Kiin1 9:1 - LAWA A BOO SONBORE

¹ Salomɔn bɛ́ á Lawa a kion lɛ dɔ á nya, ka kii kion lɛ laanka mànan mɛnɛn dɔn sii goã a ganaa,

LAWA A BOO SONBORE 2011

¹ Salomɔn bɛ́ á Lawa a kion lɛ dɔ á nya, ka kii kion lɛ laanka mànan mɛnɛn dɔn sii goã a ganaa,

Kiin1 9:1 ပူးပေါင်းရင်းမြစ်များ

Kiin1 3:1

Salomɔn lɛ kɔ wɔ ka Ezipti gána a kii ni, a ná a nɛlɔ wɔ lɔ lɛa. Ǹ bɛ́ kiwi mɛn bíi mà "Davida a kiwi", Salomɔn nɛlɔ lɛ koa walan, yǎa á ná a din gɔn tɔ kion dɔ á nya, ka Lawa a kion laanka kungɔn kɛ nɛ Zeruzalɛmu kiwi lɛnpɛnɛ.

Kiin1 6:37

Dɛnaa Lawa a kion lɛ giala na á n wɔ Zibu mui ni, kii Salomɔn a kiibaa a lɛ̀ a siibaa ǹ wɔ li.

Kiin1 7:1

Salomɔn lɛ̀ fulusɔɔ bɔ a dinmaa dɔ a kion doe la, á tɔ́n na a yii dɔ á nya.

Kiin1 7:2

Kion mɛn bɛ́ ǹ tá bíi "Liban daã kion" Salomɔn goã á bɛ dɔ. A gùrù sasa na á goã mɛtərə posooro a gùrù kunu na á goã mɛtərə fuəwensooro, a wo lon na á goã mɛtərə fulusooro. Ǹ goã ǹ nə́ dɔ bìbìn mɛnɛn la, kɔn nyanlɛ li zii sii, bɛn man nə́ goã da kaka gɔn lɛa, ka bɛ dɔ nɛ, mɛnɛn mɛnɛn nə goã bìbìn lɛn la, bɛn dɔn man nə goã a din da kaka gɔn lɛ lɛa.

Kiin1 7:51

Kii Salomɔn goã á dí mɛn yii nya Dɛnaa Lawa a kion lɛ ganaa, bɛ yii mìi tã sɔnbɔraanɛ. Ǹ di Davida goã á mànan mɛnɛn kɔ Lawa la, á bɛn goa á daa ǹ kaa Dɛnaa Lawa a kion mànan li. A mànan mɛnɛn lɛn goa á daa ǹ nɛ, sana tan, wɔrɔ tan ka dí nya ǹ mànan nɛ.

Kiin1 8:66

A lɛawaa kiwisibaa ǹ wɔ pinaa, Salomɔn nə́ n gɔn bɔ zaman lɛ ganaa ǹ nə́ woo piɛ. Ǹ nə́ fòo da kii lɛ nɛ, ǹ nə́ tɔ́n woo ǹ giã ǹ bǎãn nɛ, ǹ foo n kɔɔ̃nɛ, a giala Dɛnaa Lawa bǐɛ̃ zɛnaa a dí-nyali Davida nɛ, ka a zaman Izirayeli minin ni.

Kiin1 9:10

Salomɔn na á Lawa a kion lɛ laanka kii kion lɛ dɔ lɛ̀ fuə gɔ́ɔ̃ nɛ.

Kiin1 9:11

A laadoo bɛ́ á goã sana mɛn tumaa ganaa, ka *sɛdrə gɔn laanka siprɛsi gɔn mɛn nɛ, dí lɛ a nya ǹ wɔ lɛa, Tiiri gána a kii Iraamu na á bɛn kɔ la. Dí lɛ a nya kio, Kii Salomɔn Iraamu gɔ ka Galilee gána a kiwi fuə ne.

Kiin1 9:19

Kiwin mɛnɛn tumaa goã a màn tamaa ǹ bǎã lɛa, á bɛn dɔ. A sùin laanka a ziabaa ǹ wotoron nə goã kiwin mɛnɛn tumaa nɛ, á bɛn dɔn dɔ. Màn mɛn din tumaa dɔ sii goã Salomɔn ganaa, Zeruzalɛmu kiwi, ka Liban gána nɛ, ka gána lɛ kuturu ni, a pàã giulun, á bɛ yii dɔ.

KZS2 7:1

Bɛ kio, Salomɔn bɛ́ á Lawa nyankɔ á nya, tɛ bɔ lon á daa wúlu màn tiɛ̃n laanka wúlu mànan lɛn kũ. Dɛnaa Lawa daa Lawa a kion lɛ pã ka a gugurubaa nɛ.

KZS2 7:11

Kii Salomɔn Dɛnaa Lawa kion dɔ á nya, ka a din gɔn tɔ́ kii kion nɛ. Màn mɛn tumaa a zɛnaa goã a yiri ni kion màn paan kɛn lɛn wɔ paǹ li, ǹ tumaa yɔrɔ yɛ.

KZS2 8:1

Lɛ̀ fuə gɔ́ɔ̃ nɛ, Salomɔn Lawa a kion dɔ á nya Dɛnaa Lawa wɔ lɛa ka a dinmaa a kii kion ne.

KZS2 8:6

Á wusoo doo á Baalati kiwi dɔ ka kiwi mɛn tumaa bɛ́ á màn-bii koa ǹ nɛ, a nà a ziabaa ǹ wotoron koɛ a nɛ ka a sùin ni. Salomɔn nə́ n foo sii màn tumaa dɔ Zeruzalɛmu kiwi, Liban gána kɛ nɛ, ka gána mɛn tumaa bɛ́ a pàã gɔ́ɔ̃ nɛ.

Boo-laakalaali 2:10

Màn mɛn tumaa goã ma yii kiɛ̃, man piã ka bɛ kɔn nɛ wa. Man mìi bɔ nyɛnyɛɛ kɔn li wa. A giala, maa dí tumaa na á goã nyɛnyɛɛ diɛ ma ganaa. Bɛ lɛ n maa wɔ gii lɛa, má yɛ maa dí lɛ tumaa gɔ́ɔ̃ nɛ.

Boo-laakalaali 2:4

Má dí dadaran nya. Má kionən dɔ ma din wɔn lɛa, má *rezɛ̃ dan zumu ma din wɔn lɛa.

Boo-laakalaali 6:9

Yii a màn yɛ á soɛ, yiri koa màn ganaa nɛ. Bɛ dɔ giala banban, a n piɛ̃ loo lɛa.