Kiin1 4:20 - LAWA A BOO SONBORE

²⁰ Zudaa gána minin laanka Izirayeli minin lɛn nə́ goã mɔnaa nɛ parsiini ka kɔ̀ mu lɛ-a ǹ nyɔɔsɔ̃ nɛ. Ǹ nə́ goã màn bii, màn mii ǹ foo yii n kɔɔ̃nɛ.

LAWA A BOO SONBORE 2011

²⁰ Zudaa gána minin laanka Izirayeli minin lɛn nə́ goã mɔnaa nɛ parsiini ka kɔ̀ mu lɛ-a ǹ nyɔɔsɔ̃ nɛ. Ǹ nə́ goã màn bii, màn mii ǹ foo yii n kɔɔ̃nɛ.

Kiin1 4:20 ပူးပေါင်းရင်းမြစ်များ

Siin Giala 13:16

Má á re n tɔrɔ mɔnɛɛ ka tán tii bɛ́ lɔn. Tán tii bɛ́ mɔnaa-n lɔn, min ná a boe la á nimii wa, n dɔ tɔrɔ n die mɔnɛɛ miɛ̃, min ná a boe la a nimi wa.

Siin Giala 15:5

Bɛ kio, á Abramu kũ á soo-n kanaa, á pɛ nɛ: «Ga lon, bɛ̀ ń tá boe la n leeren kɛn nimi, n nə ǹ nimi. N dɔ tɔrɔn man die mɔnɛɛ miɛ̃, min ba re boe la, a ǹ nimi a ǹ lɛ yɛ wa.»

Siin Giala 22:17

ma á re barka we n ne, ma n tɔrɔn mɔnaa, ka lon a leeren laanka kɔ̀ mu lɛ-a ǹ nyɔɔsɔ̃ bɛ́ lɔn. N tɔrɔn tá re ǹ zɔ́ɔn giã ǹ bǎã sii ǹ la.

Siin Giala 32:12

Bǐɛ̃ kɔ, n masɛ kanbaa ma gologiĩ Ezawu ganaa, a giala, ma á nyɛ́ɛ biɛ nɛ. Nyɛ́ɛ tá ma ganaa, a tɔn da wɔ dɛ, ma laanka maa lɔn nɛ, ka maa nɛnyaanan nɛ.

Kiin1 3:8

N din a zaman mɛn bɛ́ ń ná a yii gɔgɔɔ̃, n dí-nyali lɛ n bɛn bii. Ǹ tá mɔnaa-n taãn-taãnɛ yǎa min ba boe la a n nimi a n lɛ yɛ wa, ǹ mɔnaabaa lɛ gɔn.

Kiin1 5:9

Lawa Salomɔn yiri bũ, á sii-doɛ̃ gole laanka yiridɛnaabaa gole kɔ la ka sii-doɛ̃-gole nɛ a ná a ba n zoɛ̃ doɛ̃ wa.

Kiin2 18:31

Ka baran n too kɔ Ezekiasi lon wa, a giala Asiirii gána a kii lɛn pii kɛnɛn: «Ka giaárabaa zɛnaa ka masɛ nɛ, ka n dinin kɔ ma la, didie tá re a *rezɛ̃ da wuru a nɛ bii, didie tá re a gɔ́rɔ da nɛ bii, didie na a nyankɔrɔ zuzulu mu mii,

KZS1 12:39

Bɛa zia nɛn kɛn lɛn, ǹ yɔrɔ ń boe ne ziabaa dan la, ǹ tumaa daa Ebrɔn ka ǹ foo din tumaa nɛ màn mɛn bɛ́ toɛ ǹ Davida koa kii lɛa Izirayeli gána kuturu mìi la. Izirayeli min gialakunun lɛn tumaa dɔ goã ǹ nə́ daa ka gɔ́ɔ̃ goon ne, màn mɛn bɛ́ toɛ ǹ Davida lɛ koa kii lɛa.

KZS1 22:9

Á ke, nɛgiĩ á re yii n la, bɛ lɛ n die goɛ̃ là nyantoro min lɛa. Ma á re là nyantoro diɛ a bii ka zɔ́ɔn mɛnɛn tumaa bɛ́ a lɛnpɛnɛ. A tɔ n die goɛ̃ Salomɔn. Man die là nyantoro ka yii nyɛɛ koe Izirayeli la a yiikoonaabaa tumaa gɔ́ɔ̃ nɛ.

Zɔbu 1:18

Bɛ ba a wɔ diɛ á nyɛɛ wa, bɛ̀ goon bɛ́ á daa doo mà a nɛgiĩn lɛn laanka a nɛlɔn lɛn man nə́ goã màn bii ǹ goledɛnaa kɛ a kion.

Suusun 14:28

Kii a zaman a gigiãbaa na a tɔ boe. Sɛnɛ, gána a zaman a kiɛɛrɛ kɔ na a mɛnaa giala pii.

Boo-laakalaali 2:24

Màn kɔn din ba soɛ minbuiin nɛ ganaa wa. Bɛ̀ á n bɔ, a màn bii, a màn mi, a bɛ́ màn mɛn boe a dí ni, a n nyɛnyɛɛ bɛ la. Má yɛ, máa bɛ dɔ n Lawa a nya ǹ dí lɛa.

Izayii 22:13

Sɛnɛ, ka n ka goã nyɛnyɛɛ laanka foo kɔɔ̃nbaa la. Minin man diin dii, ǹ sèren dɛ. Maǹ siĩ soɛ̃, ǹ duvɛ̃ mi. Ka n pii: «Wɔ n màn bii wɔ màn mi a giala, biɛ̃ wɔ n die giɛ̃!»

Misee 4:4

Didie á re giɛ̃ tán a din a *rezɛ̃ da laanka a din a gɔ́rɔ da giulun. Min kɔn ba re nyɛ́ɛ diɛ ǹ ganaa wa. A giala, Dɛnaa Lawa Pàãyiidɛnaa din lɛ na á pɛ.

Zakarii 3:10

Bɛa pinaa lɛ nɛ, ka á re kɔn bíi kaa rezɛ̃ wurun ni ka kaa gɔ́rɔ dan giulun ni. Dɛnaa Lawa a da ǹ boo ne.»

Zakarii 9:15

Dɛnaa Lawa Pàãyiidɛnaa á re a zaman tamɛɛ. Ǹ tá re boe ǹ zɔ́ɔn la, ǹ nə ǹ baragii kɔlɔn yɔyɔrɛ. Ǹ tá re màn mii, ǹ bìn diɛ gole wɔ ka yɔ bɛ min yii ganaa lɔn. Ǹ tá re piɛ̃ ka *wúlu màn mà bɛ́ lɔn paan nɛ, hinlaa ka mà mɛn bɛ́ ǹ kaa *wúlu bɔ ǹ bǎã karan ganaa.

Nya ǹ dín 2:46

Ǹ goã nyaabiɛ Lawa a kion wa. Maǹ nə́ goã n lɛ kiɛ kun bɛ̀ ǹ wo baraabaraa. Maǹ nə́ goã màn bii kɔn a piɛn nɛ kun, ka nyɛnyɛɛ nɛ ka foo sonbore ne.

Samayeli1 30:16

Á tɔ́n woo Davida koa ǹ li. Amalɛki tɔrɔn lɛn man nə́ goã pɛsiɛ̃ nɛ gána lɛ paǹ yii-a, bɛ̀ ǹ tá màn bii, màn mii, ǹ màn damata mɛn si Filisiti gána laanka Zudaa gána nɛ, bɛ̀ ǹ tá zɔ́n zɛnɛɛ ka bɛn nɛ.