Kiin1 8:47 - LAWA A BOO SONBORE

⁴⁷ bɛ̀ ǹ nə́ n toa bɛa gána kɛ lɛ nɛ, ǹ bɛ̀rɛbaa gɔ́ɔ̃ nɛ, ǹ nə́ n taasɛ, ǹ nə́ n gɔ́ɔ̃ dɔn bii, ǹ nə́ gòã-kũ da n ganaa ǹ nə́ pɛ: «Wɔ sii baraa zɛnaa, wɔ baraabaa zɛnaa, wɔ n zɛ̀rɛdɛnan lɛa,»

LAWA A BOO SONBORE 2011

⁴⁷ bɛ̀ ǹ nə́ n toa bɛa gána kɛ lɛ nɛ, ǹ bɛ̀rɛbaa gɔ́ɔ̃ nɛ, ǹ nə́ n taasɛ, ǹ nə́ n gɔ́ɔ̃ dɔn bii, ǹ nə́ gòã-kũ da n ganaa ǹ nə́ pɛ: «Wɔ sii baraa zɛnaa, wɔ baraabaa zɛnaa, wɔ n zɛ̀rɛdɛnan lɛa,»

Kiin1 8:47 ပူးပေါင်းရင်းမြစ်များ

Kiin1 8:33

Bɛ̀ n zaman, Izirayeli tɔrɔn lɛn zɔ́ɔn nə́ boo ǹ la, n din bɔlɔ-tii taman yii, bɛ̀ ǹ nə́ wusoo ka ǹ kio ne, ǹ nə́ daa n ganaa, ǹ nə́ n tɔ guguru kɔ, ǹ nə́ n nyankɔ, ǹ nə́ gòã-kũ da n ganaa kion kɛ nɛ,

KZS2 6:37

bɛ̀ ǹ nə́ n toa bɛa gána kɛ lɛ nɛ, ǹ bɛ̀rɛbaa gɔ́ɔ̃ nɛ, ǹ nə́ n taasɛ, ǹ nə́ n gɔ́ɔ̃ dɔn bii, ǹ nə́ gòã-kũ da n ganaa ǹ nə́ pɛ: «Wɔ́ sii baraa zɛnaa, wɔ́ baraabaa zɛnaa, wɔ n zɛ̀rɛdɛnan lɛa,»

Nehemii 9:2

Min mɛnɛn nə goã Izirayeli tɔrɔn lɛa, bɛn nə́ n na ǹ nə́ n bɔ tiin lɛn ganaa, ǹ nə́ giã bii-a ǹ nə́ ǹ sii baraan pɛ, ka ǹ digolon dɔn sãn nɛ.

Loen 106:6

Wɔ dɔn nə́ sii baraa zɛnaa, ka wɔ digolon bɛ́ lɔn, wɔ́ kanaa wɔ́ zii toa, zɛ̀rɛ wɔ kũ.

Ezekieli 16:61

Bɛ̀ n kɔn yɛ ka n gololɔn laanka n diɛ̃lɔn kɛn nɛ, n yiri á die gisĩ ka n din a zɛnaa ǹ sii kɛ nɛ, bɛ á re sìi biɛ n ganaa. Ma á re ǹ kiɛ n pàã giulun, a laanɛ wɔ bɛ pɛ kɔn nɛ lɛ kɔ kɔn la lɛ gɔ́ɔ̃-n wa.

Ezekieli 16:63

Bɛa biikoo li kəni, n yiri á die gisĩ ka lɛlɛ ǹ kɛ nɛ. Sìi á re n kuĩ, n yii din ba re we, n nə n lɛ bũ n boo da wa. Sɛnɛ, n sii baraa mɛn tumaa zɛnaa, ma á re ǹ toɛ n nɛ. Ma din Dɛnaa Lawa a da ǹ boo ne.

Ezekieli 18:28

Bɛ̀ a din dɔ̃ sɛn mà asɛ a zɛnaa ǹ siin lɛn tumaa n baraa, bɛ̀ á wusoo a kio, sàabaa ba la wa, a yii á re goɛ̃ koo, a re giɛ̃ wa.

Azee 1:7

Á ke masɛ Dɛnaa Lawa Pàãyiidɛnaa n pii kɛnɛn. Sii mɛn bɛ́ die ka-a, ka n taasɛ ka ga a giala li taãnɛ.

Zakarii 10:9

Má ǹ sasawaa paǹ tumaa li tɔrɔn bii, ka ǹ bɛ́ màn nàn pɛsɛ̃ lɔn. Sɛnɛ, bɛa gána sɔsɔɔn lɛn nɛ, ǹ yiri á re gisĩ ma nɛ. Ǹ tá re giɛ̃ walan, kun ka ǹ nɛnyaanan nɛ, ǹ tɔn nə n bɔyaa ǹ daa.

Zakarii 12:10

Man die sonborebaa ǹ yiri laanka Lawa nyankɔ ǹ yiri koe Davida a sumu minin laanka Zeruzalɛmu minin la. Ǹ masɛ mɛn lɛ fɔ̃, ǹ tá re n yiin doɛ ma la, bɛ lɛ taman yii. Ǹ tá re gɛ̀ loe loe la, ka ǹ bɛ́ nɛgiĩ goon toto a gɛ̀ loe loe lɔn. Maǹ die wuu pii la, ka ǹ bɛ́ nɛgiĩ bibinaa a gɛ̀ wuu pii lɔn.

Samayeli1 7:6

Ǹ nə́ n lɛ sɔkɔn Misipaa. Ǹ nə́ mu si ǹ nə́ tɔ tán Dɛnaa Lawa yɔrɔ-a, gɔ́ɔ̃ dɔn bii a sii a kɔnboe lɛa. Ǹ nə́ n lɛ sɔɔ bɛa pinaa kɛ lɛ nɛ, ǹ nə́ pɛ bɛa bǎã lɛ nɛ mà ǹsɛn nə́ sã, ǹ nə́ wɔ Dɛnaa Lawa lon! Samayeli na á goã Izirayeli minin lɛn nyɛɛnaan boe Misipaa.