Kiin1 8:35 - LAWA A BOO SONBORE

³⁵ Ta lon lɛ na á n tã, la ná a ba kiɛ wa, n zaman lɛ a bɔlɔ-tii taman yii, bɛ̀ ǹ nə́ n yɔrɔ dia bɛa kion bǎã kɛ lɛ la, ǹ nə́ n tɔ guguru kɔ, ǹ nə́ ǹ gɔ́ɔ̃ dɔn bii ka ǹ sii baraan nɛ n din a nɔmaa da ǹ mìi-n taman yii,

LAWA A BOO SONBORE 2011

³⁵ Ta lon lɛ na á n tã, la ná a ba kiɛ wa, n zaman lɛ a bɔlɔ-tii taman yii, bɛ̀ ǹ nə́ n yɔrɔ dia bɛa kion bǎã kɛ lɛ la, ǹ nə́ n tɔ guguru kɔ, ǹ nə́ ǹ gɔ́ɔ̃ dɔn bii ka ǹ sii baraan nɛ n din a nɔmaa da ǹ mìi-n taman yii,

Kiin1 8:35 ပူးပေါင်းရင်းမြစ်များ

Samayeli2 24:10

Davida bɛ́ á zaman lɛ nimi miɛ̃, bɛ kio, a foo ná a din zɛ̀rɛ baa. Á tɔ́n pɛ Dɛnaa Lawa nɛ: «Ma sii mɛn zɛnaa, sii baraa gole gole ne. Kanna kəni, Dɛnaa Lawa, masɛ nə n nyankoe, bǐɛ̃ kɔ n kiɛ̃ maa sii baraa kɛ la, a giala, gàãnaabaa ǹ sii din taãn nə ka kɛ nɛ má zɛnaa.»

Samayeli2 24:13

Gaadi woo dɔ Davida li, a ná a yɔrɔ pɛ nɛ. Man giɛ li n gána minin lɛn nə lɛ̀ sɔbaa bòo kɔ hinlaa ǹ baa si ǹ zɔ́ɔn nyɛɛnɛ mui sɔɔ bɛ̀ ǹ nə́ ǹ kio lui, hinlaa piɛ̃ busu kaka nə ǹ kũ yǎa lɛawaa sɔɔ. Kanna kəni, n taasɛ. Min mɛn masɛ dia, ma doamaa bɛ́ nɛ ma boo binyəə mɛn kɔ bɛ la, ga n bɛ pɛ ma nɛ.

Kiin1 17:1

Tisibii min, Yilii mɛn nə́ ke Galaati gána min goon lɛa, bɛ pɛ Akaabu ni: «Dɛnaa Lawa Yiikoonaa tɔ nɛ, Izirayeli a Lawa lɛ, ma bɛ́ dí nyɛɛ ǹ mɛn lɛn nɛ, lɛ̀n kɛn die giɛ̃, la ba re kiɛ wa, pele dɔ a die koe wa, bɛ̀ ma bie ma boo da wa.»

Kiin1 8:33

Bɛ̀ n zaman, Izirayeli tɔrɔn lɛn zɔ́ɔn nə́ boo ǹ la, n din bɔlɔ-tii taman yii, bɛ̀ ǹ nə́ wusoo ka ǹ kio ne, ǹ nə́ daa n ganaa, ǹ nə́ n tɔ guguru kɔ, ǹ nə́ n nyankɔ, ǹ nə́ gòã-kũ da n ganaa kion kɛ nɛ,

Kiin1 8:34

n toa lon n nə ǹ lɛ si, n nə n zaman Izirayeli tɔrɔn lɛn sii baraan toa ǹ nɛ. N goã ń tán mɛn kɔ wɔ digolon la, n wusoo n da ǹ nɛ walan.

KZS2 6:24

Bɛ̀ n zaman, Izirayeli tɔrɔn lɛn zɔ́ɔn nə́ boo ǹ la, n din bɔlɔ tii taman yii, bɛ̀ ǹ nə́ wusoo ka ǹ kio ne, ǹ nə́ daa n ganaa, ǹ nə́ n tɔ guguru kɔ, ǹ nə́ n nyankɔ, ǹ nə́ gòã-kũ da n ganaa kion kɛ nɛ,

KZS2 6:26

Ta lon lɛ na á n tã, la ná a ba kiɛ wa, n zaman lɛ a bɔlɔ-tii taman yii, bɛ̀ ǹ nə́ n yɔrɔ dia bɛa kion bǎã kɛ lɛ la, ǹ nə́ n tɔ guguru kɔ, ǹ nə́ ǹ gɔ́ɔ̃ dɔn bii ka ǹ sii baraan nɛ, n din a nɔmaa da ǹ mìi-n taman yii,

Zɔbu 12:15

Bɛ̀ á la kurəə, lɛ̀ gere n koe, bɛ̀ á n gɔn bɔ-a, mu n basaã koe tán nɛ.

Izayii 5:6

Man die biɛ don lɛa. Min kɔn ba re a da gùrùn boe wa, min kɔn ba re a buu woɛ̃ wa. Nyɛn dan tá re boe a nɛ. Ma á re labaran kurii ǹ baran la kaa a ganaa wa.

Izayii 9:13

Bɛ lɛ nɛ, lɛawaa goon gɔ́ɔ̃ nɛ, Dɛnaa Lawa Izirayeli gána mìi laanka a mui kuru.

Ezekieli 14:13

«Minbuiin a nɛ, bɛ̀ gána mɛn a minin nə́ sii baraa zɛnaa masɛ nɛ, ǹ nə́ ma bɔlɔ tii, ma á re yui ǹ gialaa ma ǹ màn-bii ziziɛ̃, ma bòo kaa ǹ ganaa, ma ǹ minbuiinin laanka ǹ tɔɔn dɛ.

Ozee 14:1

Samarii minin doamaa nɛ ǹ nə n sii baraa giɔ̀mɔ saraa, a giala maǹ nə́ n piã ka ǹ Lawa nɛ. Zia á re ǹ dii ǹ gã, ǹ tá re ǹ nɛ tiɛɛ̃nɛn yɔyɔrɛ, ǹ tá re ǹ lɔ nɔ̀naan nɔ̀ wɔsɛ.

Lawa a wúlu-bɔlen 26:19

Pàã mɛn lɛ á ke toɛ ka a n dinin koɛ, masɛ á die bɛa pàã kɛ lɛ nyɛɛ. Ma á re lon laɛ ka ganaa ka fɔlɔ bɛ́ lɔn, ma tán laa ka ganaa ka zan bɛ́ lɔn.

Azee 1:10

Bɛ lɛ nɛ, la nə n lɛ kuru ka ganaa màn kɔn ná a boe tán la wa, ka dinin sii ni.

Zakarii 14:17

Bɛ̀ tán a tɔrɔn kɛn goon wo Kii Dɛnaa Lawa Pàãyiidɛnaa guguru kɔ Zeruzalɛmu wa, la á re kiɛ ǹ gána-n wa.

Malakii 3:10

Ka da ká kaa tán dí nya ǹ mànan lɛn tumaa a talɛɛ a fùbaa ǹ wɔ nɛ taãnɛ, maa màn koa ǹ kion kɛ nɛ, màn-bii boo la a yɛ, koa nɛ maa kion biikoo tumaa li. Ka á boe la ka n da ma gɔ́ɔ̃ li ka ga-a bɛa sii lɛ paǹ li. Masɛ Dɛnaa Lawa Pàãyiidɛnaa, ka á re yii man die lon a dɔǹɔn lɛ buĩ, bǐɛ̃ tɔrɔ tumaa n die kiɛ ka la mɔnaa nɛ.

Luku 4:25

Man pii ka-n taãn-taãnɛ, Lawa a boo gii-dali Yilii a biikoo li, la bɛ́ n piɛ̃ lɛ̀ sɔɔ ka mui sɔrɔ a ná a kiɛ wa, bòo wɔ, lɔ giɔɔrɔ goã mɔnaa-n Izirayeli gána nɛ.

Rɔmu minin 10:9

Bɛ lɛ nɛ, bɛ̀ ń bɔ n lɛ nɛ ń pɛ mà: «Yezu n Dɛnaa lɛa», bɛ̀ ń golee li ka n foo dɔ nɛ, mà Lawa ná a yii kaa á bɔ geren bii, n tá re kirisibiɛ.

Rɔmu minin 15:9

Krita lɛ na á daa, màn mɛn bɛ́ toɛ, tɔrɔ kɔsɔn mɛnɛn bɛ́ ǹ ba Zuifun lɛa wa, bɛn dɔn nə Lawa tɔ bɔ, a bǐɛ̃baa a lɛa. A na á n kiɛ̃: «Bɛ lɛ taman yii ni ma á re n guguru koe tɔrɔ kɔsɔn bii, ma á re loe loe man tɔ bɔ nɛ.»

Timəə dí-pɛn 11:16

Ka n dinin kũ, ka nyan toa kaa taasiɛ nə n bɔyaa, ka wusoo ka wo kaa tán lawa kɔsɔn giulun, ka mà ka n bɛn guguru koe wa.

Timəə dí-pɛn 11:17

Bɛ̀ ká bɛ zɛnaa, Dɛnaa Lawa foo n die yui ka li. A n die lɛ̀ gere koe, la ná a kiɛ doo tán nə́ bǐɛ̃ koe wa. Ka n nɔmiɛ̃ ka papaã ka n bɔ gána kɛ lɛ n fufuu, Dɛnaa Lawa n die koe ka la.

Timəə dí-pɛn 28:12

Dɛnaa Lawa á re a lon sonbore kɛ lɛ buĩ ka nɛ, a la mu gisĩ kaa gána lɛ la a kɔnpɛ ka a biikoo ne, a barka da kaa nya ǹ dí tumaa ganaa. Kasɛn man die giɔ̀mɔ diɛ tɔrɔ kɔsɔn ganaa, ka dininmaan ba re giɔ̀mɔ siɛ tɔrɔ kɔsɔn lon wa.

Sii-nyaan 11:6

Pàã tá ǹ lon ǹ nə́ boe la ǹ lon lɛ tã, la ná a doɛ tán ǹ Lawa a dí-pɛ ǹ biikoo kɛ li wa. Pàã tá ǹ lon ǹ nə́ boe la ǹ mu tumaa bɔyaa ǹ baa mà lɛa. Bɛ̀ ǹ nə́ golee li, ǹ tá boe la ǹ koe tɔrɔ tumaa bɔ tán ganaa.