Kiin1 6:5 - LAWA A BOO SONBORE

⁵ Á kionən dɔ kɔn mìi-n sɔɔ, á doa kion lɛ gɔ̀nɔn ganaa á ná a lɛnpɛnɛ nɛ. Maǹ nə́ goã doa nɛ kion lɛ a gɔ́ɔ̃ gole lɛ-a ka kion gialaan bǎã sonbore kɛ nɛ.

LAWA A BOO SONBORE 2011

⁵ Á kionən dɔ kɔn mìi-n sɔɔ, á doa kion lɛ gɔ̀nɔn ganaa á ná a lɛnpɛnɛ nɛ. Maǹ nə́ goã doa nɛ kion lɛ a gɔ́ɔ̃ gole lɛ-a ka kion gialaan bǎã sonbore kɛ nɛ.

Kiin1 6:5 ပူးပေါင်းရင်းမြစ်များ

Kiin1 6:16

Bɛ kio, kion gialaan bǎã mɛn bɛ́ a gɔ́ɔ̃ n mɛtərə fù, Salomɔn da kaka gɔn patara patara naa tán bɛ nɛ, á kɛ dɔ naa a gɔ̀nɔn ganaa á woo kɛ pele kũ. Á bɛa kion gialaan lɛ gɔ́ɔ̃ zɛnaa, a baa bǎã sonbore sonbore lɛa.

Kiin1 6:31

Á olivie gɔn goo lɛ paa wɔ bǎã sonbore sonbore lɛ a kiɛnlɛ lɛ. Goo lɛ laanka a bìbìn lɛn bɛ́ bǎã mɛn siɛ, a tá kion lɛ a gùrù kununbaa a na kɔn sooro goon boe.

Kiin1 6:6

Tán kionən lɛn wo lon na á goã mɛtərə paa ka talɛɛ a bii wɔn wo lon na á goã mɛtərə sɔɔ, a lalan wɔn wo lon na á goã mɛtərə sɔɔ ka talɛɛ. Maǹ nə́ goã, ǹ nə́ kion lɛ kìri da kanaa ǹ ná a lɛnpɛnɛ nɛ, màn mɛn bɛ́ toɛ mɛnɛn mìi baran goã kion gɔ̀nɔn lɛ-n wa.

KZS1 23:28

Ǹ doamaa nɛ ǹ nə n dɔ Aarɔn a sɔmɔ minin kɛn lɛ Dɛnaa Lawa a dí a paǹ li, ǹ ga a sumun walan ka a kionən ne, ǹ *gɔ̀ bɔ màn sonboren kɛn tumaa-a ǹ ga ǹ walan, ka Lawa a kion a dí tumaa nɛ.

KZS1 9:26

Sɛnɛ kiɛnlɛ-lɛduə̃li min sii mɛn bɛ́ nyɛɛnaandɛnan lɛa, bɛn man nə́ goã bǎã lɛ-n duduu. Maǹ Levii tɔrɔn lɛa. Maǹ nə́ ǹsɛn koa Lawa a kion kɛ a gɔ́ɔ̃n mìi la, ka gɔn mànan mɛnɛn bɛ́ a nɛ.

KZS2 31:11

Ezekiasi pɛ maǹ kionən yɔrɔ bɔ Lawa a kion lɛ gɛnli. Ǹ bɛ́ ǹ ná a yɔrɔ bɔ ǹ nə́ nya,

KZS2 5:7

Lawa a wúlu-bɔlen nə́ wɔ ka lɛ kɔ kɔn la ǹ goo lɛ nɛ Lawa a kion, ǹ nə́ da a bǎã nɛ, bǎã sonbore sonbore kɛ nɛ. Maǹ nə́ da lon màn yiikoonaa nyínin lɛn nyàan giulun.

KZS2 5:9

A saa ǹ bàlàn lɛn man nə́ goã sɔsɔrɔ a tɔ-a. Kion lɛ a gɔ́ɔ̃ gole mɛn bɛ́ n na n tɔ n dɔ bǎã sonbore sonbore kɛ nɛ, min nə́ goã boe la a n toa bɛ gɔ́ɔ̃ nɛ a ǹ lɛwɔn yɛ. Sɛnɛ a ba boe la a n toa kanaa a ǹ yɛ wa. Bɛa bàlàn lɛn tan a da kaa pelo lɛ.

Nehemii 10:37

Lawa a wúlu-bɔlen mɛnɛn bɛ́ dí nyɛɛ wɔa Lawa a kion kɛ nɛ, wɔ́ lɛ kɔ wáa wɔ á die woe ka wɔa nɛgiĩ bibinaan laanka wɔa tɔɔn nɛ bibinaan nɛ bɛn li, wɔa Lawa a kion kɛ nɛ, ka a bɛ́ kiɛ̃-n dí-pɛn sɛ́wɔ kɛ-n lɔn. Wɔa tɔɔ dadaran nɛ bibinaan laanka wɔa tɔɔ bisinin wɔn nɛ.

Nehemii 12:44

Bɛa pinaa kɛ lɛ nɛ, mànan kaa ǹ kionən kɛn, ǹ nə́ mànan boe kiɛ ǹ nɛ, màn lɛ bibinaan nɛ, ka gɔn màn a fùbaa ǹ wɔ nɛ, ǹ nə́ giĩn kaa bɛn gama walan ganaa. Dí-pɛ bɛ́ mà ǹ mànan mɛnɛn bɔ, Lawa a wúlu-bɔlen laanka Levii tɔrɔn wɔ gii lɛa, man nə́ giĩn lɛn koa, màn mɛn bɛ́ toɛ bɛa mànan kɛn lɛn boe kiwi dadaran lɛkoro lɛ-a donən ne, ǹ nə ǹ si ǹ nə ǹ kaa mànan kaa ǹ kionən lɛn nɛ. Sonbore, Lawa a wúlu-bɔlen lɛn laanka Levii tɔrɔn lɛn dí kaa Zudaa minin lɛn foo la.

Loen 28:2

Bɛ̀ ma tá n din a kion sonbore kɛ nɛ, bɛ̀ ma á n gɔn diɛ n din la, bɛ̀ ma á n lɛ dii n ganaa n too kɔ, n maa gòã-kũ si.

Bɔ bɛ̀rɛbaa nɛ 25:22

Masɛ n die n toɛ walan lɛ nɛ, man din nyaa n nɛ, Goo lɛpii lɛ lalan, lon mànan lɛn bii ni dí-pɛn tamaa ǹ Goo lɛ la. Ma doamaa bɛ́ nɛ, ma boon mɛnɛn tumaa kɔ n la Izirayeli nɛnyaanan wɔ lɛa, ma á re bɛn tumaa pii n ni.

Loe kɔɔ̃n kɔɔ̃n 1:4

Ma kũ n ma da n kio, wɔ baa si. Ma n maa kii lɛa, ma kũ n wo ma nɛ n waa ǹ kion, n wɔ dinin paanan kaa nyɛnyɛɛ li, n wɔ foo kɔɔ̃n kɔ. N kɔn-narɛɛ ke a soɛ duvɛ̃ nɛ. Sonbore tá nɛnɛn lɛn lon, ǹ nə n narɛ.

Zeremii 35:2

«Wo dɔ Rekabu tɔrɔ minin li, n pɛ ǹ nɛ mà ǹ da wɔ Lawa a kion lɛ a kion nɛ goon ne. N tá re duvɛ̃ koe ǹ la walan ǹ mi.»

Zeremii 35:4

Á woo ǹ ne Lawa a kion, Idigaliya a nɛgiĩ, Lawa a min Hanan a nɛgiĩn kion nɛ kɛ nɛ. Bɛa kion nɛ lɛ n kiãn kion genli, Salumu a nɛgiĩ Maseya a kion nɛ kɛ lalan, ke Lawa a kion a wɔ ǹ kiɛnlɛ lɛduĩ.

Ezekieli 40:17

Bɛ kio, á ma kũ á wɔ ma nɛ kanaa Lawa a kion lɛ a sɔmɔ-n. Ma màn mɛn yɛ, bɛ á ke: Maǹ nə́ sɔmɔ gɔ́ɔ̃ duwəə, kion nɛ pɔsɔɔ na á lɛnpɛnɛ.

Ezekieli 40:44

Bɛ̀ ń sumu gɔ́ɔ̃ a kiɛnlɛ kɛ na, ń wɔ sumu lɛ gɔ́ɔ̃ nɛ, kion nɛ màn paa n sumu lɛ gɔ́ɔ̃ nɛ, loe-lɔlen wɔ lɛa. Goon nə gɔsɛ wɔ ǹ kiɛnlɛ a wàã ganaa a yɔrɔ n dia-n gusin a lɛ̀gɔn la, goon dɔ n gusin wɔ ǹ kiɛnlɛ lɛ a wàã ganaa, a yɔrɔ n dia-n gɔsɛ a lɛ̀gɔn la.

Ezekieli 41:4

Á kion lɛ a sasabaa zɔɔ̃. Bɛ na á goã gùrù yii fuə. A gɔ́ɔ̃ a golebaa dɔ na á goã gùrù yii fuə. Bɛ kio, á tɔ́n pɛ ma nɛ mà bǎã sonbore sonbore lɛ n ka bɛ nɛ.

Lawa a wúlu-bɔlen 16:2

á pɛ nɛ: a pɛ ǹ dɔɔ̃ngiĩ Aarɔn nɛ: Bǎã sonbore sonbore ke, kion bii kuru kɔn-a ǹ mɔnaa lɛ nyɛɛnɛ, Lawa a *lɛ kɔ kɔn la ǹ goo laanka a lɛpii kɛ yɔrɔ-a, a nyan toa a wɔ walan biikoo tumaa li wa, màn mɛn bɛ́ toɛ, a baran gã wa. A giala, ma á re goɛ̃ bɛ̀ man din nyaa goo lɛpii lɛ lalan tɛmaa bara bii.

Minin nimi 7:89

Bɛ̀ Muizu tá we kɔn yɛ ka Lawa nɛ ǹ kion kɛ nɛ, boo diɛ ka Lawa nɛ, á goã Dɛnaa Lawa lɛ miɛ boo diɛ nɛ. Boo-diɛ lɛn lɛ na á goã boe goo lɛpii kɛ lalan, lon màn yiikoonaan nyín màn paa kɛ bii n ni. Goo lɛpii lɛ na á goã *lɛ kɔ kɔn la ǹ goo lɛ la. Lawa na á goã nɛn bɛ̀ a boo da ka Muizu-n miɛ̃.