Kiin1 8:44 - LAWA A BOO SONBORE

⁴⁴ Ta man nə́ n zaman lɛ yɔrɔ dia zii mɛn li, ǹ nə́ woo zia da ǹ zɔ́ɔn ganaa, bɛ̀ ǹ nə́ Dɛnaa Lawa nyankɔ, ǹ nə́ n yɔrɔ dia n kiwi yii gɔgoɛ̃ wole kɛ la, ka kion kɛ nɛ ma dɔ n tɔ la,

LAWA A BOO SONBORE 2011

⁴⁴ Ta man nə́ n zaman lɛ yɔrɔ dia zii mɛn li, ǹ nə́ woo zia da ǹ zɔ́ɔn ganaa, bɛ̀ ǹ nə́ Dɛnaa Lawa nyankɔ, ǹ nə́ n yɔrɔ dia n kiwi yii gɔgoɛ̃ wole kɛ la, ka kion kɛ nɛ ma dɔ n tɔ la,

Kiin1 8:44 ပူးပေါင်းရင်းမြစ်များ

Samayeli2 5:19

Davida nɔ̀n da Dɛnaa Lawa la kɛnɛn: «Ma á boe la ma wo Filisiti minin lɛn gialaa? N tá re ǹ we ma gɔn?» Dɛnaa Lawa Davida lɛ si: «Hiĩ, woo, ma á re Filisiti minin lɛn we n gɔn.»

Samayeli2 5:23

Davida nɔ̀n da Dɛnaa Lawa la doo, Dɛnaa Lawa ná a lɛ si: «N baran golee ǹ nyɛɛnɛ n zia baa ǹ ganaa wa. N pɛnɛ ǹ kio li, n tá re doe ǹ ganaa nyuunun too ǹ dan kɛn yɔrɔ-a.

Kiin1 8:16

«Ma maa zaman Izirayeli minin lɛn waa má soo ǹ ne Ezipti gána nɛ ǹ mɛn pinaa, a kũ bɛa pinaa kɛ lɛ ganaa, ma kiwi kɔn bɔ Izirayeli tɔrɔn kiwin bii, ma maa kion dɔ walan ń giɛ ma tɔ á goɛ̃ la wa. Sɛnɛ man má Davida bɔ, màn mɛn bɛ́ toɛ a maa zaman Izirayeli lɛ a kii baa.»

Kiin1 8:45

n die n nə n toa lon n nə n too kɔ ǹ nyankɔ laanka ǹ gòã-kũ ganaa, n nə n dɔ ǹ lɛ.

KZS2 18:31

Ziabaa ǹ wotoro nyɛɛnaandɛnan lɛn bɛ́ ǹ nə́ Zozafati yɛ, ǹ nə́ pɛ: «Izirayelin kii lɛ n ka kɛ nɛ.» Ǹ nə́ tele a ganaa ka zia nɛ, sɛnɛ, Zozafati nə́ n lɛ dɛ. Dɛnaa Lawa daa a gu ganaa, á ǹ lɛ goa á ǹ bɔ li.

KZS2 20:5

Zozafati golee lon Zeruzalɛmu minin lɛn bii ka Zudaa minin kɔsɔn nɛ, a yɔrɔ n dia-n Lawa a kion a sumu dii kɛ la.

KZS2 32:20

Kii Ezekiasi laanka Amɔsi a nɛgiĩ, Lawa a boo gii-dali Ezayii bɔ ǹ nə́ mɛ Lawa nyankɔ la, ǹ nə́ n lɛ dii lon ganaa.

KZS2 6:34

Ta ma nə́ n zaman lɛ yɔrɔ dia zii mɛn li, ǹ nə́ woo zia da ǹ zɔ́ɔn ganaa, bɛ̀ ǹ nə́ n yɔrɔ dia n kiwi yii gɔgɔɔ̃ wole kɛ la, ka kion kɛ nɛ má dɔ n tɔ la,

Sii yɔrɔ-bɔlen 4:6

Ǹ kɔn pinaa, Deboraa minin dia, mà ǹ wo lɛ dia Abinoamu a nɛgiĩ Baraki la, Kedɛsi kiwi, Nɛfutalii gána nɛ. Deboraa pɛ nɛ: «Dɛnaa Lawa lɛ, Izirayeli minin Lawa lɛa, a din na á dí kɛ kɔ mà n wo Tabɔɔrɔ kele la, kun ka giĩ duu fù kɛ nɛ, n nə́ ǹ bɔ Nɛfutalii tɔrɔn laanka Zabulɔn tɔrɔn bii.

Sii yɔrɔ-bɔlen 6:14

Dɛnaa Lawa nə́ n yɔrɔ bɔyaa á dia la á pɛ nɛ: Pàã kɛ lɛ n lon, wo ka bɛ lɛ nɛ, n Izirayeli minin lɛn si Madiã minin lɛn la. Woo, masɛ din nə n diɛ.

Samayeli1 15:18

Dɛnaa Lawa bɛ́ n diɛ woe, a na á pɛ n nɛ: «Woo, n zia da bɛa Amalɛki tɔrɔ sii baraa-zɛnaalin kɛn ganaa, yǎa n nə ǹ tumaa dii lenlen ǹ nyɛɛ.»

Samayeli1 15:3

Sisia kəni, wo Amalɛki tɔrɔn gialaa, n nə ǹ dɛ n nə ǹ gɔn màn tumaa ziziɛ̃ lenlen. N baran n tɛn toa ǹ nɛ wa. Giĩn laanka lɔn nɛ, nɛnyaanan laanka nɛ tiɛɛ̃nɛn nɛ, diin laanka sèren ne, nyɔɔmaan laanka dundunun ni, ǹ tumaa dɛ.»

Samayeli1 30:8

Davida nɔ̀n da Dɛnaa Lawa la kɛnɛn: «Bɛ̀ masɛ sɔraasin kɛn kio loo, ma á die doe ǹ ganaa?» Dɛnaa Lawa pɛ nɛ: «Ǹ kio loo. N tá re doe ǹ ganaa n nə minin lɛn si, n nə ǹ kaa.»