Kiin1 21:13 - LAWA A BOO SONBORE

¹³ Min paa kɔn daa giã tán Naabɔti yɔrɔ-a, min kɔrɔn manɛ. Bɛa min kɔrɔ paa lɛ yoo, ǹ tá n koɛ ka Naabɔti ni zaman lɛ yɔrɔ-a, ǹ nə́ pii: «Naabɔti na á Lawa laanka kii piɛ̃ bɔ.» Bɛ kio, ǹ nə́ tɔ́n Naabɔti kũ, ǹ nə́ soo-n kiwi lɛ nɛ, ǹ nə́ dɛdɛ ka kɔlɔn nɛ, á gã.

LAWA A BOO SONBORE 2011

¹³ Min paa kɔn daa giã tán Naabɔti yɔrɔ-a, min kɔrɔn manɛ. Bɛa min kɔrɔ paa lɛ yoo, ǹ tá n koɛ ka Naabɔti ni zaman lɛ yɔrɔ-a, ǹ nə́ pii: «Naabɔti na á Lawa laanka kii piɛ̃ bɔ.» Bɛ kio, ǹ nə́ tɔ́n Naabɔti kũ, ǹ nə́ soo-n kiwi lɛ nɛ, ǹ nə́ dɛdɛ ka kɔlɔn nɛ, á gã.

Kiin1 21:13 ပူးပေါင်းရင်းမြစ်များ

Kiin1 21:14

Ǹ nə́ min dia woe pii Zezabɛli ni, mà ǹ nə́ Naabɔti dɛdɛ ka kɔlɔn nɛ, á gã.

Kiin2 6:32

Yiliizee na á goã giã-n tán a piɛ, min golen nə́ tán a genli. Kii lɛ min dia a nyɛɛnɛ. Sɛnɛ bɛa dɛnaa lɛ laan bɛ̀ a n doe Yiliizee li, Yiliizee pɛ min golen lɛn man kɛnɛn: «Ka ga! Gɛ̀-dɛle kɛ na á min dia, mà a da masɛ mìi na. Bɛ̀ bɛa dia dí-a wole kɛ lɛ dɔ lɔn gɔrɔ, ka kiɛnlɛ lɛ tã a nyɛɛnɛ, ka n da lɛ nɛ! A dɛnaagiĩ lɛ dinmaa wɔlɔ á die goɛ̃ kunu a kio.»

Kiin2 9:26

«Ma Naabɔti mà yɛ gunun, ka a nɛnyaanan wɔ nɛ. Dɛnaa Lawa a da ǹ boo ne. Man die bɛ lɛ miã zɛnɛɛ n dɔ nɛ, a din wuru goon kɛ lɛ nɛ. Dɛnaa Lawa a da ǹ boo ne!» Sisia kəni, Zoramu lɛ bɔ n zũ bɛa wuru lɛ nɛ, ka Dɛnaa Lawa goã a ná a boo da lɔn.

KZS2 24:21

Bɛ kio, zaman lɛ boo wɔ kɔn Zakarii ganaa, kii nə́ ǹ kaa a ganaa ǹ nə́ kɔlɔ kaã bɔ a ganaa Lawa a kion kɛa sumu-n á gã.

Zɔbu 1:11

Sabara baa n nə n gɔn da a gɔn màn lɛ ganaa, n basaã kɔ ǹ tumaa nɛ. Bɛ̀ Zɔbu golee n din yɔrɔ-a, a boo baraa da n ganaa wa, n da màn si ma la.»

Zɔbu 1:5

Bɛ̀ zɔ́n lɛ kiɛ̃, Zɔbu na a nɛnyaanan lɛn bíi, bɛ̀ a *gɔ̀ bɔ ǹ ganaa. A n yui baayɛlɛ yiisoone, bɛ̀ a tɔɔ dɛ a tã lenlen, a didie a wúlu bɔ nɛ. Zɔbu na á goã zɛnɛɛ miɛ̃ biikoo tumaa li. A giala a na á goã taasɛ, mà kɔntan asɛ a nɛnyaanan lɛn nə́ sii baraa zɛnaa, hinlaa ǹ nə́ wɔ Lawa gasɛ nɛ ka ǹ taasiɛ nɛ.

Zɔbu 2:9

Zɔbu a lɔ tɔ́n pɛ nɛ: «Ma n tɔn tán mà peperebaa nɛ n tá a gɔ́ɔ̃ nɛ? Boo baraa da Lawa lɛ ganaa n gã gɔrɔ, bɛ á soɛ kɛ nɛ.»

Zɔbu 31:39

bɛ̀ man má a màn bii, má n ma wɔrɔ bɔ wa, bɛ̀ man má min nyin bɔ, má a tán si la,

Loen 27:12

N baran ma baa maa zɔ́ɔn kɛn màn-bii lɛa wa. A giala, siére soɛ-bɔlen nə́ yoo ma gialaa, ǹ nə́ zoɛ̃ mà ǹ ma nyɛɛ ka ǹ kakaarɛbaa nɛ.

Loen 35:11

Minin man die ǹ nə́ soɛ diɛ ma la, ma bɛ́ ma a sii mɛn doɛ̃ wa, maǹ bɛa nɔ̀n diɛ ma la.

Bɔ bɛ̀rɛbaa nɛ 20:16

- N baran soɛ da min la wa.

Suusun 19:28

Siere-pɛli mɛn laadoo bɛ́ a bie ka dí-pɛn nɛ wa, bɛa màn kɔn lɛa wa. Sii baraa n kɔɔ̃n min baraan ganaa.

Suusun 19:5

Dɔlɔ á re n boe siére baraa-pɛli ganaa ǹ kɔn pinaa. Sɛnɛ, soɛ-bɔli dɔ bɛ á kɔnbɔ ka màn mɛn nɛ, á re bɛ yii.

Suusun 19:9

Dɔlɔ á re n boe siére baraa-pɛli ganaa ǹ kɔn pinaa. Soɛ-bɔli sɛ́ wɔ n ka bɔ̀n nɛ.

Suusun 25:18

Min mɛn bɛ́ soɛ woon diɛ n miã la, a n goon ka bàlà gole ne, gɔya sa hinlaa kiɛ pɛpɛnɛ nɛ.

Boo-laakalaali 10:20

N baran lɛn baraa bíi kii li wa, haalɛ n gɔ́ɔ̃-n dinin. N waa ǹ kion, n baran lɛn baraa bíi pàãma li wa, a giala piɛ̃ tá boe la a n boo lɛ saa a pɛsɛ̃, n boo mɛn da, bɛ nə n da wɔlɔ la.

Boo-laakalaali 4:1

Bɛ kio, bɔ kɔn yii ni ǹ siin mɛnɛn bɛ́ n zɛnɛɛ kanaa kɛ nɛ, má wusoo má n yii wɔ bɛn nɛ, má ga ǹ ganaa. Sɛnɛ á ke, ǹ bɛ́ boe min mɛnɛn yii ni, bɛn maǹ wuu pii, ǹ lɛ tã wole banban wa. Min mɛnɛn lɛn bɛ́ boe ǹ yii ni, pàã lɛ n bɛn lon, kɛn lɛ tã wole banban wa.

Izayii 8:21

Zaman tá re n bibiĩ gána lɛ nɛ, ǹ nə́ nɔmaa nɛ, bòo nə́ ǹ ganaa. Bɛ lɛ taman yii, ǹ foo á re yui, ǹ lɛn baraa bíi ǹ kii laanka ǹ Lawa li. Ǹ tá re n yɔrɔ diɛ lon,

Amɔɔsi 7:10

Bɛ lɛ kio ne, Betɛli kiwi a wúlu-bɔle Amasiya minin dia mà ǹ wo pɛ Izirayeli tɔrɔn kii Zeroboamu ni kɛnɛn: «Amɔɔsi n tán dù bose Izirayeli tɔrɔn lɛn bii. A bɛ́ boo mɛn tumaa diɛ, gána lɛ a minin ba boe la ǹ tá sii ǹ ganaa doo wa.

Malakii 3:5

Hiĩ! Dɛnaa Lawa Pàãyiidɛnaa pɛ: – Ma á re die ka bii ni ma kiri wɔ ka ganaa. Ma á re siɛ lɛlɛ ma zɛ̀rɛ koa kɔ́lɔnbaalin-a, naarɛbaalin ni, min mɛnɛn bɛ́ ǹ ba koe ǹ lɛ kɔ ǹ bɔlɔ lɛ wa, min mɛnɛn bɛ́ mɛnɛɛ dí-nyali la a sara paǹ li, min mɛnɛn bɛ́ mɛnɛɛ lɔ giɔɔrɔ laanka nɛ toen la, hinlaa ǹ nə́ mɛnɛɛ tiin la ka min mɛn tumaa bɛ́ ǹ ba nyɛ́ɛ biɛ masɛ yii-n wa.

Matiə 9:3

Landa sii-daraalin kɔnɔn nə́ nɔmaa ǹ nə́ pɛ kɔn nɛ: «Giĩ kɛ n sɔ koe Lawa ganaa.»

Luku 23:2

Ǹ nə́ yoo ǹ tá a gòãn kuri ǹ nə́ pii mà ǹsɛn man nə́ woo giĩ kɛ yaa ǹsɛn gána minin yiri siɛ̃. A n pii, mà ǹ baran nyin giɔ̀mɔ saraa Rɔmun kii gole gole lɛ la wa. Ka bɛ dɔ nɛ, a n pii mà Minin Nyin-sili lɛn ka asɛ nɛ, mà asɛ n kii dɔ lɛa.

Zaã a sɛ́wɔ 19:12

A kũ bɛ-a lɔn, Pilati na á goã giɛ a da ǹ gɔn li. Sɛnɛ, Zuifun lɛn nə́ kaa lɛ-dɛ nɛ doo, ǹ nə́ pii: «Bɛ̀ n da sɛn, n ba Rɔmun kii gole gole a giaára lɛa wa! A giala, min woo min tá n din biɛ kii lɛa, bɛa dɛnaa nə n din diɛ kɔn ka kii gole gole ne.»

Nya ǹ dín 24:5

«Wɔsɛn man wɔ́ yɛ wáa giĩ kɛ lɛ n zaman lɔlɔkɔn wole lɛa. Zuifun tá bǎã woo bǎã nɛ, a n boe ǹ li a tá ǹ sɔsɔmɛ. Nazarɛtin giĩ kɛ a zii dii kɛ lɛ a kɔmalɛ wole nyɛɛnaandɛnaa goon ne.

Nya ǹ dín 6:11

Maǹ nə́ nɔmaa ǹ nə́ minin pii, mà bɛn nə pɛ mà ǹsɛn ná a lɛ ma, a n sɔ koe Muizu ganaa, ka Lawa dinmaa dɔ nɛ.

Timəə dí-pɛn 13:10

Sɛnɛ, yǎa ǹ nə ǹ dɛnaa dii a giɛ̃. A bɛ́ mà a n min mɛn lɛ sɔmɛ diɛ dì guguru kɔ ganaa, bɛ lɛ doamaa nɛ a n gɔn saa a dɛ bibinaa nɛ, zaman lɛ tumaa tɔn nə gòɛ̃ wɔ a-n bɛ kio.

Timəə dí-pɛn 21:21

Bɛ kio, kiwi lɛ a minin tumaa kɔlɔ kaã bɔ a ganaa ǹ dɛ a gã. Bɛ̀ ká zɛnaa miɛ̃, ka á re sii baraa boe ka bɔ ka bii. Izirayeli minin tumaa á re bɛ miɛ̃, nyɛ́ɛ á re ǹ kuĩ.

Timəə dí-pɛn 22:21

ǹ nɛlɔ lɛ kũ ǹ soo ne ǹ di a kiɛnlɛ-a. Bɛ kio, kiwi lɛ a giĩn nə kɔlɔ kaã bɔ a ganaa ǹ dɛ a gã, a giala, a bɛ́ á n toa ǹ di kion á giĩ si, a na á sìi da ǹ sii zɛnaa Izirayeli gána nɛ. Ka zɛnaa miɛ̃ ka sii baraa bɔ ka bɔ ka bii.

Timəə dí-pɛn 22:24

ka ǹ dinin paanan kũ ka da ǹ nɛ kiri wɔ ǹ bǎã, ka kɔlɔ kaã bɔ ǹ ganaa, ka ǹ dɛ ǹ gã. Nɛniɛ lɛ doamaa-n ka gɛ̀ nɛ a giala, a n lɛ dɛ mà min da asɛ si wa, a da yaa, a n kiwi gɔ́ɔ̃ nɛ. Giĩ lɛ dɔ doamaa-n ka gɛ̀ nɛ, a giala, a na á ga ǹ miã a lɔ-wɔsiɛ li. Ka zɛnaa, miɛ̃ ka sii baraa bɔ ka bɔ ka bii.

Timəə dí-pɛn 5:20

N baran soɛ da min la wa.

Ebrəə 11:37

Ǹ nə́ ǹ dɛ kɔlɔn nɛ, ǹ nə́ ǹ wɔsɔ ka kàka nɛ, ǹ nə́ ǹ yayawaa ka gɔya nɛ ǹ nə́ gã. Maǹ nə́ goã bibiə̃ la, sère ki hinlaa bòe ki dɔnkɛn man nə́ goã ǹ ganaa, doobaabaa goã ǹ mìi ni, ǹ nə́ goã fuu yii, ǹ nə́ nɔmiɛ.