Kiin1 22:17 - LAWA A BOO SONBORE

¹⁷ Misee ná a lɛ si: «Má Izirayeli minin tumaa yɛ pɛsiɛ̃-n kelen la, ka n pɛ mà sèren mɛnɛn nə́ ke ǹ lɛduə̃ wole ná a banban. Dɛnaa Lawa pɛ: Dɛnaagiĩ ba minin kɛn lon wa. Didie nə n bɔyaa a wo piɛ ka là nyantoro ne!»

LAWA A BOO SONBORE 2011

¹⁷ Misee ná a lɛ si: «Má Izirayeli minin tumaa yɛ pɛsiɛ̃-n kelen la, ka n pɛ mà sèren mɛnɛn nə́ ke ǹ lɛduə̃ wole ná a banban. Dɛnaa Lawa pɛ: Dɛnaagiĩ ba minin kɛn lon wa. Didie nə n bɔyaa a wo piɛ ka là nyantoro ne!»

Kiin1 22:17 ပူးပေါင်းရင်းမြစ်များ

Kiin1 22:16

Kii lɛ wusoo á nɔ̀n da Misee la: «Ma doa nɛ ma n da liɛ ganaa gunyin gia? Ka Dɛnaa Lawa tɔ nɛ, Boo goon pɛ ma nɛ.»

Izayii 13:14

Bɛa waáraa kəni, tiin man die ǹ piɛ zii siɛ, didie nə n mìi fɔ̃ a gána ganaa, kɛnɛn ka yuùn bɛ́ baa sii lɔn, bɛ̀ ǹ tá lui, ka sèren mɛnɛn nə́ ke ǹ lɛduə̃li banban.

Zeremii 28:8

«Lawa a boo gii-dalin nə́ goã ǹ tan haalɛ bibi n laanka masɛ nyɛɛnɛ. Ǹ nə́ boo da gána gigiã wɔ paǹ li ka tɔrɔ yii guguru-an nɛ. Ǹ nə́ boo da ǹ nɛ zia wɔ paǹ li, koe ne ka piɛ̃ busu ni.

Zeremii 50:17

Izirayeli na á goã ka sère papaã wole bɛ́ lɔn, yàran ná a kio. Min mɛn sɔ̃ bibinaa nɛ, Asiiriin kii ni. Bɛ kio, Baabiloniin kii Nebukadenezɔɔrɔ daa, á kũ a ná a wen yiyiɛ.

Zeremii 50:6

Maa zaman lɛ a minin man nə́ goã ka sère papaã wolen bɛ́ lɔn. Ǹ lɛduə̃lin man nə́ goã ǹ yiri siɛ̃. Maǹ nə n toɛ walan bɛ̀ ǹ wo kelen la, ǹ dinin gɔn wìi a lɛa. Ǹ nə́ woo kelen la ka tentenen ne, ǹ yiri bɔ ǹ zìãn ganaa.

Ezekieli 1:4

Ma bɛ́ giɛ, bɛ̀ la a piɛ̃ kaara á ke, á n toa gɔsɛ a lɛ̀gɔn la á n die. Labara gangabiɛ na á goã a nyɛɛnɛ, la ń tɛ pii bɛ̀ a bɛ bii kukuru kɔn. Tɛ fúlu kɔn na á goã bɛa labara lɛ lɛnpɛnɛ, a bii kɛ na á goã tɛ pii ka zan tɛ-pɛle bɛ́ lɔn.

Nahumu 3:18

Asiiriin kii, n gánadɛnan lɛn nə nyuù wɔ tɛmɔɔ. N min kakan lɛn sɛ̀mɔɔdɛnan lɛa, bɛn kɔn ba bìn diɛ doo wa. N zaman lɛ sasawa a woo paǹ yii li, kelen mii ni, min kɔn banban a die ǹ soekɔn wa.

Zakarii 10:2

Lawa kooron kɛn man soɛ boon diɛ, wɔ-kũlin man soɛ siin yii. Maǹ narɛɛ kooron we, fofolo lɛa. Ǹ foo waa ǹ boon tumaa n piɛ̃ lɛa. Bɛ lɛ nɛ, zaman lɛ woo, ka tɔɔ makaradɛnaa bɛ́ lɔn, a giala, lɛduə̃li ba ǹ la wa.

Zakarii 13:7

Dɛnaa Lawa Pàãyiidɛnaa a da ǹ boo á ke: «Gɔya sa, n yii bũ maa tɔɔn-lɛduə̃li kɛ li, ma giaára ke. Tɔɔn-lɛduə̃li lɛ məə, màn mɛn bɛ́ toɛ, sèren lɛn nə n pɛsɛ̃ bǎã yii ni, ma tɔn da ǹ nɛ binbisinin dɛ.»

Minin nimi 24:3

á tɔ́n bɔ boon kɛn nɛ kɛnɛn á ǹ pɛ: Masɛ, Bewɔɔrɔ a nɛgiĩ Balaamu n boo diɛ. Min mɛn yii bɛ́ sii yii, bɛ n boo diɛ.

Minin nimi 24:4

Min mɛn too bɛ́ Lawa a boo miɛ, á n Pàãyiidɛnaa a sii-nyaa yii, á niɛ̃ kiɛ tán a lɛ la, a yii n niɛ̃, bɛ n boo diɛ.

Minin nimi 27:17

min mɛn nə́ ke die boe la a zaman lɛ nyɛɛnaan bɔ ka a sii yii ni, ń giɛ zaman lɛ baran n baa ka tɔɔn mɛnɛn bɛ́ ǹ lɛduə̃ wole ná a banban wa.»

Matiə 9:36

Bɛ̀ á zaman mɛn yɛ, minin lɛn makara n kuĩ, a giala maǹ nɔmaa nɛ, ǹ foo n ziziɛ̃ nɛ, ka sèren mɛnɛn bɛ́ lɛduə̃li ná a ba ǹ la wa.

Marki 6:34

Yezu bɛ́ á soo á n bɔ goo lɛ nɛ ǹ mɛn waáraa, á zaman gole yɛ. Minbuiinin lɛn makara kũ parsiini, a giala mà ǹ nə́ goã goon ka sèren mɛnɛn bɛ́ lɛduə̃li ná a ba ǹ la wa. A ná a giala kɔ á ǹ daraa sii gigiã ganaa.

Samayeli1 9:9

Lɛlɛ, Izirayeli gána nɛ, bɛ̀ ǹ tá re woe nɔ̀n diɛ Lawa la ka sii ni, maǹ nɛn bɛ̀ ǹ pɛ, mà ǹ daa ǹsɛn nə n ta sii-nyaali li. A giala, ǹ bɛ́ min mɛn bii pelo, Lawa a boo gii-dali, maǹ nə́ goã bɛ bii sii-nyaali.