Kiin1 9:8 - LAWA A BOO SONBORE

⁸ Lawa a kion kɛ laanka a siĩnbaa kɛ nɛ, á re kɛbɔlɔ biɛ, min woo min tá re kiɛ̃ a li, ǹ dɛnaa tá re n kaãbiɛ, a n mìi papasa a n toa: «Wàa na á toa Dɛnaa Lawa gána kɛ laanka Lawa a kion kɛ baa kɛnɛn?»

LAWA A BOO SONBORE 2011

⁸ Lawa a kion kɛ laanka a siĩnbaa kɛ nɛ, á re kɛbɔlɔ biɛ, min woo min tá re kiɛ̃ a li, ǹ dɛnaa tá re n kaãbiɛ, a n mìi papasa a n toa: «Wàa na á toa Dɛnaa Lawa gána kɛ laanka Lawa a kion kɛ baa kɛnɛn?»

Kiin1 9:8 ပူးပေါင်းရင်းမြစ်များ

Kiin2 22:17

Ka bɛ́ ka ma toa walan, ka da yon gìĩ kɔɔ̃n tã guguru kɔ ǹ mànan kɔsɔn manɛ, ka ma foo yoo ka kaa nya ǹ dín ni, bɛ lɛ nɛ ma foo yoo bǎã kɛ lɛ li, ma foo lɛ ná a die wɛɛ wa.

Kiin2 25:9

Á tɛ da Lawa a kion kɛ laanka kii a kion ganaa, ka Zeruzalɛmu kiwi a kionən tumaa nɛ. Á tɛ da min dadaran kionən tumaa ganaa.

KZS2 29:8

Bɛ lɛn nɛ Dɛnaa foo yoo Zeruzalɛmu kiwi li ka Zudaa gána tumaa nɛ. Á ǹ baa nyɛ́ɛ da ǹ sii a kɔnboe lɛa, foo saa ǹ màn lɛa, foo ziziɛ̃ ǹ màn lɛa ká yii bɛ́ a ganaa lɔn pelo.

KZS2 36:19

Baabilonii minin nə́ tɛ da Lawa a kion lɛ ganaa, ǹ nə́ Zeruzalɛmu a kungɔn wuru, ǹ nə́ tɛ kaa kii kionən lɛn tumaa ganaa kɔnlɛ kaa màn giɔ̀mɔ kakaa din tumaa nɛ.

KZS2 7:21

Lawa a kion kɛ laanka a siĩnbaa kɛ nɛ, á re kɛ bɔlɔ biɛ, min woo min tá re kiɛ̃ a li, ǹ dɛnaa tá re n kaãbiɛ, a n mìi papasa, a n toa: «Wàa na á toa Dɛnaa Lawa gána kɛ laanka Lawa a kion kɛ baa kɛnɛn?»

Izayii 64:11

Dɛnaa Lawa, koen kɛn ba n yii li ǹ sii lɛa wa? Ma n die n lɛ tiɛ̃ n wɔ yii puusə kɔ a la yii ni?

Zeremii 16:10

Bɛ̀ n boon kɛn tumaa da zaman lɛ nɛ ǹ mɛn waáraa, kɔntan min tá re nɔ̀n diɛ n la a pɛ: «Wàa na á baa Dɛnaa Lawa koe kɛ miã da wɔ mìi ni? Wɔ n wɔ sii baraa zɛnaa? Wɔa sã n ka wàa nɛ Dɛnaa Lawa, wɔa Lawa ganaa?»

Zeremii 18:16

Maa zaman ná a gána lɛ bɔyaa á baa kɛbɔlɔ lɛa, yaa da ǹ màn lɛa yǎa duduu. Kiɛ̃ wolen yiri nə́ n lɔlɔkɔn. Maǹ nə n mìi papasɛ.

Zeremii 19:8

Man die Zeruzalɛmu biɛ nyɛ́ɛ da ǹ kiwi lɛa, yaa da ǹ màn lɛa. A ziziɛ̃ a la yii-n kɛ á die tɔwaa biɛ kiɛ̃ wolen tumaa ganaa.

Zeremii 22:28

Minin man nɔ̀n diɛ: «Konia lɛ na á n baa ka dɔn kɔrɔ bɛ́ lɔn, a na a màn kɔn bǐɛ̃ koe doo wa? Wàa na á baa, ǹ bɛ́ ǹ ba gána mɛn doɛ̃ wa ǹ nə́ a laanka a nɛnyaanan loo ǹ nə́ ǹ kaa walan?»

Zeremii 25:9

man die gɔsɛ a lɛ̀gɔn la tɔrɔn kɛn tumaa bíi, ma maa dí-nyali Baabiloniin kii Nebukadenezɔɔrɔ bíi. Ma ǹ die yui gána kɛ gialaa, a zaman nɛ, ka ǹ miãkɛnɛn nɛ. Man die ǹ tumaa ziziɛ̃. Man die gána kɛ biɛ bǎã bɔbɔnɛɛ lɛa, kɛbɔlɔ lɛa biikoo yii li. Minin tá re foo ziziɛ̃ ǹ lɛ-dɛ we a ganaa. Masɛ Dɛnaa Lawa a da ǹ boo ne.

Zeremii 44:8

Ka ǹ ma foo yui ká kaa zɛnaa ǹ siin ni. A giala, ka ǹ da yon gìĩ kɔɔ̃n tiɛ̃ dì soreen manɛ Ezipti gána nɛ. Ka ǹ li ka papaã lenlen ka n bɔ gána lɛ nɛ, ka sii a kɔnboe baa kanaa a gánan tumaa yɔrɔ-a lɛn baraa bíi laanka sìi a paǹ li?

Zeremii 49:17

Edɔmu á re kɛbɔlɔ biɛ. Min mɛn tumaa bɛ́ kiɛ̃ kunu a li, ǹ yiri á re n lɔlɔkɔn. Ǹ tá re n lɛ dii basaã kɛ tumaa taman yii.

Zeremii 5:19

Bɛ̀ minin tá nɔ̀n diɛ mà wàa na á baa Dɛnaa Lawa, wɔa Lawa kɛ tumaa zɛnaa wɔ nɛ, nsɛ Zeremii, n tá re ǹ lɛ sii n pɛ ǹ nɛ kɛnɛn: «Ka ǹ ka n la bɔ a ganaa, ka dí nya lawa kɔsɔn manɛ kaa gána nɛ. Ka bɛa yɔrɔ lɛ nɛ, ka ǹ die dí nyɛɛ tiin manɛ gána nɛ a ná a bie kaa gána lɛa wa.»

Zeremii 50:13

Dɛnaa Lawa a foo-yoo gole kɛ taman yii, kaa gána lɛ n goɛ̃ minbuiin nɛ baã. Kɛbɔlɔ nɛ. Min mɛn tumaa bɛ́ kiɛ̃ kunu Baabilonii li, ǹ tumaa yiri a die n lɔlɛkɔn. Ǹ tá re n lɛ dii basaã kɛ tumaa taman yii.

Zeremii 52:13

Á tɛ da Lawa a kion ganaa, kii kion ne, kionən tumaa nɛ, ka kiwi lɛ a min yii guguru-an kionən ne.

Busii pɛ 2:15

Zeruzalɛmu, min mɛn tumaa bɛ́ kiɛ̃ kunu n li, manə n gɔn dii a giala mà ń ziziɛ̃. Maǹ lɛ pii pii ǹ nə́ yaa we n ganaa, ǹ nə́ n mìi papasɛ bɛ̀ ǹ tá pii: Kiwi kɛ lɛ nɛ ǹ nə́ goã bíi "Siĩnbaa lɛpiɛ̃" ka "tán tumaa a foo kɔɔ̃nɛ"?

Timəə dí-pɛn 28:37

Dɛnaa Lawa bɛ́ re woe ka nɛ tɔrɔ kɔsɔn mɛnɛn tumaa bii, bɛn tá re n kaãbiɛ kaa sii ganaa, ǹ suusu da ka ganaa, ǹ ka da yaa lɛa.

Timəə dí-pɛn 29:23

Tɔrɔn tumaa n die pii bɛa biikoo li: «Wàa na á baa, Dɛnaa Lawa gána kɛ baa kɛnɛn? Wàa mɛn sii na á da bɛa foo-yoo gole kɛ ganaa?»