Kiin1 9:15 - LAWA A BOO SONBORE

¹⁵ Salomɔn na á pàã dí-nyalin kaa Lawa a kion lɛ a doe ganaa, ka kii kion lɛ nɛ, ka bǎã kɛ nɛ ǹ nə́ bíi Miloo ka Zeruzalɛmu a kungɔn kɛ dɔ nɛ. A na á pàã dí-nyalin kaa Asɔɔrɔ kiwi dɔ a doe ganaa, ka Megidoo kiwi laanka Gezɛɛrɛ kiwi ni.

LAWA A BOO SONBORE 2011

¹⁵ Salomɔn na á pàã dí-nyalin kaa Lawa a kion lɛ a doe ganaa, ka kii kion lɛ nɛ, ka bǎã kɛ nɛ ǹ nə́ bíi Miloo ka Zeruzalɛmu a kungɔn kɛ dɔ nɛ. A na á pàã dí-nyalin kaa Asɔɔrɔ kiwi dɔ a doe ganaa, ka Megidoo kiwi laanka Gezɛɛrɛ kiwi ni.

Kiin1 9:15 ပူးပေါင်းရင်းမြစ်များ

Samayeli2 5:9

Davida giã bɛa duru ǹ bǎã kaka kɛ lɛ nɛ, á bii "Davida a kiwi". Bɛ kio, Davida kionən dɔdɔ á ná a lɛnpɛnɛ nɛ, a saa Miiloo bǎã kɛ ganaa, a wo kiwi lɛ a gɔ́ɔ̃ yaa.

Kiin1 11:27

A gòãn dii kii lɛ ganaa a gɔn kũ bǎã á ke: Bɛa biikoo lɛ li, Salomɔn na á goã bǎã kɛ doe, ǹ nə́ bíi Miloo, á goã ǹ di "Davida a kiwi" lɛ a kungɔn zɛnɛɛ.

Kiin1 12:4

N di guĩ guguru da wɔ mìi ni. N di a minin nɔmaa ǹ dí ke, ka a guĩ guguru kɛ nɛ á da wɔsɛn mìi ni, bɛn goa n bɔ wɔ mìi ni. Bɛa biikoo li wɔ á re dí nyɛɛ n nɛ.

Kiin1 3:1

Salomɔn lɛ kɔ wɔ ka Ezipti gána a kii ni, a ná a nɛlɔ wɔ lɔ lɛa. Ǹ bɛ́ kiwi mɛn bíi mà "Davida a kiwi", Salomɔn nɛlɔ lɛ koa walan, yǎa á ná a din gɔn tɔ kion dɔ á nya, ka Lawa a kion laanka kungɔn kɛ nɛ Zeruzalɛmu kiwi lɛnpɛnɛ.

Kiin1 4:12

Ayiwudu a nɛgiĩ Baanaa na á goã Tanaaki laanka Megidoo mìi la, ka Bɛti-Seyan gána tumaa nɛ, gána lɛ n boe Zarɛtan genli, Zizereyɛli kiwi a gusin a lɛ̀gɔn la, a wo Abeli-Mewolaa kiwi yaa, a kiɛ̃ a woo yǎa a Yokmeyaa kiwi niɛ̃.

Kiin1 5:13

Á boo da dan wɔ gɔn la: A n siɛ Liban da kaka kɛ ganaa a wo *izopi da kɛ yaa boe kungɔnɔn ganaa. Á boo da tɔɔ gòã siinaan wɔ gɔn la, ka bàanan nɛ, ka tɔɔ nɔ̀ giɛɛraa tán wolen laanka zɔ̀n nɛ.

Kiin1 6:38

*Bulu mui ke, lɛ̀ a mui a kiwisibaa ǹ wɔ lɛa, bɛa mui lɛ gɔ́ɔ̃ nɛ, Salomɔn a kiibaa a lɛ̀ fùlugoon baa ǹ wɔ li, kion lɛ a dí yii nya yoreen ne, a yɔrɔ li. Salomɔn na á Lawa a kion lɛ dɔ lɛ̀ sɔbaa gɔ́ɔ̃ nɛ.

Kiin1 9:10

Salomɔn na á Lawa a kion lɛ laanka kii kion lɛ dɔ lɛ̀ fuə gɔ́ɔ̃ nɛ.

Kiin1 9:21

Ǹ yɛ ǹ nɛnyaanan mɛnɛn bɛ́ ǹ nə́ goã gána lɛ nɛ, ǹ kio, Izirayeli minin lɛn nə́ boo la ǹ nə́ ǹ dɛ, ǹ nə́ ǹ nya wa, Salomɔn na á goã bɛn lɛn boe, bɛ̀ a ǹ kaa pàã dí ganaa. Ǹ tá tɔn walan haalɛ pelo.

Kiin1 9:24

*Faarahɔn a nɛlɔ lɛ nə́ n toa "Davida a kiwi" á woo wɔ a kion kɛ nɛ, Salomɔn goã á dɔ, á kɔ la. Bɛ kio ne, Salomɔn tɔ́n bǎã kɛ dɔ, ǹ nə́ bii Miloo.

Kiin2 12:20

Zoasi sii gialakunun mɛnɛn zɛnaa, a màn mɛn yii tumaa zɛnaa, bɛn tá kiɛ̃-n sɛ́wɔ kɛ nɛ boo diɛ Zudaa gána a kiin wɔ gɔn la.

Kiin2 15:29

Izirayeli gána a kii Pekaa a biikoo li, Asiirii gána a kii Teglati-Falasaara daa Iyɔn kiwi kũ á si, ka Abeli-Bɛti-Maakaa kiwi ni ka Yanoa kiwi ni, ka Kedɛsi kiwi ni, ka Asɔɔrɔ kiwi ni, ka Galaati gána nɛ, ka Galilee gána nɛ, ka Nɛfutalii gána tumaa nɛ. Teglati-Falasaara bɛa bǎãn kɛn lɛn minin goa á kiɛ̃ ǹ nɛ Asiirii gána nɛ.

Kiin2 9:27

Zudaa gána a kii Ahaazia bɛ́ á bɛ yɛ, á Bɛti-Gan zii saa á baa si á woo. Sɛnɛ, Zewu ná a kio loo á pɛ mà ǹ na a dɔ dɛ! Ǹ nə́ tɔ́n dɛ a wotoro ne, ǹ nə́ busu da a ganaa, bɛ á zɛnɛɛ, bɛ̀ a n zii la woe Guuru kele la kunu Yiibleyamu kiwi ganaa. Á baa si á woo Megidoo, á gã walan.

KZS1 20:4

Bɛ kio, ziabaa yoo Gezɛɛrɛ, Filisiti minin ganaa. Walan, Usaa min Sibekayii Harafaa tɔrɔ Sipayii dɛ. Bɛ sìi da Filisiti minin ganaa.

KZS2 35:22

Sɛnɛ, Zoziasi yiri nə n bɔyaa wa. Bɛ lɛ nɛ, a n too kɔ Nekoo a boo lɛ-a wa, a da yaa dɔn, boo lɛ n boe Lawa dinmaa li. A ná a kiibaa ǹ mɔnaan sɔlɔ màn mɛn bɛ́ toɛ a nyan dɔ̃ wa, á tɔn woo Megidoo a nyankɔrɔ lɛ kɛ nɛ zia la.

KZS2 8:1

Lɛ̀ fuə gɔ́ɔ̃ nɛ, Salomɔn Lawa a kion dɔ á nya Dɛnaa Lawa wɔ lɛa ka a dinmaa a kii kion ne.

Loen 51:18

N bie giɛ li, mà ma *wúlu màn kɔ n la wa. Haalɛ wúlu màn mɛn bɛ́ ǹ nə́ tã á kukũ lenlen, bɛ kɔn bie n yii kiɛ̃ wa.

Zakarii 12:11

Bɛa waáraa kəni, gɛ̀ zɛnaa gole n die n zɛnɛɛ Zeruzalɛmu, ka Adaadi-Rimɔn wɔ kɛ bɛ́ lɔn Megidoo nyankɔrɔ basa kɛ nɛ.

Zozoe 10:33

Bɛa biikoo li, Gezɛɛrɛn kii Oramu woo mà asɛ nə n doe Lakiisi kiwi minin lɛ. A din laanka a zaman nɛ, Zozoe nə́ ǹ dɛ, a ǹ goon din yii toa koo wa.

Zozoe 11:1

Asɔɔrɔn kii Zabɛn bɛ ma lɔn, á minin dia Madɔn kii Zobabu li, ka Simurɔn wɔ laanka Aksafun wɔ nɛ.

Zozoe 16:10

Kanaan minin mɛnɛn nə goã giã-n Gezɛɛrɛ, ǹ bɛn loo wa. Bɛ lɛ n ke, Kanaan minin lɛn nə́ giã Efrayimu minin lɛn bii yǎa á daa kaa pelo lɛ. Sɛnɛ, maǹ nə́ ǹ kaa pàã dí ganaa.

Zozoe 16:3

a gisĩ a da bɔ Yafletii tɔrɔn kɛn gèlè la dia-n woe lɛ̀nyɛɛnɛ. Bɛti-Ɔrɔn kiwi ke tán li, a n woe yǎa bɛ gèlè la, a da yǎa Gezɛɛrɛ, a kiɛ̃ a wo n doa kɔ̀ gole kɛ ganaa.

Zozoe 17:11

Isakaara tɔrɔn laanka Asɛɛrɛ tɔrɔn bǎã nɛ, Bɛti-Seyan kiwi laanka a lɛkoro lɛ-a bǎãn man nə́ dɔ Manaasee tɔrɔn lɛn ganaa, Yibuleyamu laanka a lɛkoro lɛ-a bǎãn nɛ, Dɔɔrɔ kiwi ni, Ɛn-Dɔɔrɔ nɛ, Tanaaki ni, Megidoo kiwi laanka a lɛkoro lɛ-a bǎãn nɛ, kiwi sɔɔ.

Zozoe 19:36

Adama, Ramaa, Asɔɔrɔ,

Zozoe 21:21

Ǹ kiwin mɛnɛn kɔ ǹ la bɛn man ka kɛn nɛ: Sisɛmu kiwi ke, gɛ̀-dɛle a baa si a wo mìi duru ǹ bǎã lɛa, bɛ laanka a lɛkoro lɛ-a bǎãn manɛ Efrayimu a kele yii ni, Gezɛɛrɛ laanka a lɛkoro lɛ-a bǎãn nɛ,

Sii yɔrɔ-bɔlen 1:29

Kanaan minin mɛnɛn nə goã giã-n Gezɛɛrɛ, Efrayimu tɔrɔn nə bɛn loo wa. Kanaan minin lɛn nə́ nɔmaa ǹ nə́ giã Gɛzɛrɛ, Efrayimu tɔrɔn lɛn bii.

Sii yɔrɔ-bɔlen 4:2

Bɛ lɛ nɛ, Dɛnaa Lawa nə́ ǹ wɔ Kanaan kii Zabɛn kɛ gɔn, giã-n Asɔɔrɔ kiwi. A zia-baalin goledɛnaa na á goã ka Sizeraa nɛ. Bɛ na á goã giã-n Arosɛti-Goyimu.

Sii yɔrɔ-bɔlen 5:19

KIIN nə́ daa zia baa, Kanaan kii nə́ zia baa Tanaaki kiwi, Megidoo tà lɛ-a. Haalɛ wɔrɔ goone, ǹ saa zia la ǹ nə́ daa-n wa.

Sii yɔrɔ-bɔlen 9:20

Sɛnɛ, bɛ̀ a miɛ̃ wa, tɛ die a soo Abimelɛki ni, a Sisɛmu kiwidɛnan kɛn laanka Bɛti-Miiloo minin kɛn kũ. Tɛ die a soo Sisɛmu kiwidɛnan kɛn laanka Bɛti-Miiloo kiwidɛnan kɛn nɛ a na a dɔ kũ.»

Sii yɔrɔ-bɔlen 9:6

Sisɛmu kiwidɛnan lɛn tumaa laanka Bɛti-Miiloo minin tumaa nə́ n lɛ sɔkɔn. Ǹ tíĩ doa dì da mɛn giulun Sisɛmu kiwi, ǹ nə́ woo Abimelɛki koa kii lɛa, kunu bɛ ganaa.