Kiin1 21:8 - LAWA A BOO SONBORE

⁸ Bɛ kio, Zezabɛli sɛ́wɔn kiɛ̃ ka Akaabu tɔ nɛ. Á kii a gòon ganaa ǹ kaaran bǎã da ǹ la, á ǹ dia Naabɔti a kiwi a min golen laanka a kənən la.

LAWA A BOO SONBORE 2011

⁸ Bɛ kio, Zezabɛli sɛ́wɔn kiɛ̃ ka Akaabu tɔ nɛ. Á kii a gòon ganaa ǹ kaaran bǎã da ǹ la, á ǹ dia Naabɔti a kiwi a min golen laanka a kənən la.

Kiin1 21:8 ပူးပေါင်းရင်းမြစ်များ

Kiin1 20:7

Izirayeli gána a kii lɛ gána lɛ a min golen bii, á pɛ ǹ nɛ: «Ka yii tá a ganaa foaãnɛ, giĩ kɛ n giɛ li a baraa zɛnaa masɛ nɛ! Á pɛ mà yǎa ma maa lɔn laanka maa nɛnyaanan koe asɛ la, ka maa wɔrɔ laanka maa sana nɛ. Man piã nɛ ka bɛ kɔn nɛ wa.»

Kiin1 21:1

Sii mɛn nə n zɛnaa bɛa siin kɛn lɛn kio, bɛ á ke: Zizereyɛli min goon ne, a tɔ n Naabɔti. *Rezɛ̃ da wuru goã a lon kunu Samarii gána a kii Akaabu a piɛ li, Zizereyɛli kiwi.

Kiin1 21:9

Zezabɛli na á kiɛ̃ bɛa sɛ́wɔn lɛ-n kɛnɛn: «Ka lɛawaa bɔ ka n lɛ sɔɔ. Ka zaman lɛ sɔkɔn, ka Naabɔti da tán ka nyɛɛnɛ.

Kiin2 10:11

Bɛ kio, min mɛnɛn tumaa bɛ́ tɔn nə ǹ tan Zizereyɛli kiwi, Akaabu a kion minin lɛa, Zewu nə́ ǹ yii dɛ. Akaabu a min dadaran tumaa nɛ, a kɔn doɛ̃ wolen ne, a wúlu-bɔlen ne, Zewu bɛn kɔn yii toa koo wa.

KZS2 32:17

Asiiriin kii lɛ sɛ́wɔ dɔ kiɛ̃, á sɔ kiɛ Dɛnaa Lawa, Izirayeli a Lawa la. A bɛ́ màn mɛn pii, á ke: «Tán la, gána kɔn a lawan nə tɔn boo la ǹ nə́ ǹ zaman kirisibaa maa pàã ganaa wa. Ezekiasi a Lawa dɔ a re boe la a na a zaman kirisibaa ma pàã ganaa wa.»

Ɛsidrasi 4:11

Ǹ sɛ́wɔ mɛn lɛ dia la, a boo á ke: «Kii Artagizɛrɛsɛɛsi, ǹ dí-nyalin kɛn Efrati tà a lɛ̀nyɛɛn gɔn la, bɛn man kɛ koe n la.

Nehemii 6:5

A gunyin soorobaa ǹ wɔ, Sanbalaa ná a dí-nyali dia ma li, a din boo goon lɛ ganaa, ka sɛ́wɔ nɛ a gɔn, sɛ́wɔ lɛ lɛ ń koo.

Minin nimi 11:16

Dɛnaa Lawa tɔ́n Muizu lɛ si: – Min yii guguru-a pɔsɔbaa sɔkɔn, ń bɛ́ ǹ mɛnɛn doɛ̃ zaman lɛ a min golen laanka a nyɛɛnaandɛnan lɛa. N die n wo ǹ ne kɔn yɛ ka Lawa nɛ ǹ kion kɛ yɔrɔ-a, ǹ giã bii-a kun n dinmaa nɛ masɛ yɔrɔ-a.

Matiə 27:66

Ǹ nə́ tɔ́n woo ǹ nə́ yala lɛ a lɛduə̃ sii yɔrɔ bɔ. Kɔlɔ mɛn bɛ́ a lɛ tiɛ̃, ǹ nə́ gɔn bǎã da bɛ ganaa, min ba a lɛ buĩ a din gɔn wìi a lɛa wa. Ǹ nə́ sɔraasin koa a li, mà ǹ na a lɛduə̃.

Uruti 4:11

Zaman lɛ laanka min golen mɛnɛn tumaa goã sii yɔrɔ bɔ ǹ bǎã lɛ nɛ, bɛn nə́ pɛ: Wɔsɛn dinin man siéren lɛa! Lɔ kɛ lɛ die we n kion, Dɛnaa Lawa die a baa ka Raseli laanka Leya bɛ́ lɔn. Bɛa lɔ min paa kɛ lɛ na á Izirayeli tɔrɔn koa. A die a màndɛnaa baa Efrataa tanlɛ minin bii, a tɔ bɔ Bɛtlehɛmu kiwi.

Uruti 4:2

Bɛ kio, Boazi min fù bɔ kiwi lɛ a min golen bii, á pɛ ǹ nɛ: «Ka giã tán kànaa.» Ǹ nə́ giã tán.