Kiin1 8:34 - LAWA A BOO SONBORE

³⁴ n toa lon n nə ǹ lɛ si, n nə n zaman Izirayeli tɔrɔn lɛn sii baraan toa ǹ nɛ. N goã ń tán mɛn kɔ wɔ digolon la, n wusoo n da ǹ nɛ walan.

LAWA A BOO SONBORE 2011

³⁴ n toa lon n nə ǹ lɛ si, n nə n zaman Izirayeli tɔrɔn lɛn sii baraan toa ǹ nɛ. N goã ń tán mɛn kɔ wɔ digolon la, n wusoo n da ǹ nɛ walan.

Kiin1 8:34 ပူးပေါင်းရင်းမြစ်များ

Siin Giala 13:15

Gána kɛ lɛ n yii tá a ganaa ke, má a tumaa kɔ n la, má kɔ n tɔrɔn la yǎa duduu.

Kiin1 8:30

N too kɔ, bɛ̀ n dí-nyali laanka, n din a zaman Izirayeli minin lɛn nə́ n yɔrɔ dia kion lɛ la wɔ n nyankɔ, n toa n giã ǹ bǎã-n lon n nə n too kɔ wɔsɛn lon, n wɔ zɛ̀rɛn toa wɔ nɛ.

Kiin1 8:33

Bɛ̀ n zaman, Izirayeli tɔrɔn lɛn zɔ́ɔn nə́ boo ǹ la, n din bɔlɔ-tii taman yii, bɛ̀ ǹ nə́ wusoo ka ǹ kio ne, ǹ nə́ daa n ganaa, ǹ nə́ n tɔ guguru kɔ, ǹ nə́ n nyankɔ, ǹ nə́ gòã-kũ da n ganaa kion kɛ nɛ,

Kiin1 8:35

Ta lon lɛ na á n tã, la ná a ba kiɛ wa, n zaman lɛ a bɔlɔ-tii taman yii, bɛ̀ ǹ nə́ n yɔrɔ dia bɛa kion bǎã kɛ lɛ la, ǹ nə́ n tɔ guguru kɔ, ǹ nə́ ǹ gɔ́ɔ̃ dɔn bii ka ǹ sii baraan nɛ n din a nɔmaa da ǹ mìi-n taman yii,

Loen 106:46

Min mɛnɛn nə goã pàã nyɛɛ ǹ nɛ, ka kòso-nɛn manɛ, á toa bɛn nə́ wusoo ǹ nə́ ǹ makara dɔ̃.

Loen 106:47

Wɔ si sii la, Dɛnaa Lawa wɔa Lawa, wɔ sɔkɔn wɔa gána nɛ, n wɔ bɔ tɔrɔ kɔsɔn bii. Bɛa biikoo li, wɔ á re barka diɛ n nɛ, wɔ n tɔ sonbore kɛ kalaa, wɔ wɔ dinin koa n gugurukɔ gɔ́ɔ̃ nɛ.

Loen 85:2

Dɛnaa Lawa, ń nə́ n minin-narɛɛ nyaa n gána lɛ nɛ. N din nə Zakɔba a nɛnyaanan bɔ bɛ̀rɛbaa nɛ, ǹ nə́ wusoo, ǹ nə́ daa.

Bɔ bɛ̀rɛbaa nɛ 6:8

Ma din nə n liɛ, máa ma á re gána mɛn koe Abrahamu la, ka Izaaki laanka Zakɔba nɛ, man woe bɛa gána lɛ koe ǹ dinin kɛn lɛn la, ǹ nɛnyaanan lɛa. Man die koe ǹ la, a ǹ wɔ baa. Ma din lɛ n Dɛnaa Lawa lɛa.»

Zeremii 31:27

Kànaa ka boɛɛn, man die minbuiin nɛn laanka tɔɔn pɛsɛ̃ Izirayeli laanka Zudaa gána nɛ ká ǹ bɛ́ màn tɔrɔ pɛsɛ̃ wuru-n lɔn. Dɛnaa Lawa a da ǹ boo ne.

Zeremii 32:37

Ma foo goã á yoo a zaman li. Bɛ lɛ nɛ, maa foo-yoo gole lɛ gɔ́ɔ̃ nɛ, má ǹ loo paǹ tumaa li gána gigiã nɛ. Sɛnɛ, ma á re wusii ma da ǹ nɛ kànaa, ǹ wusoo ǹ goã yii-nyɛɛ la.

Amɔɔsi 7:2

Bisinin lɛn bɛ́ ǹ nə́ gána lɛ a buu tumaa sɔ̃ ǹ nə́ nya, má tɔ́n pɛ kɛnɛn: «Dɛnaa, maa Lawa ma nə n nyankoe, Zakɔba tɔrɔn lɛn siɛ̃n toa ǹ nɛ, bɛ bie wa, maǹ die wàa biɛ? Ǹ nə́ ke ǹ nə́ ǹ ba tɛ dɔn dinin wa!»

Timəə dí-pɛn 30:1

Ma boon mɛnɛn tumaa pɛ má ǹ kaa tán ka giulun, a bǐɛ̃ nɛ ka a baraa nɛ, bɛ̀ ǹ mɛn a sii dɔ ka ganaa ǹ mɛn waáraa, kaa Lawa, Dɛnaa Lawa lɛ bɛ́ re woe ka nɛ bǎã mɛn nɛ, ka n toa walan ka n taasɛ,

Timəə dí-pɛn 30:4

Haalɛ ta kaa min mɛnɛn man bɛ̀rɛn lɛa kanaa lɛ dàn ganaa, kaa Lawa, Dɛnaa Lawa lɛ á re woe ǹ kuĩ walan, a da ǹ sɔkɔn.

Zozoe 21:43

Dɛnaa Lawa gána lɛ tumaa kɔ Izirayeli minin lɛn la. A giala, á goã á n lɛ kɔ ǹ digolon la, mà asɛ á re koe ǹ la. Izirayeli minin nə́ gána lɛ si, ǹ nə́ giã a nɛ.