Kiin1 21:19 - LAWA A BOO SONBORE

¹⁹ N die n pɛ nɛ: Dɛnaa Lawa mà n gɛ̀ dɛ ń nya, a nə n gɔ́ɔ̃ dɔ nɛ, n na a màn kũ n si n baa n wɔ lɛa? Bɛ lɛ nɛ, n die n pɛ-n kɛnɛn: «Ginin nə goã ǹ nə́ Naabɔti mà piã tán bǎã mɛn nɛ, a din bǎã lɛ nɛ, ǹ tá re n dɔ wɔ kɛ lɛ piɛ̃ a nɛ.»

LAWA A BOO SONBORE 2011

¹⁹ N die n pɛ nɛ: Dɛnaa Lawa mà n gɛ̀ dɛ ń nya, a nə n gɔ́ɔ̃ dɔ nɛ, n na a màn kũ n si n baa n wɔ lɛa? Bɛ lɛ nɛ, n die n pɛ-n kɛnɛn: «Ginin nə goã ǹ nə́ Naabɔti mà piã tán bǎã mɛn nɛ, a din bǎã lɛ nɛ, ǹ tá re n dɔ wɔ kɛ lɛ piɛ̃ a nɛ.»

Kiin1 21:19 ပူးပေါင်းရင်းမြစ်များ

Siin Giala 3:11

Dɛnaa Lawa tɔ́n nɔ̀n da la: «Die na á pɛ n nɛ, mà n tontoro ne? Ma bɛ́ má pɛ n nɛ, máa n baran da nɛ mɛn bii wa, ma nə́ n bɛ lɛ bii ya?»

Samayeli2 12:11

Dɛnaa Lawa n kɛ pii: Á ke, man die toɛ n nɔmaa bɔ n din a kion kɛ lɛ nɛ. Masɛ n die n lɔn kɛn kuĩ n din yii ni, ma ǹ kɔ min kɔsɔ la. Bɛ á re giɛ̃ kun ka n lɔn lɛn nɛ wɔlɔ fúlu-a.

Samayeli2 12:9

Wàa na á baa, n tá sàn koe ka Dɛnaa Lawa a boo ne, ń sii zɛnɛɛ, sii mɛn nə́ ke a kɔɔ̃n Lawa ganaa wa? Ń Ɛti tɔrɔ Urii dɛ zia la. N din nə n toa Amɔn tɔrɔn nə́ Urii dɛ. Bɛ kio, ń Urii a lɔ saa ń baa n din wɔ lɛa.

Kiin1 22:38

A minin toa mà pii boe Akaabu a ziabaa ǹ wotoro lɛ ganaa, Samarii pɛrɛ lɛ-a, ginin man nə́ goã a mà piɛ̃, lɔ kɔrɔn man nə́ goã n zoe pɛrɛ lɛ nɛ, ka Dɛnaa Lawa goã á pɛ lɔn.

Kiin2 10:10

Ka dɔ̃ kəni, mà Dɛnaa Lawa a boo goon ba re goɛ̃ kooro lɛ pã baã wa. A boo mɛn yii da Akaabu a kion minin wɔ paǹ li, bɛ goon ba re goɛ̃ kooro lɛ pã baã wa. Dɛnaa Lawa na a dí-nyali Yilii da boo mɛn pɛ ganaa, á bɛ lɛ pã.

Kiin2 10:7

Sɛ́wɔ lɛ dɔ ǹ li lɔn gɔrɔ, ǹ nə́ kii lɛ a nɛgiĩn pɔsɔbaa lɛn yii bɔlɔ kuru, bɛ kio, ǹ nə́ ǹ mìin kaa kɛsɛn nɛ, ǹ nə́ ǹ dia Zewu la, Zizereyɛli kiwi.

Kiin2 6:32

Yiliizee na á goã giã-n tán a piɛ, min golen nə́ tán a genli. Kii lɛ min dia a nyɛɛnɛ. Sɛnɛ bɛa dɛnaa lɛ laan bɛ̀ a n doe Yiliizee li, Yiliizee pɛ min golen lɛn man kɛnɛn: «Ka ga! Gɛ̀-dɛle kɛ na á min dia, mà a da masɛ mìi na. Bɛ̀ bɛa dia dí-a wole kɛ lɛ dɔ lɔn gɔrɔ, ka kiɛnlɛ lɛ tã a nyɛɛnɛ, ka n da lɛ nɛ! A dɛnaagiĩ lɛ dinmaa wɔlɔ á die goɛ̃ kunu a kio.»

Zɔbu 31:39

bɛ̀ man má a màn bii, má n ma wɔrɔ bɔ wa, bɛ̀ man má min nyin bɔ, má a tán si la,

Loen 68:23

Dɛnaa din na á pɛ: Ma á re boe n zɔ́ɔn lɛn nɛ Basan gána nɛ, ma bɔ ǹ nɛ yìsi mu gialaa,

Loen 9:13

Dɛnaa Lawa din bɛ́ n gɛ̀ dòo boe, bɛ lɛ n ke, a yiri a boe wa. A yiri a boe ka doobaan lɛ-dɛ-n wa.

Loen 9:16

Tɔrɔ kɔsɔn nə nyankɔrɔ mɛn fɔ̃, ǹ dinin nə́ bɔ ǹ nə́ kaa a nɛ. Ǹ biɛ mɛn koa, á ǹ dinin kũ.

Zeremii 34:6

Lawa a boo gii-dali Zeremii woo boo lɛ pɛ Zudaan kii Sedekiasi ni, Zeruzalɛmu.

Ezekieli 46:18

Goledɛnaa lɛ doamaa bie a zaman lɛ a min kɔn a bǎã kũ a si la ka pàã-n wa. A bɛ́ re bǎã mɛn koe a nɛnyaanan lɛn la, a doamaa nɛ a bɛ kuru a din wɔ nɛ, màn mɛn bɛ́ toɛ, a zaman lɛ a min kɔn wɔlɔ baran lui a din a bǎã ganaa wa.»

Abakuku 2:12

Kaa wɔ n ka koe ne! Ka ǹ kaa kiwin doe gɛ̀-dɛ gɔ́ɔ̃ nɛ, ka nə ǹ koɛ ka mɛnaa kɔn la nɛ.

Abakuku 2:9

Kaa wɔ ǹ ka bɔ̀n nɛ! Ka mɛnaa minin la, ka gɔn mànan yɛ, kaa kion minin wɔ lɛa. Ka bàan wɔ bɛ́ lɔn, ka n kaa giãǹ bǎã doe lon, màn mɛn bɛ́ toɛ koe ná a doe ka ganaa wa.

Matiə 7:2

Ka bɛ́ ka miãn zɛ̀rɛ biɛ lɔn ke, Lawa n die ka dɔn zɛ̀rɛ biɛ miɛ̃. Ka bɛ́ ka miãn wɔ zoɛ̃ màn mɛn ganaa, Lawa n die ka dɔn wɔ zoɛ̃ bɛ lɛ ganaa.

Sii yɔrɔ-bɔlen 1:7

Bezɛkin kii tɔ́n pɛ: «Kii pɔsɔbaa na á goã màn-bii bisin goɛ masɛ a màn bii ǹ goo giulun, ǹ gɔn a gòon mìi golen laanka ǹ gòãn wɔn nə́ kurii ni. Ma sii mɛn zɛnaa, a din lɛ n ke Lawa ma saraa nɛ.» Ǹ nə́ woo ne Zeruzalɛmu, á gã walan.