Kiin2 12:4 - LAWA A BOO SONBORE

⁴ Sɛnɛ, wúlu bɔ ǹ bǎãn kɛn nə papaã wa. Zaman lɛ na á goã tɔn woe wúlu boe wúlu bɔ ǹ bǎãn lɛn la, ǹ nə́ da yon gìĩ kɔɔ̃n dɔ tiɛ̃ ǹ la.

LAWA A BOO SONBORE 2011

⁴ Sɛnɛ, wúlu bɔ ǹ bǎãn kɛn nə papaã wa. Zaman lɛ na á goã tɔn woe wúlu boe wúlu bɔ ǹ bǎãn lɛn la, ǹ nə́ da yon gìĩ kɔɔ̃n dɔ tiɛ̃ ǹ la.

Kiin2 12:4 ပူးပေါင်းရင်းမြစ်များ

Kiin1 3:2

Zaman lɛ na á goã wúlu boe wúlu bɔ ǹ bǎãn dininsɔɔ̃nɔn nɛ, a giala, bɛa biikoo lɛ li, bɛ̀ ǹ tɔn Lawa tɔ kion dɔ bɔrɔ wa.

Kiin1 3:3

Salomɔn goã Dɛnaa Lawa narɛ. Bɛ lɛ na á toa, ǹ di Davida landa boon mɛnɛn pɛ nɛ, á goã koe bɛn lɛ. Sɛnɛ, a dɔ na á goã tɔn wúlu boe, tɔn da yon gìĩ kɔɔ̃n tiɛ̃ bɛa wúlu bɔ ǹ bǎãn lɛn dininsɔɔ̃nɔn nɛ.

Kiin1 7:1

Salomɔn lɛ̀ fulusɔɔ bɔ a dinmaa dɔ a kion doe la, á tɔ́n na a yii dɔ á nya.

Kiin2 12:18

Bɛa biikoo lɛ li, Siirii gána a kii Azayeli daa zia da Gaati kiwi ganaa á si á nɔmɔ a ganaa. Bɛ kio, Azayeli zia lɛ bɔ, die woe diɛ Zeruzalɛmu kiwi ganaa.

Kiin2 12:5

Zoasi pɛ Lawa a wúlu-bɔlen lɛn manɛ: «Wɔrɔ mɛn tumaa bɛ́ ǹ nə́ boe kiɛ a gɔrɔn, ǹ nə́ die ne Dɛnaa Lawa a kion: wɔrɔ mɛn bɛ́ didie n sarɛɛ wusuru laanka minin nimi ǹ giɔ̀mɔ lɛa, wɔrɔ mɛn din tumaa bɛ́ didie bɔ a foo ganaa á daa-n Lawa a kion lɛ nɛ,»

Kiin2 14:4

Sɛnɛ wúlu bɔ ǹ bǎãn nə papaã wa, zaman lɛ na á goã tɔn woe wúlu boe, bɛa wúlu bɔ ǹ bǎãn lɛn la, ǹ da yon gìĩ kɔɔ̃n tã ǹ la.

Kiin2 15:4

Sɛnɛ wúlu bɔ ǹ bǎãn nə papaã wa, zaman lɛ na á goã tɔn woe wúlu boe wúlu bɔ ǹ bǎãn la, ǹ da yon gìĩ kɔɔ̃n tã ǹ la.

Kiin2 16:4

Á goã wúlu boe bɛ̀ a màn giĩ kɔɔ̃n tã, wúlu bɔ ǹ bǎãn la, tentenen la nɛ, dan mɛnɛn tumaa luu bɛ́ buruu ka bɛn giulun ni.

Kiin2 17:11

Walan, bɛa wúlu bɔ ǹ bǎãn kɛn lɛn tumaa la, ǹ nə́ da yon gìĩ kɔɔ̃n tã ka gánan kɛn wɔ bɛ́ lɔn Dɛnaa Lawa goã á ǹ loo á ǹ bɔ ǹ bǎã nɛ Izirayeli minin lɛn nyɛɛnɛ. Siin mɛnɛn bɛ́ ǹ ba siĩn wa, ǹ nə́ bɛn zɛnaa yǎa ǹ nə́ wɔ Dɛnaa Lawa lon.

Kiin2 22:4

«Wo Lawa a wúlu-bɔlen kiã Ilkia li, màn mɛn bɛ́ toɛ, ǹ da ka wɔrɔ mɛn nɛ Lawa a kion, kiɛnlɛ-lɛduə̃lin nə́ si zaman lɛ la, Ilkia bɛ nimi a na a lɛ yɛ.

KZS1 18:11

Bɛa mànan kɛn lɛn dɔn, kii Davida nə́ ǹ kɔ Dɛnaa Lawa la kũ ka wɔrɔ laanka sana mɛn bɛ á ǹ si tɔrɔ kɔsɔn la: Edɔmu minin ni, Moabu minin ni, Amɔn tɔrɔn nɛ, Filisiti minin ni ka Amalɛki minin ni.

KZS2 15:18

Ǹ di laanka a din nə wúlu mànan mɛnɛn kɔ Lawa la, a wɔ lɛa, wɔrɔ lɛa, sana lɛa, ka màn tɔrɔ kɔsɔn nɛ, Azaa bɛn goa á daa ǹ kaa Lawa a kion.

KZS2 31:12

ǹ nə́ daa ka mangɔ mànan kɛn nɛ ka bɔlɔgoondɛnaabaa nɛ, mànan fùbaa ǹ wɔn nɛ kɔnlɛ ka màn kɔsɔn kɛn nɛ Dɛnaa Lawa wɔ lɛa. Levii tɔrɔ Konania n bɛa mànan lɛn tumaa mìi la, ǹ dɔɔ̃n Simeyii nə n ti a ganaa.

KZS2 35:2

Zoziasi wusoo á Lawa a wúlu-bɔlen kaa ǹ bǎã nɛ, á ǹ foo taã maǹ boo la ǹ dí nya Lawa a kion lɛ nɛ.

Ɛsidrasi 1:6

Ǹ miãkɛnɛn tumaa goã ǹ nə́ n dɔ ǹ lɛ taãn-taãnɛ. Ǹ nə́ sana mànan laanka wɔrɔ mànan kɔ ǹ la, ǹ nə́ gɔn mànan laanka tɔɔn kɔ ǹ la, bǐɛ̃baa ǹ màn sonboren ne, ǹ màn mɛn din tumaa bɔ ǹ foo-a ǹ nə́ kɔ ǹ la, bɛ ná a ba a-n wa.

Ɛsidrasi 2:69

Ǹ bɛ́ màn mɛn koe dí lɛ a nya ǹ wɔ lɛa, ǹ dɔn nə́ sana kilo biɛsooro (500) kaa bɛ li, ka wɔrɔ kilo duu paa ka biɛsooro (2 500) ni, ka Lawa a wúlu-bɔlen mɔnaa paabiɛ nɛ, maǹ nə́ kɔ á kɔnpɛ ka ǹ pàã nɛ.

Ɛsidrasi 7:16

Ka bɛ dɔ nɛ, n bɛ́ re wɔrɔ mɛn tumaa laanka sana mɛn yii Baabilonii gána kuturu lɛ nɛ, wo bɛ dɔ kɔ la, kɔnlɛ ka mànan kɛn nɛ, zaman lɛ laanka Lawa a wúlu-bɔlen lɛn nə́ die boe ǹ foo-a ǹ kɔ, ǹ Lawa a kion lɛ wɔ lɛa Zeruzalɛmu.

Bɔ bɛ̀rɛbaa nɛ 35:22

Giĩn nə́ daa, lɔn dɔn nə́ daa ka foo kɔɔ̃n nɛ, ǹ nə́ sana màn tɔrɔ tumaa bɔ, ǹ nə́ kɔ Dɛnaa la, á kɔnpɛ ka sii lɛ a zɛnaa ǹ gɔn nɛ. Ǹ mànan mɛnɛn bɔ: nyin ni ǹ mànan manɛ, ka too ne ǹ wɔn nɛ, ka gòon ganaa ǹ kaaranan nɛ, ka bɔlɔ-a ǹ mànan nɛ.

Bɔ bɛ̀rɛbaa nɛ 35:29

Giĩn ni ka lɔn nɛ, Izirayeli minin mɛnɛn foo bɛ́ kɔɔ̃n ka mànan kɛn kɔ nɛ, dí lɛ a nya ǹ mànan lɛa, Dɛnaa nə́ ǹ pɛ Muizu ni, bɛn man nə́ goã die mànan koe Dɛnaa la ka nyɛnyɛɛ nɛ.

Bɔ bɛ̀rɛbaa nɛ 35:5

«Ka màn bɔ ka gɔn màn nɛ, ka kɔ Dɛnaa la. Ka bɛ zɛnaa ka dinin bii, ka bɛa màn lɛ bɔ ka foo kɔɔ̃n nɛ, ka kɔ Dɛnaa la: ta sana nɛ, ka wɔrɔ nɛ, ka zan tã nɛ.

Bɔ bɛ̀rɛbaa nɛ 36:3

Izirayeli nɛnyaanan nə mànan mɛnɛn bɔ, Kion sonbore lɛ a dín kɛn nyɛɛ a lɛa, ǹ nə́ bɛn tumaa si Muizu li. Sɛnɛ, minin man tɔn die baraabaraa, mànan koe ka foo kɔɔ̃n nɛ.

Lawa a wúlu-bɔlen 27:31

Bɛ̀ min ná a màn a fùbaa ǹ wɔ bɔ, mà a n die koe Lawa la, bɛ̀ ǹ dɛnaa din tá li a ǹ kɔn mìi bɔ, yǎa a na a màn lɛ a talakɔn sooro goon tii a ganaa.

Luku 21:4

A giala, minin kɛn lɛn man nə́ màn bɔ ǹ gɔn màn gigiã kɛ nɛ, ǹ nə́ kaa goo lɛ nɛ. Sɛnɛ, lɔ kɛ sɛ na a ná a doobaabaa ǹ wɔ din tumaa saa, á da a nɛ, a bɛ́ n din toe ka màn mɛn nɛ ke lɛn.»