Kiin1 3:3 - LAWA A BOO SONBORE

³ Salomɔn goã Dɛnaa Lawa narɛ. Bɛ lɛ na á toa, ǹ di Davida landa boon mɛnɛn pɛ nɛ, á goã koe bɛn lɛ. Sɛnɛ, a dɔ na á goã tɔn wúlu boe, tɔn da yon gìĩ kɔɔ̃n tiɛ̃ bɛa wúlu bɔ ǹ bǎãn lɛn dininsɔɔ̃nɔn nɛ.

LAWA A BOO SONBORE 2011

³ Salomɔn goã Dɛnaa Lawa narɛ. Bɛ lɛ na á toa, ǹ di Davida landa boon mɛnɛn pɛ nɛ, á goã koe bɛn lɛ. Sɛnɛ, a dɔ na á goã tɔn wúlu boe, tɔn da yon gìĩ kɔɔ̃n tiɛ̃ bɛa wúlu bɔ ǹ bǎãn lɛn dininsɔɔ̃nɔn nɛ.

Kiin1 3:3 ပူးပေါင်းရင်းမြစ်များ

Kiin1 11:34

Ka bɛ yii ni, ma ba re kiibaa lɛ sii lenlen ma bɔ Salomɔn gɔn wa, man die toɛ pàã la miɛ̃ a yiikoonaabaa tumaa gɔ́ɔ̃ nɛ, maa dí-nyali Davida lɛ a lɛa, ma asɛ mɛn lɛ yii gɔgɔɔ̃, a giala á maa gɔn waa ǹ boon laanka maa landa boon kɛn tamaa.

Kiin1 11:38

Ma bɛ́ re n gɔn wɛɛ n nɛ ka sii mɛn tumaa nɛ, bɛ̀ n nə n too kɔ bɛ ganaa, ma bɛ́ re zii mɛn nyɛɛ n nɛ, bɛ́ ń kɔ bɛ lɛ, sii mɛn bɛ́ pepere ma yii li, bɛ̀ ń bɛ zɛnaa, bɛ̀ ń maa landa boon laanka maa gɔn waa ǹ boon kɛn tamaa ka maa dí-nyali Davida zɛnaa lɔn, ma á die goɛ̃ kunun n ni. Ma á die n kion lɛ gòãn we tán ka ma Davida wɔ baa lɔn. Ma á die Izirayeli tɔrɔn biɛ n wɔ lɛa.

Kiin1 11:4

Sonbore, Salomɔn bɛ́ á zizi kɔ ǹ mɛn waáraa, a lɔn lɛn ná a yiri bɔyaa ǹ nə́ da dìn guguru kɔ ganaa. A taasiɛ goã dia-n a Lawa, Dɛnaa Lawa lɛ la taãn doo, ka ǹ di Davida wɔ goã lɔn wa.

Kiin1 11:6

Sii mɛn bɛ́ baraa Dɛnaa Lawa yii li, Salomɔn bɛ zɛnaa, a kɔ Dɛnaa Lawa lɛ, a lɛ pã ka ǹ di Davida wɔ bɛ́ lɔn wa.

Kiin1 14:23

Ǹ dɔn man nə́ wúlu bɔ ǹ bǎãn doa, tíĩn ni, bìbìn ni, tentenen sɔsɔrɔ tumaa la, luu buruu bɛ́ da mɛn tumaa la, ka bɛn giulun ni, guguru kɔ ǹ wɔn lɛa.

Kiin1 14:8

Man má kiibaa lɛ si Davida a sumu minin la, má kɔ n la. Sɛnɛ n nə n baa ka maa dí-nyali Davida bɛ́ lɔn wa. Davida na á maa gɔn waa ǹ boon tamaa, á kɔ ma lɛ, ka a foo din tumaa nɛ, a sii zɛnaa tumaa n kiɛ ma foo la.

Kiin1 15:11

Sii mɛn bɛ́ peperee Dɛnaa Lawa yɔrɔ-a, Azaa na á bɛ zɛnaa ka ǹ digolo Davida zɛnaa lɔn.

Kiin1 15:14

A laanɛ Azaa dì wúlu bɔ ǹ bǎãn kɛn papaã wa, a na á goã Dɛnaa Lawa narɛ ka a foo din tumaa nɛ, a yiikoonaabaa tumaa gɔ́ɔ̃ nɛ.

Kiin1 15:3

Abiyamu ǹ di goã á sii baraan mɛnɛn zɛnaa a nyɛɛnɛ, a dɔ́ bɛn miãn zɛnaa. A na a Lawa, Dɛnaa Lawa lɛ narɛ ka a foo din tumaa nɛ, ka ǹ digolo Davida wɔ bɛ́ lɔn wa.

Kiin1 15:5

Dɛnaa Lawa na á bɛ zɛnaa, a giala, sii mɛn bɛ́ pepere a yɔrɔ-a Davida na á goã bɛ zɛnɛɛ. Davida a yiikoonaabaa tumaa gɔ́ɔ̃ nɛ, Dɛnaa Lawa goã dí-pɛn mɛnɛn koe la, a goã n piɛ̃ ka bɛ kɔn nɛ wa. Bɛ̀ á n bɔ Ɛti tɔrɔ, Urii a sii kɛ nɛ.

Kiin1 22:43

Zozafati na á ǹ di a tɔ wɔ ǹ gɔn saa, a ǹ kɔn toa walan wa. Màn mɛn bɛ́ pepere Dɛnaa Lawa yɔrɔ-a, a na á goã bɛ zɛnɛɛ.

Kiin1 22:44

Sɛnɛ wúlu bɔ ǹ bǎãn mɛnɛn nə goã ǹ tan, bɛn nə papaã wa. Zaman lɛ na á goã tɔn woe wúlu boe bɛa wúlu bɔ ǹ bǎãn lɛn la, ǹ da yon gìĩ kɔɔ̃n tã ǹ la.

Kiin1 3:14

Bɛ̀ n tá koe masɛ dùũ lɛ, ń masɛ a landa boon laanka maa gɔn waa ǹ boon kɛn tamaɛ, ka n di Davida goã zɛnɛɛ lɔn, masɛ n die nyín sasa koe n la.»

Kiin1 3:6

Salomɔn ná a lɛ si: «Ma di Davida lɛ, n dí-nyali lɛa, ń bǐɛ̃ gole zɛnaa nɛ. A giala, Davida tɔ wɔ kunun n ni ka bɔlɔgoondɛnaabaa nɛ, peperebaa laanka gɔ́ɔ̃ fùbaa nɛ n wɔ paǹ li. Ma nə ń bɛa bǐɛ̃ gole lɛ zɛnaa nɛ, ń nɛgiĩ kɔ la, nɛgiĩ mɛn lɛ á ke a kiibaa lɛ la pelo.

Kiin1 8:25

Sisia kəni, Izirayeli a Lawa, Dɛnaa Lawa, ma di Davida lɛ, n dí-nyali lɛa, n goã ń boo mɛn da bɛ nɛ, a lɛ pã, ka n bɛ́ ń pɛ lɔn, mà bɛ̀ a nɛnyaanan lɛn tɔ wɔ ǹ gɔn pepere kɔ nsɛ yɔrɔ-a ka a din tɔ wɔ lɔn n yɔrɔ-a, mà a din a min ba re nyaabiɛ duduu Izirayeli a kiibaa lɛ la wa.

Kiin1 8:61

Ka kaa taasiɛ toa bǎã goon ne wɔa Dɛnaa Lawa, wɔa Lawa wɔ paǹ li, màn mɛn bɛ́ toɛ ka tɔ wɔ a kɔnpɛ ka a landa boon kɛn nɛ, ka a gɔn waa ǹ boon kɛn tamaa ká ka bɛ́ zɛnɛɛ lɔn pelo.»

Kiin1 9:4

N din wɔ paǹ li, bɛ̀ ń tɔ wɔ ma yɔrɔ-a ka peperebaa laanka gɔ́ɔ̃ fubaa nɛ, ka ń di Davida goã zɛnɛɛ lɔn, man gɔn waa n nɛ ka sii mɛn tumaa nɛ, bɛ̀ ń bɛn zɛnaa, ń maa landa boon laanka maa sii yɔrɔ bɔ ǹ boon kɛn tamaa

Kiin2 12:3

Sii mɛn bɛ́ pepere Dɛnaa Lawa yii li, Zoasi bɛ zɛnaa a yiikoonaabaa tumaa gɔ́ɔ̃ nɛ. A giala Lawa a wúlu-bɔle Zozadaa lɛ na á goã darɛɛ.

Kiin2 12:4

Sɛnɛ, wúlu bɔ ǹ bǎãn kɛn nə papaã wa. Zaman lɛ na á goã tɔn woe wúlu boe wúlu bɔ ǹ bǎãn lɛn la, ǹ nə́ da yon gìĩ kɔɔ̃n dɔ tiɛ̃ ǹ la.

Kiin2 14:3

Sii mɛn bɛ́ pepere Dɛnaa Lawa yii li, Amasiya bɛ zɛnaa, sɛnɛ a bie ka a na á zɛnaa ka ǹ digolo Davida bɛ́ lɔn wa. A na á sii zɛnaa á kɔnpɛ ka ǹ di Zoasi wɔ-n ka te.

Kiin2 14:4

Sɛnɛ wúlu bɔ ǹ bǎãn nə papaã wa, zaman lɛ na á goã tɔn woe wúlu boe, bɛa wúlu bɔ ǹ bǎãn lɛn la, ǹ da yon gìĩ kɔɔ̃n tã ǹ la.

Kiin2 15:35

Sɛnɛ wúlu bɔ ǹ bǎãn kɛn nə papaã wa, zaman lɛ na á goã tɔn woe wúlu boe wúlu bɔ ǹ bǎãn lɛn la, ǹ da yon gìĩ kɔɔ̃n tã ǹ la. Lawa a kion a kiɛnlɛ gole ke, Zoatamu din na á dɔ.

Kiin2 15:4

Sɛnɛ wúlu bɔ ǹ bǎãn nə papaã wa, zaman lɛ na á goã tɔn woe wúlu boe wúlu bɔ ǹ bǎãn la, ǹ da yon gìĩ kɔɔ̃n tã ǹ la.

Kiin2 18:22

Ka tá re pii ma-n mà Dɛnaa Lawa lɛ, kaa Lawa lɛa, mà kasɛn manə n foo doɛ bɛ lɛ ganaa! Sɛnɛ táa a din lɛ nɛ Ezekiasi ná a wúlu bɔ ǹ bǎãn papaã, bɛ̀ á n pii Zudaa minin laanka Izirayeli minin ni: «Ka n die kiɛ tán *wúlu bɔ ǹ bǎã kɛ lɛ yɔrɔ-a Zeruzalɛmu.»

Kiin2 18:4

A din lɛ na á wúlu bɔ ǹ bǎãn lɛn papaã, á tíĩn yɔyɔrɛ, á dì Aseeraa nyín na kɔn. Muizu goã á miɛ̃ nyín mɛn zɛnaa ka zan nɛ, á bɛ dɔ nana kɔn, a giala Izirayeli nɛnyaanan lɛn man nə́ goã nyɔɔ gìĩ kɔɔ̃n tiɛ̃ tán bɛa miɛ̃ nyín lɛ nyɛɛnɛ, á daa dɔ bɛa biikoo lɛ ganaa. Maǹ nə́ goã miɛ̃ nyin lɛ bíi "Newusutan".

KZS2 15:17

Azaa a yiikoonaabaa tumaa gɔ́ɔ̃ nɛ, a foo din tumaa goã Lawa wɔ lɛa. Sɛnɛ, dì wúlu bɔ ǹ bǎã kɛn, bɛn nə papaã Izirayeli gána-n wa.

Loen 145:20

Min mɛn tumaa bɛ́ Dɛnaa Lawa narɛ, á re bɛn tamaɛ. Sɛnɛ, á re min baraan kɛn tumaa bɔ̀n biɛ.

Loen 31:23

Maa foo-ziziɛ̃ gɔ́ɔ̃ nɛ, man má goã taasɛ máa ma nə́ n ma loo ń ma bɔ n yɔrɔ-a. Sɛnɛ, ma bɛ́ má n gòã kũ, ń maa gòã-kũ si. Ma bɛ́ má n lɛ dɛ n-a, ń maa lɛ-dɛ ma.

Lawa a wúlu-bɔlen 17:5

Bɛ á die toɛ Izirayeli minin lɛn ba re woe ka ǹ tɔɔn nɛ don, mà maǹ biɛ wúlu màn lɛa wa. Ǹ tá re die ǹ koe Lawa a wúlu-bɔle la, Dɛnaa Lawa wɔ lɛa, kɔn yɛ ǹ kion kɛa kiɛnlɛ-a. Ǹ tá re wúlu boe ǹ ne Dɛnaa Lawa wɔ lɛa, barka da Dɛnaa Lawa nɛ ǹ wúlu mànan lɛa.

Matiə 22:37

Yezu tɔ́n pɛ nɛ: «N Dɛnaa Lawa narɛ ka n foo din tumaa nɛ, ka n gɔ́ɔ̃ din tumaa nɛ, ka n pàã din tumaa nɛ.»

Zaã a sɛ́wɔ 14:15

«Bɛ̀ ka tá masɛ narɛ, ka á re n doɛ ka kɔ maa dí-pɛn lɛn lɛ.

Zaã a sɛ́wɔ 14:21

«Bɛ̀ min mɛn lɛ kɔ masɛ a dí-pɛn lɛn ganaa, á kɔ ǹ lɛ, bɛa dɛnaa n masɛ narɛ; bɛ̀ min mɛn dɔ tá masɛ narɛ, maa Díi dɔ á re bɛa dɛnaa narɛ, ma dɔ á re bɛa dɛnaa narɛ, ma n din nyaa nɛ.»

Rɔmu minin 8:28

Wɔ á doɛ̃ dɔn, wáa min mɛnɛn bɛ́ Lawa narɛ, Lawa n dí nyɛɛ sii din tumaa nɛ bɛn bǐɛ̃ a lɛa. A din na á bɛn bíi, á kɔnpɛ ka a din a sii yɔrɔ bɔ nɛ.

Korɛnti1 8:3

Sɛnɛ, bɛ̀ min tá Lawa narɛ, Lawa tá ǹ dɛnaa doɛ̃.

Timəə dí-pɛn 10:12

Sisia kəni Izirayeli minin lɛn, kaa Lawa, Dɛnaa Lawa n giɛ li, mà ka wàa zɛnaa? Bɛ̀ á n bɔ ka nyɛ́ɛ baa nɛ, ka kɔ a foo sii tumaa lɛ, ka narɛ, ka dí nya nɛ ka ka foo tumaa nɛ, ka ka gɔ́ɔ̃ tumaa nɛ.

Timəə dí-pɛn 10:13

Ka Dɛnaa Lawa a gɔn waa ǹ boon laanka a landa boon kɛn tamaa, ma bɛ́ ǹ mɛnɛn lɛn koe ka la pelo, ka dinin bǐɛ̃ a lɛa.

Timəə dí-pɛn 11:13

Ma bɛ́ gɔn waa ǹ boon mɛnɛn koe ka la pelo, bɛ̀ ka n too kɔ bɛn li doɛ̃ sɛn, ká kaa Lawa, Dɛnaa Lawa narɛ ká dí nya nɛ ka ka foo tumaa nɛ, ka ka gɔ́ɔ̃ tumaa nɛ,

Timəə dí-pɛn 30:16

Ma bɛ́ n gɔn wɛɛ ka-n ka sii mɛn nɛ pelo, man máa ka kaa Lawa, Dɛnaa Lawa lɛ narɛ, ka kɔ a zii lɛ, ka a gɔn waa ǹ boon kɛn tamaa, ka a landa boon laanka a sii yɔrɔ bɔ ǹ boon kɛn nɛ. Bɛ á re toɛ ka yii goã koo, ka boo la ka mɔnaa. Ka bɛ́ re we gána mɛn nɛ ka si ka baa kaa wɔ lɛa, kaa Lawa, Dɛnaa Lawa lɛ á re barka dɔ diɛ ka ganaa walan.

Timəə dí-pɛn 30:20

Bɛ n ka kɛ nɛ: ka kaa Lawa, Dɛnaa Lawa lɛ narɛ, ka n too kɔ a lon, ka n naa a din lɛ ganaa. Bɛ lɛ n die toɛ ka yii goã koo. Dɛnaa Lawa nə n liɛ mà asɛ á re bǎã mɛn koe ka digolo Abrahamu la, Izaaki laanka Zakɔba nɛ, ka boo la ka giã walan ka belebɔ.

Timəə dí-pɛn 30:6

Kaa Lawa, Dɛnaa Lawa din tá re ka foo bɔyɛɛ, ka dinin laanka kaa nɛnyaanan nɛ, màn mɛn bɛ́ toɛ, ka kaa Lawa, Dɛnaa Lawa lɛ narɛ ka ka foo tumaa nɛ, ka ka gɔ́ɔ̃ tumaa nɛ, ka yii tɔn goã koo.

Timəə dí-pɛn 6:5

N Lawa, Dɛnaa Lawa narɛ ka n foo tumaa nɛ, ka n gɔ́ɔ̃ tumaa nɛ, ka n pàã tumaa nɛ.

Zaaki 1:12

Min mɛn bɛ́ nɔmaa sii a ganaa, bɛa dɛnaa wɔ á re bǐɛ̃ koe. A giala, bɛ̀ a bɔ a-n ka bǐɛ̃ nɛ, á re yiikoonaabaa yii. Min mɛnɛn bɛ́ Dɛnaa narɛ, a na á n lɛ kɔ, mà á die bɛ lɛ koe ǹ la.

Zaaki 2:5

Ka n too kɔ, ma dɔɔ̃n narɛɛ wolen lɛn. Min mɛnɛn bɛ́ doobaan lɛa kanaa minin yii li, Lawa na á bɛn lɛn bɔ, mà ǹ pàãman baa goleemali gɔ́ɔ̃ nɛ, ǹ Lawa a piɛ dɔ yɛ. Lawa na á n lɛ kɔ, mà á die bɛ lɛ koe a narɛɛ wolen la.

Samayeli1 9:12

Nɛnɛn lɛn nə́ ǹ lɛ si: «Hiĩ. A tá ka nyɛɛnɛ. Ka n nanaa kɛnɛn kɛnɛn, á daa kiwi gɔ́ɔ̃-n pelo, a giala wúlu bɔ tan zaman lɛ wɔ lɛa wúlu bɔ ǹ tenten la.