Kiin1 22:8 - LAWA A BOO SONBORE

⁸ Izirayeli gána a kii lɛ pɛ Zozafati nɛ: Giĩ goon tá tɔn a tan, min nə́ boe la a n doa a ganaa a nɔ̀n da Dɛnaa Lawa la. Sɛnɛ bɛa giĩ lɛ sii ba masɛ ganaa wa, a giala, a ba Lawa a boo gii-dalibaa ǹ boo kɔɔ̃n pii masɛ wɔ paǹ li wa, yǎa a baraa dinsɔsɔɔ̃. Yimulaa a nɛgiĩ Misee ne. Zozafati nə́ n toa mà kii lɛ baran pɛ miɛ̃ wa.

LAWA A BOO SONBORE 2011

⁸ Izirayeli gána a kii lɛ pɛ Zozafati nɛ: Giĩ goon tá tɔn a tan, min nə́ boe la a n doa a ganaa a nɔ̀n da Dɛnaa Lawa la. Sɛnɛ bɛa giĩ lɛ sii ba masɛ ganaa wa, a giala, a ba Lawa a boo gii-dalibaa ǹ boo kɔɔ̃n pii masɛ wɔ paǹ li wa, yǎa a baraa dinsɔsɔɔ̃. Yimulaa a nɛgiĩ Misee ne. Zozafati nə́ n toa mà kii lɛ baran pɛ miɛ̃ wa.

Kiin1 22:8 ပူးပေါင်းရင်းမြစ်များ

Siin Giala 37:8

Ǹ golon lɛn nə́ tɔ́n a lɛ si ǹ nə́ pɛ: «A nə n yiri ni, mà n nə ǹ die giɛ̃ wɔsɛn mìi la kii lɛa kən le?» Bɛa narɛɛn lɛn taman yii, ka a bɛ́ boon mɛnɛn dɔn diɛ, a tìĩ wusoo á bɔ ǹ golon lɛn nyin ni doo, á la lɛlɛ wɔ nɛ.

Kiin1 18:4

Zezaabeli bɛ́ Dɛnaa Lawa a boo gii-dalin lɛn dii ǹ mɛn wàaraa, Obadia lɛ na á goã á Lawa a boo gii-dali paabiɛ kũ á ǹ duru kele yala paa gɔ́ɔ̃ nɛ min poposooro. Á goã màn-bii laanka mu koe ǹ la.

Kiin1 19:10

Yilii ná a lɛ si: «Ma la n paparɛ ka Lawa Pàãyiidɛnaa, Dɛnaa Lawa lɛ a sii ni. Izirayeli minin lɛn nə́ n lɛ kɔ kɔn la lɛ toa walan, ǹ nə́ n wúlu bɔ ǹ bǎãn ziziɛ̃, ǹ nə́ n boo gii-dalin dɛ. Masɛ dinsɔɔ̃ n má goã, maǹ giɛ li, ǹ ma dɔ dɛ.»

Kiin1 19:14

Yilii ná a lɛ si: «Masɛ la n paparɛ ka Lawa Pàãyiidɛnaa, Dɛnaa Lawa lɛ a sii ni. Izirayeli minin nə́ n lɛ kɔ kɔn la lɛ toa walan, ǹ nə́ n wúlu bɔ ǹ bǎãn ziziɛ̃, ǹ nə́ n boo gii-dalin dɛ. Masɛ dinsɔɔ̃ n n má goã, maǹ giɛ li, ǹ tá masɛ dɔ dii.»

Kiin1 21:20

Akaabu bɛ́ á Yilii yɛ, á pɛ nɛ: «Ee maa zɔ́ɔ, ń ma wɔlɔ yɛ kəni.» Yilii tɔ́n na a lɛ si: Má n wɔlɔ yɛ, a giala n nə́ n din kɔ dí baraa nya la, Dɛnaa Lawa yɔrɔ-a.

Kiin1 22:13

Ǹ goã ǹ nə́ min mɛn dia woe lɛ diɛ Misee la, bɛ pɛ nɛ: «Á ke, boo kɔɔ̃n tá boe Lawa a boo gii-dalin lɛn tumaa lɛ-n kii lɛ wɔ paǹ li. Toa n dɔ a boo lɛ kɔn saa ka ǹ wɔ lɛ nɛ! Boo kɔɔ̃n da!»

Kiin1 22:18

Izirayeli a kii lɛ tɔ́n pɛ Zozafati ni: «Ma pɛ n nɛ wa? Misee bie Lawa a boo gii-dali baa ǹ boo kɔɔ̃n diɛ masɛ wɔ paǹ li wa, yǎa a baraa.»

Kiin1 22:27

N pɛ ǹ nɛ, mà kii mà ǹ giĩ kɛ da kòso-n. Ǹ kòso nɛn màn-bii laanka ǹ mu kɔ la, yǎa ma boe zia la ma die, ma din yii lɛa.»

Kiin1 22:7

Sɛnɛ Zozafati nɔ̀n da: «Dɛnaa Lawa a boo gii-dali kɔsɔ ba kànaa, wɔ n boe la wɔ n doa a ganaa, wɔ nɔ̀n da Dɛnaa Lawa la wa?»

Kiin1 22:9

Izirayeli gána a kii lɛ tɔ́n lɛ dia a kiodɛnaa goon la, á pɛ nɛ: «Wo Yimulaa a nɛgiĩ Misee kũ kɛnɛn kɛnɛn n da nɛ!»

Kiin2 9:22

Zoramu yii mɛ Zewu ganaa lɔn gɔrɔ, á n toa: «Zewu, bǐɛ̃ nɛ?» Zewu ná a lɛ si: «Wàa bǐɛ̃ nɛ! A da yaa n dan Zezabɛli lɛ n tɔn woe nyɛɛnɛ ka a dì guguru koe kɛ laanka a kɔnkoãbaa zaã kɛa zɛnaa nɛ.»

KZS2 36:16

Sɛnɛ, Izirayeli minin lɛn man nə́ goã yaa we Lawa a dia dí-a wolen lɛn ganaa, ǹ ba Lawa a boon kɛn diɛ sii li wa, ǹ nə́ Lawa a boo gii-dalin foo saa. Bɛ lɛ nɛ, Dɛnaa Lawa a foo-yoo gole kɛ nə́ n sawaa zaman lɛ la, ǹ nə́ ǹ ba boe sii kɔn la ǹ zɛnaa wa.

Loen 34:21

A n giɛ a wen tumaa walan, a we goon din ba yiɛ wa.

Suusun 15:12

Din koa wole a lɛ koe gɔn waa ma-n ganaa wa. A ba n mɔrɛ sii-dɔ̃li ganaa wa.

Suusun 29:10

Min sonboren tìĩ boemaa nɛ gɛ̀-dɛlin manɛ, sɛnɛ min peperen man koɛ kunun ǹ ni.

Suusun 9:8

N nyan doroo kɔ yaa wɔ minin ganaa wole la wa. Bɛ bie wa, a nə n biɛ zɔ́ɔ. Sɛnɛ, bɛ̀ n doroo kɔ sii-dɔ̃li la, ma n kɔɔ̃n koe a ganaa.

Izayii 3:11

Sɛnɛ, min baraan wɔ n ka bɔ̀n nɛ, bɔ̀n woo bɔ̀n. A giala, a baraa mɛn zɛnaa, bɛ lɛ n die kuĩ a mìi ni.

Izayii 30:10

Maǹ pii sii-nyaalin manɛ: «Ka nyan sii-nyaa yɛ doo wa.» Maǹ pii Lawa a boo gii-dalin manɛ: «Ka nyan Lawa a boo gii da wɔ-n doo wa. Boo mɛn bɛ́ sonbore lɛa, ka nyan bɛ pɛ wɔ-n doo wa. Boo mɛn bɛ́ kɔɔ̃n wɔ too ne, haalɛ ta a n soɛ lɛa, ka bɛ pɛ wɔ nɛ.»

Izayii 49:7

Dɛnaa Lawa pɛ, asɛ mɛn bɛ́ Izirayeli si sii la wole lɛa, a n Izirayeli a Lawa sonbore lɛa. A n kɛ pii n ni, nsɛ mɛn bɛ́ ǹ nə́ n pɔpɔsɛ, n tìĩ n boe-n zaman nɛ, nsɛ mɛn bɛ́ kii kakaarɛn bɛ̀rɛ lɛa: «Bɛ̀ kiin nə́ n yɛ, ǹ tá re yui lon n nyɛɛnɛ. Bɛ̀ kiãn yii mɛ n ganaa, ǹ tá re kiɛ tán ǹ lɛ la n yɔrɔ-a.» Bɛ n die n zɛnɛɛ Dɛnaa Lawa a bɔlɔgoondɛnaabaa taman yii, Izirayeli a Lawa sonbore kɛ taman yii, a din mɛn lɛ nə n bɔ á n koa.

Zeremii 18:18

Minin man pii: «Ka daa wɔ boo wɔ kɔn Zeremii ganaa! Wɔa foɛ̃ Lawa a wúlu-bɔle li a wɔ daraa dí-pɛn ganaa wa, hinlaa sii-dɔ̃li li a yiri kɔ wɔ la wa. Wɔa foɛ̃ Lawa a boo gii-dali li a Lawa a boo da wɔ-n wa. Ka wɔ n tan, wɔ yoo a gialaa, wɔ boo baraa da a ganaa. Wɔ nyan nə n too kɔ a da ǹ boon li wa!»

Zeremii 20:10

Má boo baraa gigiã ma minin lɛ-n. Maǹ pii: «Nyɛ́ɛ n bǎã tumaa nɛ.» Ǹ tɛnɛn dɔn man pii: «Ka a giala da kanaa.» Maa giaáran dinin man giɛ maa mɛnaa li. Maǹ pii: «Kɔntan, wɔ á re tɔwɛɛ, wɔ pàã la nɛ, wɔ wɔa gɛ̀ dòo bɔ a ganaa!»

Zeremii 36:23

Bɛ̀ Yewudi sɛ́wɔ lɛ a paǹ mɛn pɛ á nya, kii lɛ n bɛ kukuri ka gɔya boɛɛn nɛ a zũ tɛ-n. A zɛnaa miɛ̃ yǎa sɛ́wɔ munii lɛ nya lenlen.

Zeremii 38:4

Bɛ kio, gána nyɛɛnaandɛnan nə́ pɛ kii Sedekiasi ni: «Zeremii dɛ a gã. A bɛ́ boo mɛn diɛ, bɛ n sɔraasin foo ziziɛ̃, ka zaman kɛ nɛ kiwi. A bie giɛ zaman lɛ a bǐɛ̃ li wa, a n giɛ a koe li.»

Amɔɔsi 5:10

Min mɛn bɛa lɛ koe mɛnaa mala-a wa, bɛa dɛnaa tìĩ n boe ne ka nyin ni. Bɛ̀ min mɛn tá taãn pii, bɛa dɛnaa tìĩ n boe kasɛn nyin ni.

Misee 2:11

Min mɛn bɛ́ re die boo kooro diɛ ka nɛ, a soɛ bɔ ka nɛ, mà ka á die duvɛ̃ laanka yɔ kakaarɛ yii, táa ka n giɛ bɛ miã min lɛ li. Sɛnɛ min tɛnɛn maǹ baãnaabaa ǹ boo kɛ diɛ zaman lɛ nɛ:

Misee 2:7

Zakɔba tɔrɔn lɛn, ka dinin da ǹ boo n ke sonbore? Ká mà Dɛnaa Lawa a sii simaa lɛ na á nya? Ká mà a nya ǹ dí n ka kɛ-n sonbore? Min mɛn bɛ́ tɔ pepere we, masɛ a boo lɛ a là lɛa bɛ ganaa wa?

Zakarii 11:8

Bɛ kio, ma boo la má n foo kũ sèren-lɛduə̃lin lɛn li wa. Ma dɔ nə́ ǹ dɔn gɔ̀nɔn bɔ. Mui goon gɔ́ɔ̃ nɛ, má sère-lɛduə̃li sɔɔ toa walan.

Matiə 10:22

Min din tumaa á die ka biɛ zɔ́ɔ masɛ tɔ taman yii. Sɛnɛ, bɛ̀ min mɛn si a ganaa yǎa a woo kaa a lɛ nyɔmiɛ̃ lɛ, Lawa á die bɛa dɛnaa kirisibiɛ.

Zaã a sɛ́wɔ 17:14

Masɛ Lawa din a boo pɛ ǹ nɛ, kanaa minin nə́ ǹ baa zɔ́ɔ, a giala, kanaa wɔn bie ǹ ne wa, ka masɛ dɔ bɛ́ ma ba kanaa wɔ lɛa lɔn wa.

Zaã a sɛ́wɔ 7:7

Kanaa minin ba boe la ǹ kasɛn baa zɔ́ɔ wa, sɛnɛ, masɛ, maǹ ma biɛ zɔ́ɔ, a giala, masɛ nə ǹ sɔ̀n pii, ǹ zɛnaa ǹ siin ba siĩn wa.

Galaasi minin 4:16

Sɛnɛ kanna, ma taãn mɛn lɛ pɛ ka nɛ, bɛ n ma biɛ kaa zɔ́ɔ lɛa?