Kiin1 22:22 - LAWA A BOO SONBORE

²² Yiri lɛ pɛ Dɛnaa Lawa nɛ: «Man die woe ma Akaabu a Lawa a boo gii-dalin lɛn tumaa kaa soɛ bɔ ganaa.» Dɛnaa Lawa tɔ́n pɛ nɛ: «Woo n na a mìi dɔ li, n tá re boe la. Wo zɛnaa miɛ̃.»

LAWA A BOO SONBORE 2011

²² Yiri lɛ pɛ Dɛnaa Lawa nɛ: «Man die woe ma Akaabu a Lawa a boo gii-dalin lɛn tumaa kaa soɛ bɔ ganaa.» Dɛnaa Lawa tɔ́n pɛ nɛ: «Woo n na a mìi dɔ li, n tá re boe la. Wo zɛnaa miɛ̃.»

Kiin1 22:22 ပူးပေါင်းရင်းမြစ်များ

Kiin1 13:18

Giĩ zizi lɛ tɔ́n pɛ nɛ: «Masɛ dɔ n Lawa a boo gii-dali lɛa, ka n dɔ bɛ́ lɔn. Dɛnaa Lawa lon a dia dí-a wole goon dia die pii ma nɛ mà man lɛ goa, n nə n ta kun ka masɛ-n piɛ, n die n màn bii, n mu mi.» Sɛnɛ giĩ zizi Lawa a boo gii-dali lɛ na á goã á soɛ bɔ nɛ.

Kiin1 22:20

Dɛnaa Lawa nə́ n toa: «Die n die Akaabu mìi doe li, màn mɛn bɛ́ toɛ a wo zia baa Ramɔti kiwi Galaati gána nɛ, ǹ dɛ walan?» Lon a dí-nyalin lɛn ná a lɛ sisi, kɛn mà kɛnɛn, kɔsɔn dɔn mà kɛnɛn.

Kiin1 22:21

Yǎa yiri goon tɔn nə n zɔ̃, á daa giã Dɛnaa Lawa yɔrɔ-a á pɛ nɛ: «Masɛ á re a mìi doe li.» Dɛnaa Lawa nɔ̀n da la: «Ma n die a mìi doe li lɔn?»

Kiin2 3:13

Yiliizee pɛ Izirayeli gána a kii lɛ nɛ: «Wàa dɔ n wɔsɛn bii ni? N di laanka ǹ dan goã woe Lawa a boo gii-dalin soɛ-bɔlin mɛnɛn lɛn li, wo bɛn lɛn li.» Izirayeli gána a kii lɛ ná a lɛ si: «Haayii! A giala Dɛnaa Lawa na á lɛ dia kii sɔɔ kɛ la, á n die ǹ we Moabu gána a kii gɔn.»

Zɔbu 1:12

Dɛnaa Lawa tɔ́n pɛ Zɔ́ɔ lɛ nɛ: «Haya le! Màn mɛn tumaa bɛ́ Zɔbu wɔ lɛa, ǹ tá n gɔn. Sɛnɛ, n nyan toa n nə n gɔn da a dinmaa kɛ ganaa wa.» Bɛ kio, Zɔ́ɔ lɛ woo á n bɔ Dɛnaa Lawa yɔrɔ-a.

Zɔbu 12:16

Boo sii la laanka yiridɛnaabaa na a din wɔ lɛa. Ǹ bɛ́ ǹ nə́ min mɛn yiri sã, ka min mɛn dɔ din bɛ́ á n din sã, ǹ tumaa a sii n Lawa gɔn.

Loen 109:17

Minin koe boo na á goã kɔɔ̃n a ganaa, bɛ lɛ die a wusoo, a na a din yɛ. Minin barka dama-a ǹ boo goã kɔɔ̃n a ganaa wa, a dɔ baran barka dama-a yɛ wa.

Izayii 19:14

Dɛnaa Lawa na á ǹ yiri lɔlɔkɔn. Sonbore, bɛa kiãn lɛn man Ezipti yiri siɛ̃ a zɛnaa ǹ sii tumaa nɛ. Ezipti na á kɔnbɔ ka yɔdɛnaa nɛ n lɔloɛ a pisəə ne.

Ezekieli 14:9

Ta Lawa a boo gii-dali ni, bɛ̀ á toa ǹ nə́ bebele ǹ nə́ da boo-diɛ ganaa, masɛ din Dɛnaa Lawa n má bɛa boo gii-dali kɛ lɛ sã. Ma á re yui bɛa dɛnaa gialaa, ma dɛ ma bɔ maa zaman, Izirayeli minin kɛn bii.

Zakarii 13:2

Dɛnaa Lawa Pàãyiidɛnaa a da ǹ boo á ke: – Bɛa waáraa, lawa kooron kɛn, ma á re bɛn boe ma ǹ bɔ gána lɛ nɛ, ǹ tɔ a re n pii doo wa. Yiri din ba re gisĩ ǹ ni doo wa. Man die Lawa a boo gii-dali soɛ-bɔlen kɛn dɔn lui ma ǹ bɔ gána lɛ nɛ, kɔnlɛ ka dì guguru kɔ ǹ taasiɛ nɛ.

Zaã a sɛ́wɔ 8:44

Kaa díi n ka *Sɛtaan nɛ, ka ǹ giɛ li ka kaa díi foo sii zɛnaa. A kũ kanaa a giala kɔ waáraa ganaa, a dí n ka gɛ̀ dɛ nɛ. A lɛ kɔ sonbore ganaa wa, a giala, sonbore kɔ́n ba a gɔ́ɔ̃-n wa. Bɛ̀ á soɛ boe, a din lɛ mui sii na á zɛnɛɛ, a giala, a n soɛ-bɔle lɛa, soɛ a díi dɔ nɛ.

Timote1 4:1

Yiri Fu n pii foaãnɛ, mà lɛawaan mɛnɛn bɛ́ die, mà minin tɛnɛn tá re n piɛ̃ ka Lawa a zii tɔ-wɔ nɛ. Mà ǹ tá re n parɛɛ yiri sã ǹ boon ganaa, ka nɔ̀ɔnɔn minin daraa ǹ boon ne.

Zaã1 4:6

Sɛnɛ, wɔsɛn man Lawa wɔn lɛa. Min mɛn bɛ́ n din koe Lawa-doɛ̃ la, bɛ nə n too koe wɔ lon. Min mɛn bɛ́ a Lawa wɔ lɛa wa, bɛ ba n too koe wɔ lon wa. Yiri mɛn bɛ́ sonbore pii ka minin sã ǹ yiri ke, wɔ ǹ bɛn bɔkɔnlɛ doɛ̃ bɛ li.

Sii-nyaan 13:14

Tɔɔ bibinaa lɛ pàã mɛn kɔ la, a na á goã tán minin yiri siɛ̃, ka bɛa kaãbaa ǹ siin lɛn nɛ, Tɔɔ lɛ yɔrɔ-a. Á pɛ tán minin manɛ, mà Tɔɔ bibinaa mɛn bɛ́ ǹ ná a mìi yaga, sɛnɛ, a ná a gã wa, mà ǹ nyín goon zɛnaa ka bɛ tɔ nɛ.

Sii-nyaan 17:17

A giala Lawa na á taasiɛ goon wɔ ǹ foo ne, mà ǹ nə n pàã tumaa kaa kun ǹ dí nya tɔ kɛ nɛ, yǎa Lawa a boo-diɛn lɛn tumaa lɛ piɛ̃.

Sii-nyaan 20:10

Bɛ ganaa, ǹ nə́ nɔ̀ɔn babaraan kiã kɛ kũ, ǹ nə́ zũ kiribi tɛ panapana kɛ nɛ, ǹ goã ǹ nə́ Tɔɔ kɛ laanka a boo gii-dali soɛ-bɔle kɛ zũ bǎã mɛn nɛ ke lɛn. Ǹ tá re nɔmaa ǹ fuu yii walan baayɛlɛ ka tèlò ne yǎa duduu.

Sii-nyaan 20:3

Lon a dia dí-a wole lɛ tɔ́n zũ nɔmaa ǹ nyankɔrɔ zuzulu lɛ nɛ, a ná a lɛ sɔɔ ka goo nɛ nɛ. Á zoo gón dɔ da a ganaa, a n gòon bǎã da a nɛ, min kɔ́n ná a boe la, a na a lɛ bũ wa, mà a nyan boo la, a tɔrɔ kɔ́n yiri sã doo wa, yǎa lɛ̀ duu goon lɛ piɛ̃. Bɛ̀ bɛ́ kiɛ̃, ǹ tá re fore ǹ da, a biikoo boɛɛn dinsɔɔ̃ zɛnaa.

Sii-nyaan 20:7

Bɛ̀ lɛ̀ duu goon lɛ dɔ, ǹ tá re Sɛtaan boe kòso-n ǹ da.

Sii yɔrɔ-bɔlen 9:23

Bɛ kio, Lawa Abimelɛki laanka Sisɛmu kiwidɛnan lɛn kaa kɔn. Sisɛmu kiwidɛnan lɛn nə́ n bɔyaa Abimelɛki li.

Samayeli1 16:14

Dɛnaa Lawa yiri woo, á Sayulu daa. Dɛnaa Lawa toa nɔ̀ɔn baraa gisĩ Sayulu la, á goã a yiri lɔlɛkɔn.

Samayeli1 18:10

Bɛa lɛawaa, Dɛnaa Lawa nɔ̀ɔn baraa lɛ da Sayulu ganaa, Sayulu goã nɔ̀ɔndɛnan siin zɛnɛɛ kion fúlu bii. Davida goã a tùtu lɛ dii ka a bɛ́ nɛn bɛ̀ a dɛ lɛawaa gialakunun kɛn li lɔn. Sɛmiɛ̃ na á goã Sayulu gɔn bɛa pinaa kɛ lɛ nɛ.

Samayeli1 19:9

Dɛnaa Lawa goã á nɔ̀ɔn baraa mɛn da Sayulu ganaa, bɛ lɛ daa kũ doo. Á goã giã-n tán a kion sɛmiɛ̃ ná a gɔn. Bɛa biikoo li, bɛ̀ Davida n tùtu dii.