Kiin1 3:12 - LAWA A BOO SONBORE

¹² Á ke, n màn mɛn nyankɔ, masɛ n die bɛ zɛnɛɛ: Sii-doɛ̃ laanka yiridɛnaabaa mɛn bɛ́ min ná a tɔn yɛ n nyɛɛnɛ á kiɛ̃ wa, min ná a die yii n kio dɔn wa, man die bɛ koe n la.

LAWA A BOO SONBORE 2011

¹² Á ke, n màn mɛn nyankɔ, masɛ n die bɛ zɛnɛɛ: Sii-doɛ̃ laanka yiridɛnaabaa mɛn bɛ́ min ná a tɔn yɛ n nyɛɛnɛ á kiɛ̃ wa, min ná a die yii n kio dɔn wa, man die bɛ koe n la.

Kiin1 3:12 ပူးပေါင်းရင်းမြစ်များ

Kiin1 2:6

Sii lɛ zɛnaa ka n din yiri ni, sɛnɛ n baran toa Zoabu ka fùliimaa wo geren piɛ ka yii-nyɛɛ-n wa.

Kiin1 2:9

Sisia, n baran toa kooro dɔlɔ bɔ a ganaa baã wa. A giala, n tá sii doɛ̃, n din tá doɛ̃ n bɛ́ re sii mɛn zɛnɛɛ nɛ: A dɛ, a mìi ka fùliimaa, n da tii li.

Kiin1 3:28

Kii lɛ kiri mɛn kuru, Izirayeli kuturu bɛ boo ma. Ǹ nə́ kii lɛ yii guguru kɔ, a giala, ǹ nə́ dɔ̃ mà Lawa na á yiri kɔ Salomɔn la mà a sii yɔrɔ bɔ nɛ.

Kiin1 5:12

Salomɔn na á suusu duu sɔɔ da (3 000). A na á loe duu goon ka sooro lɔ (1 005).

Kiin1 5:9

Lawa Salomɔn yiri bũ, á sii-doɛ̃ gole laanka yiridɛnaabaa gole kɔ la ka sii-doɛ̃-gole nɛ a ná a ba n zoɛ̃ doɛ̃ wa.

KZS2 2:12

Kanna kəni man die giĩ goon diɛ n la, dí yɔrɔ doɛ̃ parasiini, Uramu-Abii, a yiri tan parasiini.

Nehemii 13:26

Má pɛ ǹ nɛ kɛnɛn: «Táa bɛ lɛ na á toa Izirayeli a kii Salomɔn sii baraa zɛnaa. Gána damata kɛn kiin bii, kii yɛ ka a bɛ́ lɔn wa. Á goã kɔɔ̃n Lawa ganaa. Lawa na á goã á koa kii lɛa, Izirayeli kuturu mìi la. A laanka bɛ yii ni, a din kɛ lɛ nɛ, tɔrɔ kɔsɔ lɔn nə́ nyanaa ǹ nə́ da sii baraa nɛ.

Loen 10:17

Dɛnaa Lawa, n din bɛ́ n pàãwɛɛnaan gɔ́ɔ̃gɔ́ɔ̃ ǹ siin zɛnɛɛ, n din nə ǹ foo taɛ̃, n din nə n too koe ǹ lon taãn-taãnɛ.

Suusun 2:6

Hiĩ, Dɛnaa Lawa din nə sii-doɛ̃ koe. Sii-doɛ̃ laanka yiri n boe a din li.

Boo-laakalaali 1:13

Sii mɛn tumaa bɛ́ n zɛnɛɛ kanaa kɛ nɛ, má da ma foo ne, má bɛ yii gɔsɛ ka sii-doɛ̃ nɛ, máa ma a giala ma: dí kaka n ka kɛ nɛ, Lawa da minbuiin nɛ mìi ni.

Boo-laakalaali 1:16

Má pɛ ma din gɔ́ɔ̃-n máa: á ke, má màn gole baa, min mɛnɛn tumaa Zeruzalɛmu a kii baa ma nyɛɛnɛ, maa sii-doɛ̃ la bɛn wɔ nɛ. Má sii-doɛ̃ gole yɛ, ka doɛ̃ nɛ.

Izayii 65:24

Ǹ laan bɛ̀ ǹ ma bíi, ma á re ǹ lɛ sii. Ǹ laan bɛ̀ ǹ nya boo diɛ ganaa, bɛ̀ má n too kɔ ǹ lon.

Matiə 12:42

Kiri kurii pinaa, lɔ mɛn bɛ́ á goã kii lɛa Saabaa gána nɛ, bɛ á re yui kun ka pelo minin kɛn nɛ, a ǹ zɛ̀rɛ baa. A giala, a na á bɔ kanaa bǎã sɔsɔɔ nɛ, á daa n too kɔ Salomɔn a sii-doɛ̃ boon kɛn ganaa. Màn tá kànaa á gole á la Salomɔn nɛ dɛ!

Luku 21:15

A giala, masɛ dinmaa lɛ n die boo koe ka la, kaa zɔ́ɔ kɔ́n ná a ba boe la a bɛ liere kɔ wa, masɛ n die yiridɛnaabaa dɔ koe ka la, kaa zɔ́ɔ kɔ́n ná a ba boe la a kaa boo kìi yiɛ wa.

Timəə dí-pɛn 34:9

Nunu a nɛgiĩ Zozoe yiri na á goã piɛ̃-n ka sii-doɛ̃ nɛ, a giala, Muizu na á goã á n gɔn da la. Izirayeli minin lɛn ná a bɔlɔ si. Dɛnaa Lawa goã á màn mɛn pɛ Muizu ni, mà a pɛ ǹ nɛ, maǹ nə́ sii tumaa zɛnaa á kɔnpɛ ka bɛ lɛ nɛ.

Kolɔɔsi minin 2:3

Minbuiin nɛ bɛ́ boe la, a sii mɛn tumaa dɔ̃ Lawa wɔ gɔn la, Krita din nə́ bɛ tumaa nyɛɛ.