛ kɛbɔlɔ baa, bǎã bɔbɔnɛɛ lɛa, min goon din ná a ba a-n wa. A n sii a kɔnboe lɛa lɛn baraa bíi a paǹ li ka min tumaa yii bɛa ganaa lɔn pelo.

Zeremii 44:23

Koe na á ka yɛ bɛ lɛ taman yii: Ka n ka da yon gìĩ kɔɔ̃n tã dì soreen wɔ lɛa, ka sii baraa zɛnaa ka wɔ Dɛnaa Lawa lon ne. Ka n too kɔ a lon wa, ka n too kɔ a daraan li wa, a dí-pɛn nɛ ka a doroon ne ka min tumaa yii bɛ́ a ganaa lɔn pelo.»

Zeremii 44:4

A da yaa, biikoo tumaa li, má maa dí-nyalin, Lawa a boo gii-dalin dia ka la. Ǹ nə́ pɛ ka nɛ kɔn kio mà ka sabara baa, mà kaa sii bɔbɔnɛɛn kɛn tìĩ a boe-n ma nɛ, mà ka nyan bɛ zɛnaa wa.

Zeremii 44:8

Ka ǹ ma foo yui ká kaa zɛnaa ǹ siin ni. A giala, ka ǹ da yon gìĩ kɔɔ̃n tiɛ̃ dì soreen manɛ Ezipti gána nɛ. Ka ǹ li ka papaã lenlen ka n bɔ gána lɛ nɛ, ka sii a kɔnboe baa kanaa a gánan tumaa yɔrɔ-a lɛn baraa bíi laanka sìi a paǹ li?

Zeremii 7:26

Sɛnɛ, ka n too kɔ ǹ lon wa, ka n too da wa. Ka mìi n laa nɛ, kaa bɔnɛɛbaa la ka digolon wɔ nɛ.

Zeremii 8:9

Bɛa sii-dɔ̃len lɛn manə n piɛ̃ ka Dɛnaa Lawa a boon ne. Ǹ sii-doɛ̃ lɛ a là n ka wàa-n kəni? Sìi nə́ n kɔ ǹ lɛ, nyɛ́ɛ nə ǹ ganaa, kan nə́ ǹ kũ.

Ezekieli 12:2

«Nsɛ minbuiin a nɛ, n bɛ́ giã-n tɔrɔn mɛnɛn bii, piã-wɔlen manɛ. Yiin tá ǹ lon, sɛnɛ, maǹ nə n piɛ̃, ǹ ba giɛ ǹ nɛ wa. Toon tá ǹ lon, sɛnɛ maǹ nə n piɛ̃, ǹ ba n too koe wa. A giala, piã-wɔle din taãn-taãnɛn manɛ.

Ezekieli 2:3

Á tɔ́n pɛ ma-n kɛnɛn: – Nsɛ minbuiin a nɛ, man die n diɛ Izirayeli minin kɛn li, bɛa piã-wɔlen kɛn lɛn ǹ nə́ n gòãn dii masɛ ganaa. Ǹ digolon nə ma bɔlɔ tii lɔn, a din lɛ n ke ǹ dɔn tá la, a da pelo kɛ lɛ yaa.

Lawa a wúlu-bɔlen 26:15

bɛ̀ ka n piã ka masɛ a landa boon kɛn nɛ, bɛ̀ masɛ a sii yɔrɔ bɔ ǹ boon kɛn tìĩ bɔ ka nyin ni, yǎa ka ǹ tii, bɛ̀ ka a masɛ a gɔn waa ǹ boon kɛn tumaa a sii zɛnɛɛ doo wa, ka maa lɛ kɔ kɔn la lɛ ziziɛ̃.

Zonaasi 2:8

Maa fɔfoã bɛ́ re nyɛɛ, ma yiri gisĩ ka n din ni Dɛnaa Lawa, maa nyankɔ dɔ n din li n kion sonbore kɛ nɛ.

Zaã a sɛ́wɔ 2:8

Yezu tɔ́n pɛ ǹ nɛ: «Ka ǹ kɔ́n si ka wo kɔ màn-bii sii yɔrɔ-bɔle lɛ la sisia.» Ǹ nə́ si ǹ nə́ woo kɔ la.

Korɛnti1 8:4

Bɛ lɛ nɛ, nɔ̀n-diɛ bɛ́ màn mɛn ganaa, á ke: Wɔ á boe la wɔ dì wúlu bɔ ǹ siĩ sɔ̃? Wɔ á doɛ̃, wáa dì a màn kɔ́n bǎã siɛ kanaa kɛ-n wa. Wɔ n doɛ̃ dɔn, wáa Lawa goon toto na a tan.

Timəə dí-pɛn 18:10

Min nyan yɛ ka bii, á n wúlu boe ka a nɛgiĩ hinlaa ka a nɛlɔ-n wa. Min nyan yɛ ka bii, a n wɔ-kũlibaa ǹ dí hinlaa boobaa ǹ dí nyɛɛ wa. A nyan yɛ ka bii min lɛa giɛ siin ganaa a ná a giala pii, hinlaa kɔnkoã lɛa wa.

Timəə dí-pɛn 29:24

Minin tá re ǹ lɛ sii ǹ pɛ: «Dɛnaa, ǹ digolon Lawa lɛ bɛ́ á ǹ waa á ǹ bɔ Ezipti gána nɛ ǹ mɛn waáraa, a goã á lɛ kɔ kɔn la mɛn wɔ kɔn ǹ nɛ, maǹ nə́ bɛ lɛ ziziɛ̃. Bɛ lɛ na á toa sii kɛ lɛ nə́ ǹ yɛ.

Timəə dí-pɛn 32:21

Mànan mɛnɛn bɛ́ lawa kooron lɛa, ǹ nə́ ma da kɔn ka bɛn nɛ, ǹ nə́ ma foo yoo ka ǹ màn kokooron kɛn nɛ. Á bǐɛ̃ kɔ! Tɔrɔ mɛn bɛ́ a tɔrɔ lɛa wa, ma dɔ n die ǹ dɔn kiɛ kɔn ka bɛ nɛ. Tɔrɔ mɛn nə́ ke baãnaa lɛa, man die ǹ foo yui ka bɛ nɛ.

Timəə dí-pɛn 32:31

A giala, màn mɛn bɛ́ wɔa zɔ́ɔn lɛn tamaɛ, bɛ pàã dɔ wɔsɛn tamaali Lawa kɛ wɔ li wa. Ǹ dininmaan tá bɛ doɛ̃.

Samayeli1 12:21

Ka baran ǹ paǹ kɔ wa. Bɛ̀ bie wa, ka ǹ die koe màn kokooron kio lɛ, mànan mɛnɛn bɛ́ ǹ ba sii kɔn bǐɛ̃ koe wa, ǹ nə́ ǹ ba min dɔ boe sii-n wa. A giala, maǹ màn kooroon lɛa.