Kiin1 22:5 - LAWA A BOO SONBORE

⁵ Zozafati wusoo á pɛ Izirayeli gána a kii lɛ nɛ mà a nɔ̀n da Dɛnaa Lawa la bɔrɔ.

LAWA A BOO SONBORE 2011

⁵ Zozafati wusoo á pɛ Izirayeli gána a kii lɛ nɛ mà a nɔ̀n da Dɛnaa Lawa la bɔrɔ.

Kiin1 22:5 ပူးပေါင်းရင်းမြစ်များ

Kiin1 22:4

Izirayeli gána a kii lɛ nɔ̀n da Zozafati la: «N tá li n wo zia baa Ramɔti kiwi ganaa Galaati gána nɛ kun ka masɛ-n ya?» Zozafati ná a lɛ si: «N bɛ́ re n sii we zia lɛ-n lɔn, ma dɔ n die maa wɔ we a-n miɛ̃. N zaman sii bɛ́ re goɛ̃ zia lɛ-n lɔn, ma dɔ a zaman sii n die goɛ̃ a-n miɛ̃. N sùin sii bɛ́ re goɛ̃ zia lɛ-n lɔn, ma dɔ wɔn sii n die goɛ̃ a-n miɛ̃.»

Kiin1 22:6

Izirayeli gána a kii lɛ tɔ́n Lawa a boo gii-dali, biɛsii (400) kɛ miã lɛ sɔkɔn, á pɛ ǹ nɛ: «Ma á boe la ma wo zia baa Ramɔti kiwi Galaati gána nɛ, hinlaa ma a lɛ da?» Lawa a boo gii-dalin lɛn ná a lɛ si ǹ nə́ pɛ: Woo! Dɛnaa Lawa tá re we n gɔn.

Kiin2 1:3

Sɛnɛ Tisibu min Yilii lɛ, Lawa a boo gii-dali lɛa, Dɛnaa Lawa a lon a dia dí-a wole goon pɛ bɛ nɛ, mà a wo n da Samarii gána a kii a dia dí-a wolen lɛn lɛ, a pɛ ǹ nɛ kɛnɛn: – Lawa na a banban Izirayeli gána nɛ ka tá nɔ̀n diɛ la wa, yǎa ka woe Ekrɔn kiwi a dì Baali-Zebubu li?

Kiin2 3:11

Kii Zozafati nɔ̀n da: «Dɛnaa Lawa a boo gii-dali ba kànaa, wɔ n boe la wɔ n doa a ganaa, a nɔ̀n da Dɛnaa Lawa la wa?» Izirayeli gána a kii a dí-nyali goon boo saa á pɛ: «Safati a nɛgiĩ Yiliizee lɛ, á goã dí nyɛɛ Yilii giulun, bɛ tá kànaa.»

KZS1 10:13

Sayulu lɛ na á gã, a giala a na á bɔlɔgoonbaãdɛnaa baa Dɛnaa Lawa wɔ paǹ li. A na a kɔ Dɛnaa Lawa a dí-pɛn lɛ ka a yɔrɔ-n wa. Á goã dinin á kanbaa Lawa la á woo gere nyin bii á nɔ̀n da la. Bɛ lɛ nɛ Dɛnaa Lawa toa á gã, a ná a kiibaa lɛ saa á kɔ Zesee a nɛgiĩ Davida la.

Zeremii 21:2

«Bǐɛ̃ kɔ n nɔ̀n da Dɛnaa Lawa la wɔa lɛa. A giala, *Baabiloniin kii Nebukadenezɔɔrɔ yoo ka zia-n wɔ gialaa. Kɔntan, Dɛnaa Lawa á re kaãbaa sii zɛnɛɛ a na a wɔlɔ lui wɔ ganaa.»

Ezekieli 14:3

– Nsɛ minbuiin a nɛ, minin kɛn lɛn dìn sii tá kaka ǹ ganaa. A din dìn lɛn manə ǹ kiɛ sii baraa zɛnaa ganaa. Ma á re toɛ bɛa minin lɛn nə nɔ̀n da ma la ka sii ni sonbore?

Minin nimi 27:21

Zozoe lɛ die a goã bɛ̀ a golee Lawa a wúlu-bɔle Eleyazaara kɛ yɔrɔ-a, bɛ̀ a ga a sii giala li Lawa li, ka Lawa dùũ dɔ ǹ mànan kɛn nɛ. Zozoe lɛ laanka Izirayeli zaman lɛ die a Eleyazaara lɛ bɔlɔ si ka sii yii ni.»

Zozoe 9:14

Izirayeli minin nə́ ǹ màn-bii lɛ kɔn si ǹ nə́ bii, sɛnɛ, ǹ nɔ̀n da Dɛnaa Lawa la ka a lɛ gɔ́ɔ̃ ǹ boo-n wa.

Sii yɔrɔ-bɔlen 1:1

Zozoe a gɛ̀ kio, Izirayeli minin nə́ nɔ̀n da Dɛnaa Lawa la ǹ nə́ pɛ: «Wɔ tɔrɔ kɛ mɛn nə die woe bibinaa nɛ, a zia baa Kanaan gána minin kɛn ganaa?»

Sii yɔrɔ-bɔlen 20:18

Izirayeli minin lɛn nə́ yoo, ǹ nə́ woo Betɛli, ǹ nə́ nɔ̀n da Lawa la kɛnɛn: «Wɔsɛn tɔrɔn lɛn mɛn nə die woe zia biɛ Bɛnzamɛn tɔrɔn lɛn ganaa bibinaa nɛ?» Dɛnaa Lawa nə́ ǹ lɛ si: Zudaa tɔrɔn man die woe bibinaa nɛ.

Sii yɔrɔ-bɔlen 20:29

Izirayeli minin lɛn nə́ minin koa duru ǹ bǎãn nɛ, ǹ nə́ Gibeya kiwi lɛnpɛnɛ nɛ.

Samayeli1 14:18

Sayulu pɛ Ayia nɛ: «Dɛnaa Lawa a goo lɛ wɔlɔ kunu kɔ.» A giala, bɛa biikoo lɛ li, Dɛnaa Lawa a goo lɛ goã a tan Izirayeli nɛnyaanan lɛn li.

Samayeli1 23:2

Davida nɔ̀n da Dɛnaa Lawa la: «Ma doamaa nɛ ma wo Filisiti minin kɛn gialaa? Ma á die boe ǹ la?» Dɛnaa Lawa ná a lɛ si mà a woo, mà a tá re boe Filisiti minin lɛn la, a Kelaa kiwi si a da.

Samayeli1 23:4

Davida tɔ́n nɔ̀n da Dɛnaa Lawa la doo; Dɛnaa Lawa pɛ nɛ: «Yoo n zii saa, n wo Kelaa, a giala, ma á re Filisiti minin lɛn we n gɔn.»

Samayeli1 30:8

Davida nɔ̀n da Dɛnaa Lawa la kɛnɛn: «Bɛ̀ masɛ sɔraasin kɛn kio loo, ma á die doe ǹ ganaa?» Dɛnaa Lawa pɛ nɛ: «Ǹ kio loo. N tá re doe ǹ ganaa n nə minin lɛn si, n nə ǹ kaa.»