Kiin1 6:7 - LAWA A BOO SONBORE

⁷ Kion lɛ, ǹ bɛ́ doe, maǹ ná a dɔ ǹ kɔlɔ yii sɛlɛ lenlen, ǹ nə́ tɔ́n goa ǹ nə́ dɔ nɛ. Bɛ lɛ na á toa, ǹ bɛ́ doe, min nə yele wuu ma wa, min nə sukun wuu ma wa, min nə fɔlɔ màn kɔn wuu ma wa.

LAWA A BOO SONBORE 2011

⁷ Kion lɛ, ǹ bɛ́ doe, maǹ ná a dɔ ǹ kɔlɔ yii sɛlɛ lenlen, ǹ nə́ tɔ́n goa ǹ nə́ dɔ nɛ. Bɛ lɛ na á toa, ǹ bɛ́ doe, min nə yele wuu ma wa, min nə sukun wuu ma wa, min nə fɔlɔ màn kɔn wuu ma wa.

Kiin1 6:7 ပူးပေါင်းရင်းမြစ်များ

Kiin1 6:6

Tán kionən lɛn wo lon na á goã mɛtərə paa ka talɛɛ a bii wɔn wo lon na á goã mɛtərə sɔɔ, a lalan wɔn wo lon na á goã mɛtərə sɔɔ ka talɛɛ. Maǹ nə́ goã, ǹ nə́ kion lɛ kìri da kanaa ǹ ná a lɛnpɛnɛ nɛ, màn mɛn bɛ́ toɛ mɛnɛn mìi baran goã kion gɔ̀nɔn lɛ-n wa.

Kiin1 6:8

Kiɛnlɛ goon na á goã kion lɛ a gusin a lɛ̀gɔn la, tán kionən lɛn wɔ ǹ bǎã lɛa. Dii ǹ bǎã goã woe bii kionən lɛn laanka lalan wɔn lɛn ganaa.

Bɔ bɛ̀rɛbaa nɛ 20:25

Bɛ̀ ka tá wúlu bɔ ǹ bǎã lɛ doe ka kɔlɔ nɛ masɛ wɔ lɛa, ka baran dɔ ka kɔlɔ sɛlɛɛ-n wa. A giala, bɛ̀ ka sɛlɛ ka kaa sɛ̀miɛ̃ nɛ, ka á re a sonborebaa nyɛɛ.

Suusun 24:27

N dí gɔn nyɔmɔɔ kanaa, n wuru yɔrɔ bɔ, bɛ kio, ń tá boe la n nə n kion dɔ.

Izayii 42:2

A ba re n lɛ dii wa, a re parɛɛ wa. Min ba re a lɛ miɛ zii gialaa wa.

Nya ǹ dín 9:31

Bɛa biikoo kɛ li, Lawa a sɔmɔ minin mɛnɛn bɛ́ bǎã tumaa nɛ, Zudee gána nɛ, Galilee gána nɛ ka Samarii gána nɛ, bɛn nə́ goã yii-nyɛɛ la. Ǹ nə́ goã kɔn foo taɛ̃, ǹ nə́ n doe kɔn lɛ, ǹ nə́ goã tɔ we ka nyɛ́ɛbaa Dɛnaa yii-n ni. Lawa a Yiri Fu barka nɛ, màn na á goã miɛ ǹ li á woe nyɛɛnɛ.

Rɔmu minin 9:23

Min kɔsɔn dɔn tan, Lawa n die makara boe bɛn ganaa. Bɛn laan mà maǹ yii kanaa dinin, bɛ̀ Lawa ná a yɔrɔ bɔ, mà ǹ tá re ǹ wɔ gii yii a din a gugurubaa kɛ nɛ. Lawa n die a din a gugurubaa kɛ a golebaa nyɛɛ wɔ dinin lɛn manɛ.

Korɛnti2 5:5

Lawa din na á wɔ zɛnaa bɛa bɔyaa miɛ̃ kɛ lɛ taman yii, á Yiri Fu kɔ wɔ la, a biɛ̃ ǹ bǐɛ̃baa ǹ màn bibinaa lɛa.

Kolɔɔsi minin 1:12

ka boo la ka barka da Díi Lawa nɛ ka foo kɔɔ̃n nɛ. Lawa mɛn bɛ́ á zii bũ ka nɛ, a bɛ́ màn mɛn koɛ a minin manɛ, a din a wɔlɔ fúlu kɛ nɛ, a die a toa ka kaa wɔ gii yɛ bɛ nɛ.

Zaaki 1:20

A giala, bɛ̀ min foo yoo, a bɛ́ sii mɛn zɛnɛɛ bɛ gɔ́ɔ̃ nɛ, bɛa boe la a goã pepere Lawa yɔrɔ-a wa.

Piɛrɛ1 2:5

Bɛ̀ ka á n mɔrɛ bɛa kɔlɔ kɛ ganaa, ka dɔn man die goɛ̃ ka kɔlɔ yiikoonaan bɛ́ lɔn. Ǹ bɛ́ kɔlɔn kiɛ kɔn mìi-n lɔn a kion baa, ka dɔn man die goɛ̃ kun miɛ̃, Yiri Fu ka baa Lawa a kion lɛa. Ka á re goɛ̃ Lawa a wúlu-bɔlen zaman lɛa, kɔɔ̃n Lawa ganaa.