Kiin1 21:21 - LAWA A BOO SONBORE

²¹ Bɛ lɛ nɛ Dɛnaa Lawa pɛ: «Man die koe boe n ganaa, man die n nafoɛ̃ ma n bɔ bii-a. Man die n bɛ̀rɛn dii ka min mɛnɛn bɛ́ ǹ ba bɛ̀rɛn lɛa wa, ma ǹ bɔ n sumu-n.

LAWA A BOO SONBORE 2011

²¹ Bɛ lɛ nɛ Dɛnaa Lawa pɛ: «Man die koe boe n ganaa, man die n nafoɛ̃ ma n bɔ bii-a. Man die n bɛ̀rɛn dii ka min mɛnɛn bɛ́ ǹ ba bɛ̀rɛn lɛa wa, ma ǹ bɔ n sumu-n.

Kiin1 21:21 ပူးပေါင်းရင်းမြစ်များ

Kiin1 14:10

Bɛ lɛ n ke, masɛ n die koe diɛ Zeroboamu a sumu minin mìi ni. Man die giĩn dii ma ǹ bɔ Zeroboamu a sumu-n, bɛ̀rɛn nɛ ka min mɛnɛn bɛ́ ǹ ba bɛ̀rɛn lɛa wa Izirayeli gána nɛ. Man die n sumu papaɛ̃ lenlen, ka min bɛ́ yisi wɔrɛɛ lenlen lɔn ka mɛsɛ nɛ.

Kiin1 15:30

Zeroboamu a sii baraan wɔ paǹ li. Zeroboamu goã á sii baraa mɛnɛn lɛn zɛnaa ka kɛn lɛn nɛ á Izirayeli minin kaa ǹ zɛnaa ganaa, á wɔ Izirayeli a Lawa, Dɛnaa Lawa lon ne.

Kiin1 16:3

Bɛ lɛ nɛ, ma á re wɛɛ a din laanka a kion minin la. Man die a kion lɛ biɛ ka Nebaali a nɛgiĩ Zeroboamu wɔ bɛ́ lɔn.

Kiin2 10:17

Zewu bɛ́ á dɔ Samarii kiwi, Akaabu a kion minin mɛnɛn tumaa goã kiwi lɛ nɛ, ǹ nə́ kanbaa gɛ̀ ganaa, á bɛn yii dɛ lenlen, ka Dɛnaa Lawa goã a ná a boo da Yilii-n lɔn.

Kiin2 10:30

Dɛnaa Lawa pɛ Zewu ni: N sii sonbore zɛnaa, sii mɛn bɛ́ pepere ma yii li, n bɛ zɛnaa. N màn mɛn zɛnaa Akaabu a kion minin manɛ, ma n má goã giɛ li miɛ̃ lɛn ka te. Bɛ lɛ tɔ ganaa, Izirayeli a kiibaa lɛ á die goɛ̃ n nɛnyaanan gɔn, yǎa a woe doe n nɔ̀ɔnɔn nɔ̀ɔnɔn ganaa.

Kiin2 14:26

Sonbore, Dɛnaa Lawa goã á Izirayeli minin nɔmaa gole lɛ yɛ. Min kɔn din goã a tan a nə́ n doe ǹ lɛ wa. A goã a tan bɛ̀rɛ lɛa wa, hinlaa min mɛn nə́ ke a din gɔn wìi a lɛa, a goã a tan bɛ lɛa wa.

Kiin2 21:13

Man die Samarii kiwi tele ǹ biɛ kɛ laanka Akaabu a kion minin tele ǹ màn kɛ diɛ Zeruzalɛmu kiwi li. Man die Zeruzalɛmu tuturi ka ǹ bɛ́ tasa tuturi lɔn, ǹ saa ǹ na a lɛ kuməə tán.

Izayii 3:11

Sɛnɛ, min baraan wɔ n ka bɔ̀n nɛ, bɔ̀n woo bɔ̀n. A giala, a baraa mɛn zɛnaa, bɛ lɛ n die kuĩ a mìi ni.

Timəə dí-pɛn 32:36

Dɛnaa Lawa din nə die a minin lɛn sii yɔrɔ boe. Bɛ̀ á yɛ mà ǹ pàã nya ǹ mɛn waáraa, dɔmalɛ wole ná a ba ǹ lon wa, foo doa ǹ bǎã ná a ba ǹ lon wa, á re wusii a makara bɔ a dí-nyalin lɛn ganaa.

Samayeli1 25:22

Bɛ̀ má toa lɛ̀ waa giĩ ganaa a yii n koo Naabaali a kion kɛ nɛ, Lawa die a dɔlɔ babaraa bɔ ma ganaa.»

Samayeli1 25:34

Sɛnɛ, Izirayeli a Lawa, Dɛnaa Lawa lɛ yii á koo! A din lɛ na á masɛ kurəə, ma sii baraa zɛnaa Abigayili-n wa. Bɛ̀ n bie ń daa n da ma lɛ fufuu kɛnɛn wa, bɛ̀ kànaa laanka lɛ̀ a waa nɛ, bɛ̀ giĩ goon ba re goɛ̃ a yii n koo Naabaali a kion wa!»