Kiin1 8:6 - LAWA A BOO SONBORE

⁶ Lawa a wúlu-bɔlen nə́ wɔ ka lɛ kɔ kɔn la ǹ goo lɛ nɛ Lawa a kion, ǹ nə́ da a bǎã nɛ, bǎã sonbore sonbore kɛ nɛ. Maǹ nə́ da lon màn yiikoonaa nyínin lɛn nyàan giulun.

LAWA A BOO SONBORE 2011

⁶ Lawa a wúlu-bɔlen nə́ wɔ ka lɛ kɔ kɔn la ǹ goo lɛ nɛ Lawa a kion, ǹ nə́ da a bǎã nɛ, bǎã sonbore sonbore kɛ nɛ. Maǹ nə́ da lon màn yiikoonaa nyínin lɛn nyàan giulun.

Kiin1 8:6 ပူးပေါင်းရင်းမြစ်များ

Samayeli2 6:17

Davida mɔnaa kion mɛn doa, á bǎã zɛnaa a bii Dɛnaa Lawa a goo lɛ wɔ lɛa, ǹ nə́ goo lɛ da bɛa bǎã lɛ nɛ. Davida *wúlu màn tã á barka da ǹ wúlu dɔ bɔ Dɛnaa Lawa yɔrɔ-a.

Samayeli2 6:2

Davida yoo á zii saa, a din laanka zaman mɛn tumaa goã kun ni. Ǹ nə́ woo Baalee, Zudaa gána nɛ, mà maǹ woe Lawa a *lɛ kɔ kɔn la ǹ goo lɛ siɛ ǹ nə́ die ne. Ǹ nə́ goã tɔ kɔn pii lɛ kɔ kɔn la ǹ goo lɛ ganaa, Dɛnaa Lawa Pàãyiidɛnaa kɛ tɔ nɛ. Lon màn yiikoonaan nyínin mɛnɛn bɛ́ goo lɛ lalan, a n giã-n bɛn bii.

Kiin1 6:16

Bɛ kio, kion gialaan bǎã mɛn bɛ́ a gɔ́ɔ̃ n mɛtərə fù, Salomɔn da kaka gɔn patara patara naa tán bɛ nɛ, á kɛ dɔ naa a gɔ̀nɔn ganaa á woo kɛ pele kũ. Á bɛa kion gialaan lɛ gɔ́ɔ̃ zɛnaa, a baa bǎã sonbore sonbore lɛa.

Kiin1 6:19

Kion gole lɛ gɔ́ɔ̃ nɛ, Salomɔn bǎã sonbore sonbore yɔrɔ bɔ Dɛnaa Lawa a *lɛ kɔ kɔn la ǹ goo lɛ a da ǹ bǎã lɛa.

Kiin1 6:27

Salomɔn lon màn yiikoonaan nyínin lɛn kaa Lawa a kion lɛ bii a gɔ́ɔ̃ nɛ. Lon màn yiikoonaan lɛn nyàan lɛ na á goã boe ne. Lon màn yiikoonaan nyínin lɛn gogoonmaa nyàa lɛwɔn goon nə́ goã ǹ doɛ kion lɛ wàãn ganaa. Ǹ nyàa lɛ a màn paa mɛn bɛ́ dia-n woe kion lɛ bii, bɛa nyàan lɛn nə́ goã n loe kɔn ganaa.

Kiin1 8:3

Izirayeli a min golen tumaa bɛ́ ǹ nə́ dɔ, Lawa a wúlu-bɔlen lɛn nə́ goo lɛ saa ǹ nə́ woo ne.

Kiin1 8:4

*Levii tɔrɔn lɛn laanka Lawa a wúlu-bɔlen lɛn nə́ lɛ kɔ kɔn la ǹ goo kɛ saa, kun ka kɔn yɛ ka Lawa nɛ ǹ kion kɛ dɔ nɛ Lawa a màn *yoreenən kɛn nɛ a gɔ́ɔ̃ nɛ.

Kiin1 8:7

Lon màn yiikoonaan lɛn nyàan lɛ na á goã boe ne, goo koa ǹ bǎã lɛ mìi la, ń giɛ ǹ tá n koe goo lɛ laanka a saa ǹ bàlàn lɛ.

KZS1 22:19

Kanna kəni, ka ga Dɛnaa Lawa, kaa Lawa li, ka ka foo laanka ka pàã tumaa nɛ. Ka yoo ka Dɛnaa Lawa a kion lɛ dɔ ń giɛ ǹ tá woe ka Dɛnaa Lawa a *lɛ kɔ kɔn la ǹ goo laanka wúlu bɔ ǹ mànan kɛn nɛ Lawa wɔ lɛa, kion kɛ nɛ ǹ nə́ dɔ Dɛnaa Lawa tɔ la.»

KZS2 5:7

Lawa a wúlu-bɔlen nə́ wɔ ka lɛ kɔ kɔn la ǹ goo lɛ nɛ Lawa a kion, ǹ nə́ da a bǎã nɛ, bǎã sonbore sonbore kɛ nɛ. Maǹ nə́ da lon màn yiikoonaa nyínin lɛn nyàan giulun.

Loen 80:1

LOE-saalin goledɛnaa loe mɛn lɔ tùtu wuu li. Yiri koa sii ni ǹ loe ne. Asaafu a loe goon ne.

Loen 80:2

Izirayeli-lɛduə̃li, n too kɔ. N din mɛn bɛ́ miɛ̃ n zaman nyɛɛnɛ, n kii dankan nə lon màn yiikoonaan lalan, n din nyaa.

Loen 99:1

Dɛnaa Lawa n kii lɛa, tɔrɔn man bìn diɛ. A n giã-n lon màn yiikoonaan la, kanaa n tatalɛɛ.

Bɔ bɛ̀rɛbaa nɛ 37:9

Lon màn yiikoonaa nyínin lɛn nə́ n nyàan lɛ bɔ, ǹ nə́ ǹ dia lon, ǹ nə́ n nyàa kan kɔ goo lɛpii lɛ lɛ. Ǹ yɔrɔ na á goã dia-n kɔn la, ǹ nə́ giɛ goo lɛpii lɛ ganaa.

Izayii 37:16

«Dɛnaa Lawa Pàãyiidɛnaa, Izirayeli a Lawa, nsɛ mɛn bɛ́ giã-n lon màn yiikoonaa tumaa mìi la, n dinsɔɔ̃ n kanaa a gánan tumaa a Lawa lɛa, n din ni n lon laanka tán zɛnaa.

Ezekieli 10:5

Lon màn yiikoonaan lɛn dɔn nyàa ka wuu na á goã boe ka Pàãyiidɛnaa kɛa boo-diɛ lɛn bɛ́ lɔn, á woo yǎa sumu gɔ́ɔ̃ kɛ nɛ kanaa.

Ezekieli 41:4

Á kion lɛ a sasabaa zɔɔ̃. Bɛ na á goã gùrù yii fuə. A gɔ́ɔ̃ a golebaa dɔ na á goã gùrù yii fuə. Bɛ kio, á tɔ́n pɛ ma nɛ mà bǎã sonbore sonbore lɛ n ka bɛ nɛ.

Samayeli1 4:4

Dɛnaa Lawa Pàãyiidɛnaa mɛn lɛ bɛ́ lon màn yiikoonaa nyínin mìi la, zaman lɛ minin dia ǹ nə́ woo bɛa lɛ kɔ kɔn la ǹ goo lɛ saa Siiloo. Elii a nɛgiĩ min paa lɛ, Ɔfunii laanka Fineyasi ni, bɛn nə́ goã Lawa a lɛ kɔ kɔn la ǹ goo lɛ diɛ zii.