Kiin1 21:25 - LAWA A BOO SONBORE

²⁵ Min kɔn din yɛ, á n din kɔ dí baraa nya la, Dɛnaa Lawa yɔrɔ-a, ka Akaabu bɛ́ lɔn wa. A giala, a lɔ Zezabɛli lɛ na á goã sɔmɛ diɛ a zɛnaa ganaa.

LAWA A BOO SONBORE 2011

²⁵ Min kɔn din yɛ, á n din kɔ dí baraa nya la, Dɛnaa Lawa yɔrɔ-a, ka Akaabu bɛ́ lɔn wa. A giala, a lɔ Zezabɛli lɛ na á goã sɔmɛ diɛ a zɛnaa ganaa.

Kiin1 21:25 ပူးပေါင်းရင်းမြစ်များ

Kiin1 16:25

Sɛnɛ, sii mɛn bɛ́ baraa Dɛnaa Lawa yii li, Omrii bɛ zɛnaa. A koa min mɛnɛn la, asɛ wɔ lɛ baraa kɔ á la bɛn wɔ nɛ.

Kiin1 18:18

Yilii ná a lɛ si: «Masɛ sii bie wa. N din laanka n kion minin sii ni. A giala, ka Dɛnaa Lawa a gɔn waa ǹ boon toa walan, ka bɛ dɔ nɛ, ń *Baali nyínin guguru kɔ.

Kiin1 18:4

Zezaabeli bɛ́ Dɛnaa Lawa a boo gii-dalin lɛn dii ǹ mɛn wàaraa, Obadia lɛ na á goã á Lawa a boo gii-dali paabiɛ kũ á ǹ duru kele yala paa gɔ́ɔ̃ nɛ min poposooro. Á goã màn-bii laanka mu koe ǹ la.

Kiin1 19:2

Zezabɛli min dia woe pii Yilii-n kɛnɛn: «N dɔ Baali a wúlu-bɔlen nyín bɔ lɔn, ma dɔ n die n dɔ wɔ boe miɛ̃ biɛ̃ kɛnɛn yirəə. Bɛ̀ ma bɛ zɛnaa duduu wa, dìn die ǹ dɔlɔ babaraa bɔ ma ganaa.»

Kiin1 21:20

Akaabu bɛ́ á Yilii yɛ, á pɛ nɛ: «Ee maa zɔ́ɔ, ń ma wɔlɔ yɛ kəni.» Yilii tɔ́n na a lɛ si: Má n wɔlɔ yɛ, a giala n nə́ n din kɔ dí baraa nya la, Dɛnaa Lawa yɔrɔ-a.

Kiin1 21:7

A lɔ Zezabɛli tɔ́n pɛ nɛ: «Izirayeli gána a kii lɛ bie n din ni wa ya? Yoo n màn bii, n toa n foo kɔɔ̃n kɔ, masɛ din tá re Zizereyɛli kiwi min Naabɔti a rezɛ̃ da wuru lɛ koe n la.»

Kiin1 22:52

Zudaa gána a kii Zozafati a kiibaa lɛ̀ fulusɔbaabaa ǹ wɔ, Akaabu a nɛ Ahaazia kii baa Izirayeli gána mìi la, Samarii kiwi. A na á kiibaa zɛnaa Izirayeli gána mìi la lɛ̀ paa.

Kiin1 22:53

Sii mɛn bɛ́ baraa Dɛnaa Lawa yii li, a na á goã bɛ zɛnɛɛ. A na á ǹ di laanka ǹ dan a tɔ wɔ ǹ gɔn saa. Nebaati a nɛgiĩ Zeroboamu mɛn lɛ goã á Izirayeli minin kaa sii baraa zɛnaa ganaa, Ahaazia bɛ lɛ dɔ a tɔ wɔ ǹ gɔn saa.

Kiin2 17:17

Ǹ nə́ ǹ nɛgiĩn laanka ǹ nɛlɔn tã wúlu mànan lɛa, ǹ nə́ wɔ kũ, ǹ nə́ boobaa ǹ dí nya. Ǹ nə́ ǹ dinin kɔ dí baraa nya la, Dɛnaa Lawa yɔrɔ-a, yǎa ǹ nə́ Dɛnaa Lawa foo yoo.

Kiin2 23:25

KIIN mɛnɛn nə kiɛ̃ Zoziasi nyɛɛn lɛlɛ, ǹ kɔn nə yɛ ka a bɛ́ lɔn, á wusoo á daa Dɛnaa Lawa ganaa ka a foo din tumaa nɛ, ka a gɔ́ɔ̃ din tumaa nɛ, ka a taasiɛ din tumaa nɛ, á kɔnpɛ ka Muizu a dí-pɛ kɛ tumaa-n wa. Zoziasi kio, kii kɔn yɛ ka a bɛ́ lɔn wa.

Kiin2 9:22

Zoramu yii mɛ Zewu ganaa lɔn gɔrɔ, á n toa: «Zewu, bǐɛ̃ nɛ?» Zewu ná a lɛ si: «Wàa bǐɛ̃ nɛ! A da yaa n dan Zezabɛli lɛ n tɔn woe nyɛɛnɛ ka a dì guguru koe kɛ laanka a kɔnkoãbaa zaã kɛa zɛnaa nɛ.»

Kiin2 9:34

Bɛ kio, á wɔ kion, á màn bii, á màn mi, á tɔ́n pɛ: «Ka ga lɔ koedɛnaa kɛ walan, ka a gere bĩ, a giala, kii a nɛlɔ nɛ.»

Nehemii 13:26

Má pɛ ǹ nɛ kɛnɛn: «Táa bɛ lɛ na á toa Izirayeli a kii Salomɔn sii baraa zɛnaa. Gána damata kɛn kiin bii, kii yɛ ka a bɛ́ lɔn wa. Á goã kɔɔ̃n Lawa ganaa. Lawa na á goã á koa kii lɛa, Izirayeli kuturu mìi la. A laanka bɛ yii ni, a din kɛ lɛ nɛ, tɔrɔ kɔsɔ lɔn nə́ nyanaa ǹ nə́ da sii baraa nɛ.

Bɔ bɛ̀rɛbaa nɛ 34:16

Bɛ̀ ka ǹ nɛlɔn wɔ ka ǹ kɔ kaa nɛgiĩn la, ǹ nɛlɔn lɛn man die ǹ dìn guguru koe, ǹ tá re kaa nɛgiĩn lɛn dɔn kiɛ ǹ dìn lɛn guguru koe ganaa.

Suusun 22:14

Lɔ naarɛbaali lɛ n nyankɔrɔ zuzulu lɛa. Dɛnaa Lawa bɛ́ re dɔlɔ boe min mɛnɛn ganaa, bɛn manə n doe a nɛ.

Boo-laakalaali 7:26

Má yɛ dɔn, lɔ mɛn nə́ ke ka kan bɛ́ lɔn, bɛ á kɔɔsɛ á la gɛ̀ nɛ. Bɛa lɔ lɛ a kɔn-narɛɛ n ka zɔ̀ɔ bɛ́ lɔn, a gɔnɔn man ka zɔrɔkan bɛ́ lɔn. Min mɛn a sii bɛ́ kiɛ Lawa foo la, bɛ tá kanbiɛ a ganaa. Sɛnɛ, a gɔn nə doe sii baraa-zɛnaali ganaa.

Izayii 50:1

Dɛnaa Lawa n kɛ pii: Ka ǹ pii mà má kaa náa Zeruzalɛmu loo, ka a loo ǹ sɛ́wɔ nyaa ma-n kəni! Ma ka sã min mɛn la, má maa giɔ̀mɔ saraa nɛ, ka ǹ dɛnaa pɛ ma-n kəni! Á ke, bɛ̀ n yaa ǹ nə́ ka sã, kaa siɛ̃n lɛn lɛa nɛ. Bɛ̀ ǹ nə́ kaa náa loo, kaa sii baraan lɛn lɛa nɛ.

Izayii 52:3

Dɛnaa Lawa bɛ́ boo mɛn diɛ, á ke: «Maǹ nə́ goã ǹ nə́ ka sã bɛ̀rɛn lɛa kooro. Ǹ tá re wusii ǹ ka mìi bɔ wɔrɔ ná a ba a-n wa.»

Nya ǹ dín 14:2

Sɛnɛ, Zuifu kɔsɔn mɛnɛn bɛ́ ǹ lɛ kɔ boo lɛ a sonborebaa ganaa wa, bɛn nə́ tɔrɔ kɔsɔn lɛn gòãn sɔsɔmɔ, ǹ nə́ ǹ kaa Lawa-nyankɔlen lɛn ganaa.

Nya ǹ dín 6:12

Ǹ nə́ zaman lɛ sɔmɔ, ka min golen laanka landa sii-daraalin ni. Bɛn nə́ Itian kũ fufuu, ǹ nə́ woo-n kiri-wɔlen bǎã nɛ.

Rɔmu minin 6:19

Man má bɛ̀rɛbaa saa sii a kɔnboe lɛa, má nyaa ka nɛ, màn mɛn bɛ́ toɛ, ka boo la ka a giala ma. Gɔgɔrɛbaa laanka kɔkɔrɔbaa mɛn bɛ́ min diɛ Lawa bɔlɔ tii ganaa a wo-n nyɛɛnɛ, táa ka n ká ǹ dinin kɔ bɛn la lɛlɛ, ka ǹ bɛ̀rɛn baa. Sisia, bɛa yɔrɔ kɛ lɛ la, Lawa dùũ siin mɛnɛn zɛnaa bɛ́ min *yoreen koe, ka doamaa nɛ ka ka dinin kɔ bɛn la, ka ǹ dɔn bɛ̀rɛn baa.

Rɔmu minin 7:14

Wɔ á doɛ̃, wáa dí-pɛn man nə́ bɔ Lawa li. Sɛnɛ, wɔsɛn man minbuiin nɛn lɛa, wɔ n sii baraa gɔn bɛ̀rɛn lɛa.

Sii-nyaan 2:20

«Sɛnɛ, ma lɛ bɛ́ n li ka sii mɛn nɛ, bɛ á ke: Lɔ kɔrɔ Zezabɛli a sii á kúu biɛ n nɛ, asɛ lɔ mɛn bɛ́ n din biɛ Lawa a boo gii-dali lɛa. A din nə maa dí-nyalin siɛ̃, mà ǹ nə n dinin kɔ kɔrɔbaa la, ǹ dì wúlu bɔ ǹ siĩn dɔn sɔ̃.