Kiin1 7:8 - LAWA A BOO SONBORE

⁸ Salomɔn goã kion mɛn nɛ, bɛ na á goã sumu kɔsɔ nɛ, a goã sumu goon ne ka kion kɛ lɛ nɛ ǹ nə́ bíi "kii kion" wa. Sɛnɛ a dɔ ǹ gɔn na á goã goon ka "kii kion" lɛ wɔ nɛ. Salomɔn goã á *Faarahɔn a nɛlɔ mɛn saa lɔ lɛa, á kion dɔ á kɔ la. Bɛa kion lɛ a dɔ ǹ gɔn na á goã goon ka "kii kion" lɛ nɛ.

LAWA A BOO SONBORE 2011

⁸ Salomɔn goã kion mɛn nɛ, bɛ na á goã sumu kɔsɔ nɛ, a goã sumu goon ne ka kion kɛ lɛ nɛ ǹ nə́ bíi "kii kion" wa. Sɛnɛ a dɔ ǹ gɔn na á goã goon ka "kii kion" lɛ wɔ nɛ. Salomɔn goã á *Faarahɔn a nɛlɔ mɛn saa lɔ lɛa, á kion dɔ á kɔ la. Bɛa kion lɛ a dɔ ǹ gɔn na á goã goon ka "kii kion" lɛ nɛ.

Kiin1 7:8 ပူးပေါင်းရင်းမြစ်များ

Kiin1 3:1

Salomɔn lɛ kɔ wɔ ka Ezipti gána a kii ni, a ná a nɛlɔ wɔ lɔ lɛa. Ǹ bɛ́ kiwi mɛn bíi mà "Davida a kiwi", Salomɔn nɛlɔ lɛ koa walan, yǎa á ná a din gɔn tɔ kion dɔ á nya, ka Lawa a kion laanka kungɔn kɛ nɛ Zeruzalɛmu kiwi lɛnpɛnɛ.

Kiin1 7:9

Bɛa kionən kɛn lɛn tumaa, ǹ nə́ ǹ dɔ, maǹ nə́ kɔlɔ gɔgɔɔ̃ sɔnbɔraa nɛ, ǹ nə́ ǹ dɔ nɛ. Ǹ bɛ́ kɔlɔ sɛlɛ ǹ doa lɔn, maǹ nə́ bɛa kɔlɔn lɛn dɔn sɛlɛ miɛ̃. Maǹ nə́ ǹ kanaa wàã laanka ǹ gɔ́ɔ̃ wàã kuru ka kàka nɛ. Maǹ nə́ kionən lɛn dɔ ka bɛa kɔlɔn lɛn nɛ, a saa ǹ giala wɔ ganaa tán yǎa ǹ mɛnɛn kaa ǹ bǎã-n lon. Maǹ nə́ sumu gole lɛ a kungɔnɔn dɔ ka bɛa kɔlɔn lɛn nɛ.

Kiin1 9:16

Ezipti gána a kii goã á zia da Gezɛɛrɛ kiwi ganaa á kiwi lɛ kũ, á tɛ da a ganaa. A laan bɛ̀ a n tɛ lɛ diɛ a ganaa Kanaan minin mɛnɛn nə goã a nɛ, á bɛn dɛ. Bɛ kio, a nɛlɔ mɛn lɛ á ke Salomɔn a lɔ lɛa, á kiwi lɛ kɔ bɛ la, a kɔn-wɔ ǹ màn lɛa.

Kiin1 9:24

*Faarahɔn a nɛlɔ lɛ nə́ n toa "Davida a kiwi" á woo wɔ a kion kɛ nɛ, Salomɔn goã á dɔ, á kɔ la. Bɛ kio ne, Salomɔn tɔ́n bǎã kɛ dɔ, ǹ nə́ bii Miloo.

Kiin2 20:4

Izayii tɔn soo á n bɔ kiwi lɛ-n wa, bɛ̀ Dɛnaa Lawa á ke á boo da nɛ:

KZS2 8:11

Salomɔn ná a lɔ, *Faarahɔn a nɛlɔ kɛ bɔ "Davida a kiwi", á wo da kii kion kɛ nɛ á dɔ a wɔ lɛa. Salomɔn tɔ́n pɛ: «Maa lɔ doamaa bie a giã Davida, Izirayelin kii a kiwi wa. A giala, bɛ̀ ǹ nə́ Dɛnaa Lawa a goo sonbore kɛ koakionən mɛnɛn nɛ, maǹ kion sonboren lɛa.»